الموضوع: رابطة ملاك ال301

المشاركة الأصلية كتبت بواسطة medori

انا رديت على حضرتك فى الموضوع التانى بالنسبة لمكان رقم الشاسية فى أول عرضة تحت الكبوت على الشمال فوق قربة مياة التبريد، الترخيص كان 3 سنين بالورق و الطفاية و كل حاجة شاكب راكب تقريبا 1500 او 1600. الكلام دة كان من 4 شهور فمش متأكد أوى الصراحة بس دة الrange تقريبا

الف شكر ليك يا كبير هو حضرت معاك ألعاب ولا البيز

السادة الكرام كلامكم مطمئن واعتقد العربية 301 كويسة لحد دلوقت و لكن لي تعليق علي موضوع ضغط الكاوتش فعلى مدار 25 سنة ركوبا لمختلف الماركات ضغط الكاوتش 28 صحيح بستهلك بنزين اكتر شوية لكن اكثر ثباتا و إطمئنانا فى السواقة و شكرا لكم

المشاركة الأصلية كتبت بواسطة medori

يا باشا ربنا ميجيب مشاكل إن شاء الله، فى الversions القديمة فى ال307 (2005-2006) و الc4 كان بيحصل مشاكل تانية فى الفتيس، بس this is history now الكلام دة اتصلح من زمان، بس كان قصدى لما كان موجودة المشاكل محدش قال أنة بسبب النتشة مثلا

شكرا ياباشا ربنا يسهل وهحجزها انشاء الله بس سالت في التوكيل قالو الاستلام بعد 3 شهور،

السلام عليكم
اولا" انا حابب اشكركم واشكر المنتدى على المجهود الرائع والتعاون وجزاكم الله خيرا

انا من بورسعيد وعمرى مافكرت فى البيجو وطول عمرى بركب المانى وده بسبب المنطقة الحرة ورخص الاسعار والاستعمال الخارج

ولكن بعد الالغاء ركبت يابانى وكورى واخر حاجة كانت معايا ار بى 2012 هاى لاين وبعتها وقفة عيد الاضحى
ومن ساعتها فى حيرة لحد ما واحد صاحبى قالى على 301 وبعد بحث على الانترنت كان الفضل لله
وليكم وللمنتدى انى اتوكل على الله وروحت حجزت من فرع صلاح سالم يوم الخميس 24-10
اللون موكا وقالولى الاستلام بحد اقصى 3 شهور ودفعت 10000 حجز
وان شاء الله انا معاكم وكمان فى واحد صاحبى هيجبها
ونبقى كتيير ونتجمع على الخير

وانا بأيد فعلا عمل الرابطة وتفعيلها عشان نساعد بعض واى حد جديد ودايما فى الاتحاد قوة

المشاركة الأصلية كتبت بواسطة medori

يا جماعة عايزين نعمل موضوع يجمع كل ملاك ال301 عشان نعرف نوصل لبعض بسرعة لو فية استفسارات او لو حصل لحد مشاكل مع العربية لا قدر الله

هبدأ بنفسى طبعا

أحمد السيد / مهندس / 301 هاى لاين / silver / مستلم العربية من اسبوع بالضبط / طريقى المعتاد من جسر السويس للمعادى عن طريق الدائرى (تقريبا 45 كم رايح جاى)

مميزات العربية:

• سحب كويس،
• عفشة ناعمة،
• لسة مركزتش مع استهلاك البنزين بس انا فولت لما استلمتها و العداد دلوقتى عامل 350 كم تقريبا و لسة فية 1/4 التانك،
• صوت الموتور هادى و مش بسمعة جوا العربية قبل ال120 - 130 و لو مشغل الكاسيت مش هتحس بية قبل ال140-150،
• الفتيس ناعم فى الacceleration على طريق مفتوح لما تكون عايز سحب بسرعة و محمل علية،
• الشنطة واسعة و مساحة الارجل فى الكنبة كويسة جدا،
• قعدتها مريحة و دة احساس داخلى مش عارف تبع اية فى العربية بس لما ركبت العربية ارتحتلها غير الاسترا الجديدة اللى هى عربية رائعة بكل المقاييس بس قعدتها و قوايمها مكنتش مستريح فيهم مش عارف لية
• التكييف كويس بس عندى احساس انة محتاج فريون، و هو تكييف مانيوال متنكر فى شكل اوتوماتيك
• العربية شكلها شيك و فخم
  

