الموضوع: عايز سياره عاليه علشان المطبات والارض المكسره والطين (بيزحلق العربيه )

هما الكوريين مش مراعيين استخدام المهمل برده كل اللى يهمهم الكماليات وبس لا عوامل امان ولا بتاع

تصدق الراجل صاحب والدى كان بيحكى على عربيته الزلموكه 94 ان اتخبطت فى الاكصدام وراح للسمكرى وبيشوف مكان الخبطه لقى قضيب حديد بطول الاكصدام

المرسيدس عمرها ماتزعلك ف الحوادث لا قدر الله ابدا على فكرة انا اعرف واحد صاحب الحاج كان السواق بتاعهم سايق عربيته زلموكة موديل حاجة وتمنين وقلبت بيه مرتين الراجل الحمد لله طلع سليم ماعدا كسر ف الدراع وشوية جروح بسيطة

سالته ينفع اعلى العربيه علشان المطبات قالى اه فى العفشه قالى شويه كلام بس مافهمتش !!!
بس بقوله طيب ده هايؤثر على الثبات قالى لا علشان المرسيدس اصلا عربيه وزنها تقيل على الارض
وكمان مجهزه للثبات وللمنحنيات علشان ماتتقلبشى لو خت منحنى على سرعه عاليه
وقال ان العربيات اللى وزنها وصاجها خفيف دى اللى تخاف منها لو عليتها من الارض

ما تعليقك على الكلام ده ؟
وايه حكايه تتعلى من العفشه علشان مافهمتش ؟

هو انا قولت لحضرتك لا !!
بس محبش حد يلعب ف العربية احبها فبريكة اصل هما طريقتين تلاتة عشان تعليها اول واحدة علايات كوتش ع المساعد ودى مع الوزن مش عارف لو فضلت ثابته خير وبركة لو مافضلتش ثابته يبقى شيل
تانى واحده انك تجيب جوز سست ناشفة وتركبهم بس دى هتنشف العفشة اوى
تالت حاجة صدادات للمساعد ودى بتمنع المساعد انه ينزل للاخر مع التحميل بس دى بتجيب اجل المساعد بدرى بدرى

طيب انا اعرف ازاى ان العربيه ثابته ؟
وعربيتى البيجو ال 505 دى ارتفاعها 20 سم من الارض
بمشى 90 الى 100 بس معرفشى ثابته ولا لا (لسه جديد فى السواقه )
اعمل ايه علشان اعرف انها ثابته ولا لا ؟

اقولك ياباشا
فول بنزينك وظبط كهربتك واطلع على طريق نضيف على 100 او 120 بالكتير اوى طالما انك لسة جديد عشان تعرف تملك الدركسيون مع السرعة وشوف ثبات العربية لما عربية مقطورة تعدى من جمبك وشوف العربية لما تاخد ملف بسرعة بس نصيحة بلاش مع ال505 عربية متخلفة عقليا وشوف هل هتحس بالسرعة ولا لا اصلك لو حسيت بالسرعة يعنى انت حاسس ان العربية بتتهز مع السرعة يعنى مش ثابتة وكمان هل هتحس بمطبات الهوا مع الجرى ولا لا
لو مش عارف بقى مطبات الهوا ايه هى اقولك بمنتهى البساطة مطب الهوا بيكون زى انبعاج فى الاسفلت
انخفاض فيه ممكن مش هتلاحظه لان مفيش تكسير ونفس شكل الاسفلت
التعليق الخلفي هو اللى بيتحكم فى ثبات العربية فى مطبات الهوا و كمان لو مركب اسبويلر العربية بتكون ثابته اكتر مع مطبات الهوا
و مشكلة السيراتو الوهميه فى تعليقها الخلفي اللى هو torsion beam و هى اصلا خفيفة من ورا فلازم هتحس بتعويمه من ورا او ظاهرة ديل السمكة زى ما بيقولوا بس انت كسواق ممكن تتحكم فيها لو عندك الحساسية الكافية بالعربية