الموضوع: عايز سياره عاليه علشان المطبات والارض المكسره والطين (بيزحلق العربيه )

هى روعه بس عايزه ميزانيه ضخمه اوى

المشاركة الأصلية كتبت بواسطة ahmedalaahosny

هو العفشة بالسوست والمساعدين ابسط شرح من غير تعقيد ف الموضوع ده http://www.nilemotors.net/nile/98087-a.html

شكرا يا احمد بك

العفو ياباشا هي فعلا خرافة وهم بس لولا الجمارك والبنزين

المشاركة الأصلية كتبت بواسطة هانى القناوى

يعنى ايه نظام تعليق وايه وظيفته ؟؟

زي ما قال لحضرتك الاستاذ احمد العفشة بصورة عامة من مساعدين و مقصات و سوست

المشاركة الأصلية كتبت بواسطة هانى القناوى

هو حضرتك بتقول انها معاك من سنتين مش كده ؟
طيب خلال السنتين دول الصيانه كانت ايه ؟ كانت تغيير زيت ماتور بس ولا فى قطع غياار وخلافه اتغيرت؟
طيب لو غيرت قطع غيار كانت عباره عن ايه ؟ واسعارها كام ؟ توكيل ولا بره ؟
تقييمك للعربيه من ناحيه الماتور و العفشه والسخونيه واداء التكيف هل بياثر على الاداء جامد ؟
هل قيادتها مريحه على السفر وكمان داخل المدينه (علشان مانول )
هل كنت بتحس بتعب علشان مانول (اصل انا قرفت من المانول بسبب بيجو 505 ) متعبه شويتين
المصاريف اللى اتصرفت عليها قد ايه
و تقولنا اداء 1600 ايه اخباره مع العربيه علشان دى رباعى هل بيكون اقل كفائه
هل انت كنت حاسس انه قليل والمفروض يكون اكتر من 1600 ولا هو مناسب للعربيه


هل بتشعر بتعب اثناء القياده فى عز الظهر وهل التكيف بيكون حلو ولا نص نص خصوصا انها اوروبى يعنى علشان اهتلاف الطقس

- هي فعلا معايا بقالها اكثر من سنتين و عامل حوالي 37 الف كيلو , كله تغيير زيت و فلتر و تربيط عفشة و الضمان اجبرني اني اغير تيل امامي بحوالي 500 جنية بالمصنعية مع ان التيل طالع بحالته الاصلية, و صيانة التوكيل بتبقي حوالي 750 جنية كل 10 الاف كيلو .
-الموتور و العفشة فوق الوصف و عزل العربية اكثر من رابع و اتزان هايل لغاية 160 كم , و احسن حاجة فيها ان سحب العربية مبيتأثرش بالتكييف او بالعدد اللي راكب , و كل اللي ساق العربية مش مصدق انها 1600 سي سي , و الله سيادتك انا ما ببالغ, و علي فكرة التيريوس 1500 سي سي و دفع رباعي و كمان اوتوماتيك يعني سحبها في الارض.
- من المزايا الهايلة في العربية ان فيها قرص التحويل 2wd , 4wd , Auto و ده بيتيح لحضرتك تحويل انظمة الدفع زي ما حضرتك تحب من ثنائي لرباعي , او نظام الاوتوماتيك auto ان كمبيوتر العربية هو اللي بيتحكم بين الثنائي و الرباعي حسب وضع الطريق اللي حضرتك ماشي عليه و حضرتك ممكن تشوفه في الفيديو بتاع اعلان العربية في اهر فيديو رفعته.
- التكييف تحفة بالنهار و تجميعه معقول بس اقيمه حوالي 80% مقارنة بالسيدان .
- بصراحة انا معرفش حاجة عن قطع الغيار بره التوكيل بس ابتديت اسمع عن قطع الغيار بتاعتها في سوق التوفيق, و عموما اسعار قطع الغيار سريعة الاستهلاك متوافرة وبأسعار معقولة في التوكيل , و اظن القاشقاي نفس الوضع لانها عربيات الي حد ما جديدة .
- الغيارات بتاعتها مريحة جدا , و طبعا حضرتك متقارنهاش بالاتوماتيك , بس هي عموما نقلها مريح و حضرتك متقلقش من 6 غيارات , لان العربية بتطلع ع النقلة التانية ع طول و الغيار الاول ممكن يكون فتيس غرس .
- غير طبعا التصفيح اللي بيزعل الاستاذ احمد , و اللي فرايي مهما حضرتك عملته في الحرفيين مش هيبقي زي الشركة المصنعة .
طبعا عيوبها زي ما اتكلمت مع الاستاذ احمد , زي مكان مفاتيح الازاز و مفيش مخدع في النص بس اتحلت من الاعضاء المحترمين,وقلة الكماليات الموجودة فيها و الخامات الي حد ما فقيرة
و ابسط وصف ليها انها عربية عملية و حمارة شغل .
و انا في انتظار اي سؤال لحضرتك

حد جاب اسمي هنا ايوة جاااي مش عارف ليه حاسس ان حضرتك لسة شايل مني ليه ماخبرش؟ طب احضرنا يااستاذ هاني انا قولت حاجة غلط انا اتفق مع معاليك ان العربية بالبلدي كده طالما الخواجة منزلهاش بتصفيح تبقي ماتنفعش

المشاركة الأصلية كتبت بواسطة ahmedalaahosny

حد جاب اسمي هنا ايوة جاااي مش عارف ليه حاسس ان حضرتك لسة شايل مني ليه ماخبرش؟ طب احضرنا يااشتاذ هاني انا قولت حاجة غلط انا اتفق مع معاليك ان العربية بالبلدي كده طالما الخواجة منزلهاش بتصفيح تبقي ماتنفعش

يا باشا انا اقدر اشيل من حضرتك اصل بقيت بخاف اكتب تصفيح لحضرتك تزعل ههههههه بهزر مع سيادتك طبعا

وده فيديو للداستر و هي بتعدي نهر
[youtube]http://www.youtube.com/watch?v=gdyRdCyjPys[/youtube][youtube]http://www.youtube.com/watch?v=_BJiSpk4AoE[/youtube]