عيوب العربية:

• الفتيس كعادة التيب ترونيك فى نتشة فى التانى لو طالع واحدة واحدة
• الفتيس برضة ساعات بيبقى فية سنة تردد او تاخير فى الاستجابة لما تفرمل عشان تهدى حاجة بسيطة و انت على 70-80 مثلا و بعدين تدوس تانى بحس ان العربية هنجت منى ثانية كدة و مبقتش عارفة تاخد انهى غيار و بعدين تجمع الغيار الصح و تشد
• الثبات بتاع العربية اكتر حاجة مضيقانى لحد دلوقتى، عشان بقارنها بالميجان اللى كانت معايا قبل كدة و اللى كانت عاملة زى الطوبة الصراحة، 180 و اخد مطب الهوا على الدائرى ولا كأن حاجة حصلت، المهم دلوقتى ال301 130-140 ببدء احس بعيوب الطريق فى الدركسيون و لو خدت مطب هوا او فاصل بحس بلبة كدة مش لطيفة فى العربية
• القزاز مفيهوش وحدات رفع، لازم تقفل القزاز كلة قبل ما تنزل، و دية حاجة مضيقانى عشان انا كنت متعود انزل من غير ما ابص اية المفتوح و اية المقفول و اقفل سنتر و امشى، دلوقتى ساعات بعد ما امشى ابص على العربية الاقى فية ازاز مفتوح

دة كل اللى فاكرة دلوقتى و لو فيى حاجة تانية افتكرتها هبقى ازودها إن شاء الله


فى انتظار المشاركات من باقى ملاك الجميلة ال301

السلام عليكم
اولا" انا حابب اشكركم واشكر المنتدى على المجهود الرائع والتعاون وجزاكم الله خيرا

انا من بورسعيد وعمرى مافكرت فى البيجو وطول عمرى بركب المانى وده بسبب المنطقة الحرة ورخص الاسعار والاستعمال الخارج

ولكن بعد الالغاء ركبت يابانى وكورى واخر حاجة كانت معايا ار بى 2012 هاى لاين وبعتها وقفة عيد الاضحى
ومن ساعتها فى حيرة لحد ما واحد صاحبى قالى على 301 وبعد بحث على الانترنت كان الفضل لله
وليكم وللمنتدى انى اتوكل على الله وروحت حجزت من فرع صلاح سالم يوم الخميس 24-10
اللون موكا وقالولى الاستلام بحد اقصى 3 شهور ودفعت 10000 حجز
وان شاء الله انا معاكم وكمان فى واحد صاحبى هيجبها
ونبقى كتيير ونتجمع على الخير

وانا بأيد فعلا عمل الرابطة وتفعيلها عشان نساعد بعض واى حد جديد ودايما فى الاتحاد قوة

السلام عليكم
انا عايز اشكركم واشكر جميع الاعضاء اللى شاركو فى موضوع 301 .. انا ان شا الله هستلم بيز لاين فضى بعد يومين وبجد قرارى بامتلاك 301 بعد اقتناعى بالسيارة ... واستفدت جدا من مشاركة اعضاء الرابطه وان شا الله يكون استمرار مشاركة الاعضاء مفيد للجميع

المشاركة الأصلية كتبت بواسطة hussam301

السلام عليكم
انا عايز اشكركم واشكر جميع الاعضاء اللى شاركو فى موضوع 301 .. انا ان شا الله هستلم بيز لاين فضى بعد يومين وبجد قرارى بامتلاك 301 بعد اقتناعى بالسيارة ... واستفدت جدا من مشاركة اعضاء الرابطه وان شا الله يكون استمرار مشاركة الاعضاء مفيد للجميع

تستلم علي خير .. و الف مبروك