الموضوع: عايز سياره عاليه علشان المطبات والارض المكسره والطين (بيزحلق العربيه )

عادى ياباشا اللى يكتب يكتب هى الكتابة بفلوس الموديل ده 2014 بدليل ان الاوتو بتاعها نازل على اول السنة زيها زى القاشقاى الشكل الجديد بس لقاشقاى ليها سمعه فمش هتنزل شكل جديد الا ف 2014 لكن التيجو هو ابو الفتوح منزلنها بدرى لو نجح الشكل الجديد هينزل الاوتو بتاعها مانجحش يبقى الحال او ممكن يجمع القديمة كمان وينزلهم ويبقى معاه الشكلين اساسا هو عشان يجذب الزبون ف الاول حطلها تكيف تاتش دلوقتى خلاها بكر ومحدش اعترض برده زى ماتقول هو لسه هيظبط الفئات هيخلى اللى تكيف تاتش فئة والعادى فئة لكن دلوقتى الفئة الموجوده اللى هو منزلها 115 الف

بالنسبة لحوار سير الكتينة الجنزير ده كويس عشان تتفادى خطر انه يتقطع وانت ماشى

بالنسبة لحوار الفتيس السى فى تى ده نازل بره ودى بره اسمها شيرى تيكو هى هتزل 2000 اوتو سى فى تى

طيب اللعفشه ماصه للصدمات والمطبات و الحفر وماتحسش بيها زى القشقاى (مع الفرق طبعا للقشقاى )

وايه رايك بقى فى الحيره و التردد و اللغز اللى انا فيه

معادله صعبه ؟!

يعنى ايه

الأمامى : ماكفرسون
الخلفى : ذراع جر طولى

اه فهمت
طيب استنى النيو تيجو ولا اشوف اى عربيت تانيه حالتها محترمه و فى الميزانيه
المشكله انى نفسى اكون اول مالك للعربيه وارتاح من وجع قلب المرور والاوراق
طيب لو لاقيت عيون ب /160/150 e200 موديل 97 او 98 وحالتها 8 / 10 اخدها ؟
لوسكودا فانتازيا 2010 ب 140 ؟
ولا استنى سنه يمكن ربنا يسهل واكمل واجيب قشقاى هاى لاين كسر زيرو
ولا نيو تيجو 2014 زيرو ؟
لو مكانى تعمل ايه ايه

بص ياباشا حضرتك عايز تعرف يعنى ايه ماكفرسون بص من الاخر
امامى نظام تعليق مستقل ( ماكفرسون )
خلفى نظام تعليق غير مستقل
النتعليق المستقل بيسمح لكل عجلة انها تتحرك مع الطريق و المطبات لوحدها من غير ما تأثر على العجلة التانية
النتعليق الغير مستقل لما عجلة بتتحرك مع مطب مثلاً جزء من الحركة بينتقل للعجلة التانية و انتقال الحركة دة بيتقلل عن طريق وضع عمود التواء torsion beam بين العجلتين
التعليق المستقل افضل طبعاً و احسن فى الثبات و الراحة لكنه اكثر تعقيداً من التعليق الغير مستقل
يارب تكون فهمتنى هو ده والله ابسط شرح للكلمتين دول
بالنسبة للحيرة ده طبيعى ده الواحد قبل مبيدفع 5 جنيه بيعد يفكر برده مش هيدفع مبلغ وقدره ده الطبيعى العربية بالنسبة للمصرى تمثل ثروته لانه بيتعب ويشقى عقبال مابيجيبها لان اسعار العربيات عندنا مضروبة ف عشر اضعاف سؤاء مستعملة ولا جديد لما الواحد بيفتح بيزات بالغلط ف السعودية ولا اى حتة ويشوف البرادو او الكامرى ولا السوناتا والجينيسس بتمن اهبل بيتحسر برده
حكاية العفشة ماصه هما بيقولوا حسنوها لان القديمة فعلا كانت لو ماشى ف مكسر بتهدى جامد عشان كانت الاهتزازات والمطبات دى بتحس بيها ف الصالون بطريقة مبالغ فيها

هو انا اللى احترت الصراحة نمسك عربية عربية
القاشقاى : عربية عنب العنب بس الاقساط والتراخيص والصيانات دى عايزه ميزانية
التيجو : عربية جميلة من جوا وبره والمكنة الجديدة حلو بالنسبة لوزن العربية بس ابو الفتوح بيستعبط منزل مانيول دفع امامى ب 115 الف واللى مش عاجبه يشترى تصفيات 2013 والاوتوماتيك مش نازل غير السنة الجاية محدش عارف امتى بالظبط وكمان فى تخبط لسة ف الفئات بتاعتها محدش عارف حاجة خالص
العيون 97 : بعد الالمانى مافيش بس الحالة ال 8 من 10 دى ف رينج ال 160 الف هتبقى صعة شوية لان الرينج بتاعها كمان 15 الف مع انها ف كل مواقع بيع السيارات 185 الف بس ده الاستهبال ساعة الدفع ده ال 175 الف دوول اللى بيتدفعوا مافيش قرش زيادة فمعنى كده ان اكيد العربية فيها شغل هو الالمانى القديم ماتشتريهوش الا لو حالته ع الاقل 95 ف المية والا هتبقى مقلب لان عربية زى دى مصاريفها كتييير اوى لما تحب تعمل عربية من الاول دى مش تمساحة ولا خنزيرة دى عيون وحكاية انك تجيب وتصلح دى مابترجعش زى الفابريكة فبلاش هتتعب مع الصنايعية والمصنعيات الصنايعى اصلا لما بيشوف عربية من العربيات الضخمة الفخمة بيضرب السعر ف عشر اضعافة تحس ان اللى صاحبها جايبها من تجاره النمخدرات مايعرفوش اللى فيها ان البنى ادم اكيد دافع اللى وراه واللى قدامه عشان يجيب حاجة زى دى بره ماتعملش 50 ا لف مش 185 الف بس هنعمل ايه
الفانتازيا : عربية تحفة التحفة مفخخة من كتر الكماليات كلها زراير من الاخر ههههههههه كان فى عضو محترم كان شارى واحدة جديدة بيقول انه مش عارف يشغل غير التكيف وعايز اللى يدله على باقى الاوبشنز
http://www.nilemotors.net/Nile/371953-a.html
وانا سالته على حكاية حكها ف المطبات قالى لا ودى المشاركة بتاعتنا
http://www.nilemotors.net/Nile/37195...post3875120750
قال لا بيعدى بيها وهى كلها بشر من اتخنها مطب على طريق دمياط زى الفل فشوف بقى حضرتك ناوى على ايــــه؟