زيت الماتور بقى لونه اسود

**ahmdmagdy** · 18-07-2013 08:18 PM

انا كل ما اروح لميكانيكي و يلاقي الخرطوم ده راكب يروح شده و يقولي متركبهوش تاني عشان بيكتم العربيه كل الميكانيكيه بلا استثناء

**mohammed dodda** · 18-07-2013 08:55 PM

المشاركة الأصلية كتبت بواسطة ahmdmagdy

انا كل ما اروح لميكانيكي و يلاقي الخرطوم ده راكب يروح شده و يقولي متركبهوش تاني عشان بيكتم العربيه كل الميكانيكيه بلا استثناء

.....طب حد فيهم يقنعنى كده ويشرحلى ازاااااااى بيكتم المكنة متلاقييييييش.. ناس حافظة وخلاص ما الدنيا كلها راكبة اللادا ونفس الخرطوم الغلبان متوصل بالعمة وخادمنا خدمة كبيرة ومش مزعل حد منه ليه احنا نزعله بقى !!

**lidosasa** · 19-07-2013 12:12 AM

المشاركة الأصلية كتبت بواسطة ahmed air

حضرتك قولت كلام عكس بعض خالص الاول قولتله الزيت لمه لونه يسود يبقى 100/100 وبعدين قولتله طلامه اسود لازم يتغير فورا

مع احترامى لحضرتك الزيت لازم لونه يتغير

الكلام مش عكس بعضه ولا حاجة
هو كان عنده مشكلة إن الوقود غير كامل الإحتراق وبيعمل ترسبات كتير فى الموتور والزيت عمل اللى عليه وشال الترسبات دى كلها ودا اللى خلى لونه يتغير بسرعة ( ودى ميزة فى الزيت النضيف لآنه لو زيت اى كلام كان حيحتفظ بلونه ومش حيشيل الترسبات اللى داخل غرفة المحرك ) . وبعد ما عالج المشكلة الأساسية يبقى من الأفضل يغير الزيت عشان ياخد منه أعلى أداء لتشبع القديم بالترسبات اللى غيرت لونه

**mohammed dodda** · 19-07-2013 07:02 PM

المشاركة الأصلية كتبت بواسطة hassanin_lada

بص في الانجاز كده عشان انزل اصلي الفجر

العربية في الحالة السليمة بيطلع من الخرطوم ده نسبة بخاره ودي عشان تعمل عملية تزيد لاجزاء الكاربراتير من بوابات وما اللي ذلك

تمام

لما الشنبر بيخف بيبدأ كمية البخاره دي تزيد في الخرطوم وبالتالي اللي الكاربرتير وبالتالي الكاربرتير بيتسد عشان كده هما بيشلوه

يارب تكون وصلة المعلومة

...طيب نتكلم بالعقل عشان افهم : لما الشنبر يخف ايه اللى بيحصل ؟؟ المفروض ان الزيت بيتسرب من خلوص الشنابر ويخش على تجويف السلندر أو الشميز ويتحرق مع مخلوط الهوا وبخار البنزين (اللى جاى من الكاربرتير وداخل من صمام البنزين)...وبعد ما يتحرق ؟؟ هيطلع من صمام العادم للشكمان فى صورة دخانة بيضاء...يعنى خلاصة الكلام ده ان لما الشنبر يخف كمية الزيت الاجمالية اللى موجودة فى البلوك هتقل...يبقى ازاى هيطلعلها فايظ للعمة؟؟؟؟؟

**hassanin_lada** · 20-07-2013 02:57 AM

المشاركة الأصلية كتبت بواسطة mohammed dodda

...طيب نتكلم بالعقل عشان افهم : لما الشنبر يخف ايه اللى بيحصل ؟؟ المفروض ان الزيت بيتسرب من خلوص الشنابر ويخش على تجويف السلندر أو الشميز ويتحرق مع مخلوط الهوا وبخار البنزين (اللى جاى من الكاربرتير وداخل من صمام البنزين)...وبعد ما يتحرق ؟؟ هيطلع من صمام العادم للشكمان فى صورة دخانة بيضاء...يعنى خلاصة الكلام ده ان لما الشنبر يخف كمية الزيت الاجمالية اللى موجودة فى البلوك هتقل...يبقى ازاى هيطلعلها فايظ للعمة؟؟؟؟؟

بص انا مش هفتي بس انا هقول اللي بشوفه بعينه لما عمرة من سنه ونص العربية غيرة خرطوم الفايظ كان هباب زيت لكن دلوقت الحمدلله بعد ماعمرة وبعد سنه ونص تعالي شوف الخرطوم هتلاقيه زي ماهو ماعلهوش اي ابخره الحمدلله

حتي من طرق الكشف علي المتور انك بتفك خرطوم الفايظ وبتزود بنزين لو البخاره الخفيفه اللي طالعة من الخرطوم زادت يبقي كده المتور ضعيف ومحتاج عمرة

وطبعا كل ماتزيد البخاره كل ماحالة المتور بتبقي اضعف

اما لو نسبة البخاره زي ماهي يبقي كده المتور بحالة جيده

وهو ده اللي بشوفه وانا بتفرج علي العربيات

**mohammed dodda** · 20-07-2013 03:17 AM

الله أعلم

**محمود سيد محمو** · 20-07-2013 11:04 AM

بجد استفدت جدا من النقاش ده
وعلى العموم انا غيرت الزيت يوم الخميس بزيت شل 2000 وغيرت بالمرة فلتر الزيت نوع اغلى شوية من بتاع كل مرة 35 ج بورش
والمرة اللى جاية ان شاء الله هاجرب زيت موبيل دلفاك مع الاضافة التانية دى وربنا يسهل
اما موضوع الخرطوم ده كل الصنايعية سواء مياكانيكى او بتاع الكربراتير بيقولوه لازم نشيله طالما المكنة خفيفة شوية عشان ما يسدش الكربراتير