العربية مش عايزة تدور الصبح

**khaledelsisi** · 20-07-2013 06:24 PM

السلام على اعضاء المنتدى ... عندى مشكلة بالعربية ارجوا افادتى بالحل, العربية ديهاتسو تيريوس موديل 98 مانوال ... مشكلتى انها بتعلق عند الدوران الصبح يعنى سعات بتدور من اول مرة وسعات بعد كذا محاولة وسعات مش بتدور غير بعد زقة صغيرة قوى.
ما يحدث معى فى حالة عدم الدوران هو عند فتح الكونتاكت تضىء جميع انواره وبعد لف المفتاح لفة التشغيل بسمع صوت زنة كدة (مش عارف دى زنة ايه بش شاكك انها تكون طرمبة البنزين) ولكن العربية مش بتدور ولا بسمع صوت المارش اساسا ... وبعد محاولة واتنين وتلاتة ممكن تدور لئما تفصل حتى صوت الزنة دا كمان ومتقمش غير بعد زقة صغيرة قوى.
قولت لنفسى بما انى مش سامع صوت مارش يبقى العيب منو وممكن يكون بيعلق , فرحت لكهربائى فكلى المارش ملقاش فيه حاجه بس غيرلى بالمرة جلب وشرابين احتياطى وركبهولى وبعدها باسبوع حصل نفس العيب.
فشكيت فالبطارية مع ان العربية لما مش بتدور بتبقى باردة وبتقوم من اول زقة وكمان بيبقى الانوار والكلاكس شغلين عادى والنور العالى كمان بس قولت اعمل الى عليا واتاكد فروحت كشفت عليها لقتها 100 % وشحنها كويس والدنمو عال العال.
فرجعت شكيت فالمارش تانى وقولت اروح لكهربائى كويس فرحت لاسطى رضا فى السابع بصلى عالبطرية لقاها سليمة فقام بصلى عالمارش ملقاش فيه حاجة قام مركبلى كتاوت تقويه وقفل على كده.
قعدت اسبوعين تدور من اول مرة و بعدها اسبوعين بتدور بعد كذا مرة وهووب رجعت تانى تعلق ومدرش غير بعد زقة صغيرة.
فافدونى ممكن يكون العيب من ايه عشان خلاص حتجنن وارجوا اكون وصلتلكوا المشكلة كلها ... ومستنى الردود فى اسرع وقت .. وشكراا

**MOHAMED HASAN** · 28-07-2013 02:38 PM

عندى نفس المشكلة بالملى و لسه حالصه معايا اول مرة الخميس الى فات معنها عمرها ما حصلت اجى الف المفتاح اسمع صوت طرمبة البنزين بتحضر و بعد كده اجى ادور مفيش مرش بس تكة بسيطة كده و خلاص اكن الكهرباء فاصلة و حاولت اكثر من مرة مفيش امل و البطارية سليمة و مشحونة و كل الانوار شغالة عادى و مقامتش الى لما اديتها التانى و خليت ناس تزوق و دارت من تانى مرة زق و بعد كده المشكلة اختفت طول اليوم و لسه مجربتش من ساعتها ياريت حد يتابع معانا و يقول ايه الحل