الموضوع: عايز سياره عاليه علشان المطبات والارض المكسره والطين (بيزحلق العربيه )

حكاية غول بنزين لا مش فرق شاسع من 1600 ل 2000 سى سى ليه يعنى غول ؟
مش عشان وزنها تقيل ع المكنة انها ماتعملش اقل من 150 كيلو ف الصفيحة بالتكيف

لا التيجو كويسة بس زى ماقلت لحضرتك من اولها عشان ماتقوليش انت اللى قولتلى لو مقتنع بحوار الصينى قشطة مش مقتنع هتطلع فيها العجب ده رسمى انما هى عربية كويسة يمكن الجديدة كمان جميلة اوى هى مابتحتجش غير تربيط العفشة كل شهرين تلاته عشان الطرق العظيمة اللى عندنا دى

المشاركة الأصلية كتبت بواسطة ahmedalaahosny

بالنسبة لحوار المصاريف بص ياأستاذ هاني الالماني عشان تتمتع بيه لازم هتصرف بداية من شراء الحالة النضيفة وبعدين تعمل صياناتك ف توكيل الالمانية زيوتك وسيورك وتشيك ع التكيف والمكنة والعفشه وشكمناتك تمام تطلع علي بنزينة نضيفة تفول 92 وتغسلها غسلة نضيفة وتظبط كوتشك وزواياك بس كده اركن ف جراج لما يجيلك مشوار مهم طلعها اغسلها وترجع من المشوار ع الجراج علي طول لو فيها طين ولا زلط ف الكاوتش تتنضف قبل ماتدخل الجراج كده عمرها ماهتزعلك ابدا مكنة نضيفة كبسها بتاع 90 ف المية لان اصلا مافيش عربية كبسها 100ف المية لما عربية موديل 98 يبقي كبسها كده يبقي قشطة اوي تكيف ديب فريز وعفشة ناعمة جدا هتدفع شوية ف الاول بس هتعمل عربية علي مزاجك مافيش 2 منها ف مصر الماني الماني لو مش قد مصاريف المرسيدس هات القاشقاي تقفيل انجليزي ياباني وصاج محمل وعربية محترمة اراهنك ان مكنش والدك ياخدها منك من حلاوتها

طيب العربيه لو نظيفه تعمل فلوس قد ايه تقريبا ؟؟ اصل بسمع ارقام فلكيه من موقع كونكت كار بس فى ناس قالتلى ان اسعار على ورق يعنى مش حقيقيه
طيب الصيانه لشغل ده بيكلف فى حدود كام تقريبا ؟؟
يعنى هى زى صيانه الاوكتافيا فى المتابعه والصيانه الدوريه ؟؟
اصل والدى ده مخ صعيدى نااااااااشف بيقول اللى ماركبشى المانى يبقى ماركبشى عربيات( والغالى تمنه فيه ) فابحاول افهمه عن موضوع الصيانه ومصاريفها وهو يقولى ودى يعنى سعرها كام وده سعره كام وانا مابعرفشى ارد بس

المشاركة الأصلية كتبت بواسطة ahmedalaahosny

حكاية غول بنزين لا مش فرق شاسع من 1600 ل 2000 سى سى ليه يعنى غول ؟
مش عشان وزنها تقيل ع المكنة انها ماتعملش اقل من 150 كيلو ف الصفيحة بالتكيف

حتى ولو كانت 200 كومبرسور هاتبقى تقيله على المكنه ؟؟ ولا لا
انا كل يوم بروح بالعربيه مسافه 40 كيلوا رايح و 40 جاى منهم 10 كيلو جوه البلد ( الارض مكسره وشويه مطبات ) بس فى الحتت دى بكون عايز اشيل العربيه علشان الارض المكسره ههههههههههههه


المهم اقصد انى بخاف على العربيه وبهتم بيها بفضل تعليمات السيد المالد ( يقولى هاتبوظ هاتدفع من جيبك ) ههههههههههههههه
السرعه مابتزيدش عن 100 الى 120

ده اللى بعمله مع ال 505
ايه رايك كده كويس ولا فى ملاحظااااات
ولو بعمل كده مع القشقاى او العيون او اوكتافيا او اى عربيه نظيفه يبقى كويس ولا فى حجات تانيه ؟؟

وعندى جراج فى البيت بس المشكله مش عارف هاقدر ادخل فيه عيون ولا لا
الشارع عرضه حوالى 4 متر ومدخل الباب 3 متر هو نسيبى كان معاه عربيه زلموكه 88 وكان بيدخلها وباعها واشترى دبابه ربع نقل شيفورليه وبرضوا بتدخل معرفشى العيون اقدر ادخلها ولا لا

المهم اقصد انى بخاف على العربيه وبهتم بيها بفضل تعليمات السيد الوالد ( يقولى هاتبوظ هاتدفع من جيبك)

هي مصاريف المرسيدس عالية عن الكوري والياباني بس مش بالدرجة المبالغ فيها بالنسبه للسعر اللي بيكتب سعر بيكتب اعلي سعر عشان عقبال ماتفاصل معاه يبقي كبيرك مش هتعدي السعر اللي هو عايزه فاكيد هتسمع ارقام فلكية لما تبص علي ارقام البيع ف العقد هتضحك ده بالنسبه لمبدا بيع العربيات ف مصر عموما بالنسبه للجراج تدخل ليه لا طب مالزلموكة دخلت بالنسبه لمصاريف صيانات العيون بص يااستاذ هاني انا قلبت النت كله مالقيتش حد حاطط اسعار بس الكل اجمع انك بتشتري قطع غيار غالية بس بتنساها بتاع 5 سنين

بالنسبة لرايي بص يااستاذ هاني عشان اكون صريح مع حضرتك المرسيدس لازم هتحك ف المطبات بس في حلول زي العلايات اللي بتتحط ع السوست بس دي هتخلي العربية مراجيح العيد بعد 120 وممكن صدادات ع المساعدين بس دي بتقصف عمر المساعد وبتنشف العفشة هو المرسيدس جميل جدا بس لطرق المانيا والخليج مش ف ام الدنيا عشان قربها من الارض اتمني اكون افدتك وف النهاية القرار قرارك

بالنسبة لوالدك كلامه صح مية ف المية بس الالماني بيبقي قريب من الارض عشان يديها كلبشه ف الارض لغاية 200 بس هتحك ف المطبات عشان الشاسية طويل