تكييف 128

**mig44n** · 02-09-2008 02:18 AM

المشاركة الأصلية كتبت بواسطة maka

ده رابط موضوع عزل العربية

http://www.nilemotors.net/Nile/showt...CD%D1%C7%D1%C9

الموضوع جاب المفيد فى عزل العربية....
وانا اقتبست مشاركة العضو اكرم فى الموضوع بتاع عزل العربية ومأكد على حااجات مهمة فى عملية العزل وملونها بلون ازرق:-

يا عم انت تروح عند سروجي كويس ,
بس علشان تبقى عارف فيه نوعين من اللباد :
واحد بيبقى طبقة لباد و طبقة ألومنيوم ,
و الآخر طبقتين من الألومنيوم و بينهم طبقة من اللباد ,
أما بالنسبة لمكان تركيب اللباد فيمكن تركيبه تحت التابلوه , و لازم يتفك التابلوه علشان يتركب صح و يخللي باله من الأماكن اللي بيعدي منها السلك من الحوض , فيفضل تركبي سدادات كاوتش لها قبل تركيب اللباد ,
و يمكن تركيب اللباد في الحوض خلف الموتور بس ده في الغالب ممكن يحتاج فك الموتور لكي يمكن تركيبه.

أنصحك باللباد المكون من طبقتين ألومنيوم و طبقة لباد في الوسط و تركيبهم خلف التابلوه ,
بالنسبة للتكلفة انا مش متأكد لكن أعتقد في حدود 200 ج
و ابقى قولنا إيه الأخبار بعدها.

**maka** · 02-09-2008 02:22 AM

انا سائلت واحد قبل كده فقالى ان الشغل علشان يكون مية مية لازم نفك التابلوة ولو امكن نحط طبقتين للعزل

**mig44n** · 02-09-2008 02:24 AM

ايوه لازم لازم لازم تفك التابلوه علشان الشغل يبقى تمام وقبل لما تحط العازل ياريت تسد الفتحات عن طريق السدادات الكاوتش او الجوانات المخصصة للفتحات دى...
وياريت تعمل طبقتين للعازل...

**maka** · 02-09-2008 02:26 AM

طاب انت رايك نعزل الاول ولا نركب التكييف الاول وكمان عاوزين معلومات عن الكويل

الخارجى والسدادات الكاوتش بتتباع جاهزة ولا بتتعمل عمولة

**mig44n** · 02-09-2008 02:33 AM

طبعا ابتدى بالعزل واتاكد ان العزل تمام الاول.....
بالنسبة للسدادات الكاوتش لو ملقيتهاش عندك يبقى عليك وعلى عزبة شلبى او الوكاله وفكهم من اى نص عربية نفس نوع عربيتك وركبهم عندك....
لو ملقيتش السدادات الكاوتش يبقى تسيب فتحة واحده للضفيرة بتاعت الكهرباء وتقفل كل الفتحات بأى حاجة انشالله حتى بورق جرايد...
عندك الفوم اسبراى ده ممكن تقفل بيه الفتحات وده هيمنع دخول الهواء وهو عبارة عن سائل بيترش بالاسبراى واول مايتعرض للهواء بينشف وبيعمل طبقة فوم....
بالنسبة للكويل بتاع التبريد فده محير الواحد بس اكيد ليها حل والحل عند بتاع التكييفات هو الى هيقول هنعمل ايه بس عموما الكويل مقاسات واحجام واكيد هنلاقى حاجة تركب فى علبة المروحة بتاعت ال 128 او 127 مش شرط تركب على طوب ممكن نعدل فى علبة المروحة اهم حاجة ان الكويل يبقى محمى من الهواء السخن الى ناتج من سخونة السيارة بفعل الموتور....

**lancerevolution** · 02-09-2008 03:11 AM

ههههههههههههههههههههههههه هه 128 بتكيف أنت بتهزر الموتور مش حيستحمل وحيسيب العربية و يمشى

**mig44n** · 02-09-2008 03:13 AM

وده شكل توضيحى لمكونات نظام التكييف فى اى عربية وطريقة عمله:-

evaporator=كويل التبريد

**mig44n** · 02-09-2008 03:18 AM

المشاركة الأصلية كتبت بواسطة lancerevolution

ههههههههههههههههههههههههه هه 128 بتكيف أنت بتهزر الموتور مش حيستحمل وحيسيب العربية و يمشى

موتور ايه الى مش هيستحمل هو موتور غسالة.....
ياراجل ده لو موتور غسالة هيقوم التكييف وبعدين هو اى حاجة عن 128 لازم يتقالها لا لا وخلاص....

وده شكل كويل الصالون بتاع التبريد وباين من شكلة ان حجمه صغير:-

**maka** · 02-09-2008 03:19 AM

الرسومات شديدة اوى بصراحة الموضوع شخشخ فى دماغى

**mig44n** · 02-09-2008 03:20 AM

وده شكل توضيحى لمكان تركيب الكويل والكوندنسر وباقى مكونات نظام التكييف:-

الموضوع: تكييف 128

LinkBack

أدوات الموضوع

عرض

-

-

-

-

-

-

-

المواضيع المتشابهه

فكره / بخصوص تكييف الفلشيا يعنى تكييف بدون حمل على الموتور ياله بينا نشارك فى الحر ده

تكييف اللانوس تفوق بجدارة على تكييف ال rb

تكييف النوبيرا اقوى ولا تكييف اللانوس !

تكييف فى 128

أركب تكييف للجولف فين (عايز تكييف جولف أصلي إستيراد)

الكلمات الدلالية لهذا الموضوع

المفضلات

المفضلات

ضوابط المشاركة