الموضوع: تغيير تيل فرامل النترا 2010 - بالتفصيل الممل

المشاركة الأصلية كتبت بواسطة msobhy

حضرتك شوفت التيل بتاعى اللى فى الصور - هو اصلى وكان متبقى فيه 10% واعتقد انها كانت تدينى كمان 7 أو 8 الف كيلو - لكن انا مرضتش اكمل اكتر من كده بيه

نيجى بقى لنقطه مهمه جدااااااااااااااااااااااا ااااااااااااااااااااااا
حضرتك بتقول ان الموبيس ب 145 جنيه
انا بقى عندى مصيبه
اللى اعرفه ان سعره ما بين 120 - 150 جنيه ------ كل لما اروح فى حته عندنا فى الهرم او الجيزه اسمع اسعار غريبه - اخرها من عند واحد انا طول عمرى بتعامل معاه - المنير فيصل للى يعرفه - بيبيعوه ب 320 - والله ساعتها استغربت وسألته كذا مره وقال لى وأكد ان سعره 320 مش ميه وكسور زى ما حضرتك قلت

على العموم هاستأذن حضرتك تبقى تقول لنا بالتفصيل الممل رأيك فى التيل ده وتأثيره معاك لأنى عمرى ما استخدمت تيل غير الاصلى

طب طريقة سواقتك ازاي ؟ aggressive وبتستهلك كتير من التيل ؟ ولا عادي ؟
على العموم التيل الاصلي اكتر تيل استريحت معاه وفعلا تمنه فيه. ولولا انه سعر بقى معدي كنت جبته تاني.

بص انا اول مره اركب الموبيس بس النهارده قولت اجرب بقى اجري وادوس فرامل. بصراحه ماشاء الله مايفرقش عن الاصلي والعربيه اتزحلقت قبل ما توقف عشان كان في رمل على الارض وكمان عشان الكاوتش محتاج يتغير عشان عامل 63 الف كيلو. انما التيل تمام وانصح بيه
بس صدقني الموبيس سعره عمره ما يوصل ل320 خالص. المشكله الي لاحظتها ان بعض الناس بيبيعوا الموبيس على انه الgenuine لمجرد ان مكتوب هيونداي عليه. ولو قولتلهم ده مش اصلي ده موبيس هيرد يقولك لا يا بيييه ده اصلي ويوريك علامة هيونداي :D

بالمناسبه انا تقريبا جربت كل انواع التيول. (الاصلي وبعدين جولد وبعدين اصلي وبعدين موبيس)
الاصلي حلو ومش بيصفر حتى وهو بيطبع. الجولد بيمسك كويس بس بيصفر بعد 15 الف وكمان بيفرق في ضغطة الدواسه (مشوار طويل وبعدين يقفش فرامل). الموبيس زي ماقولت قبل كده زي الاصلي بس أرخص.
ومعلش طولت عليك :)