الموضوع: بيجو 301

المشاركة الأصلية كتبت بواسطة eng-ahmed alaa

السلام عليكم
بعد بحث وحيرة قررت ان اشترى بيجو 301 الهاى لاين وبالفعل ذهبت الى معرض السبع بالمنصورة واتفرجت على العربية وما شاء الله العربية تحفة وتقفيلها نضيف جدا والصالون واسع بشكل غير طبيعى و لما دورت العربية مسمعتش صوتها اصلا وقالى على 142 الف واستلمها تانى يوم وسالت فى معرض المصرية وقالى على 137 الف واستلم بعد اسبوع لكن الناس حذرتنى من معرض المصرية وقالولى انو بيغير الكاسيت والكاوتش وكده علشان كده بيكون ارخص من السوق فيا ريت تفيدونى وتقولو الكلام ده صح ولا اشاعات

واللة انا مليش تجارب مع المعرضين دول فمقدرش افتيك، بس فى نفس الوقت محدش من الناس اللى استلم الدفعة اللى فاتت دية استلم من المعارض على اقل من 138 الف و لو سالت اى معرض دلوقتى مش هيقولك اقل من 140 الف!!

عامة ممكن تشوف الصور اللى الاعضاء حطينها للكاسيت بتاع العربية البيلت ان للهاى لاين و يبقى جنطها سبور 16" مع كاوتش michelin energy saver و دية الحاجات اللى ممكن يغيروها حسب تجارب الناس و تتاكد من باقى الحاجات اللى بتتسلم مع العربية موجودة ولا لأ

الحاجات اللى بتتسلم مع العربية هتلاقيها فى المشاركة دى
http://www.nilemotors.net/Nile/36921...post3875113328

المشاركة الأصلية كتبت بواسطة gebreel

بص يا باشا اناهحكيلك ليه بقلك كدة

اولا انا شغلي عند بوابات مصر اسكندرية الصحراوي و الكساحات و العربيات الجديدة كلها بشوفها و هي داخلة و خارجة

المصرية مبتجيبش على كساحات بتبقى جاية بسواقين و سواقين غشما + اني كذا مرة وانا جاي من اسكندرية الاقي السواقين دول بيشدوا مع بعض بالعربيات و العربية لسة جديدة و مطبات التحويلات بياكلوها عادي جدا ولا اكن في حاجة و في اعضاء هنا حكوا انهم شافوهم بعد الشد ده في مرة خيشوا و هتلاقي العربية هتتصلح وتتباع عادي جدا

و من قلة امانتهم انهم علشان عداد العربية ميعدش سواقة من اسكندرية للقاهرة مثلا بيفصلوا فيشة عداد السرعة علشان ميعدش و تيجي تشتري تلاقي العربية عاملة 8 9 كيلو و تبقى فرحان و مش عارف اللي جرى فيها و احيانا ينسوا يرجعوها فعلشان كدة الناس عرفت

مرة كنت بتفرج في فرع مصر الجديدة على لوجان و لانوس و امبريزا و سيريون
اللوجان كان قفل الكبوت متفهمش كان فيه ايه مكنش بيقفل و اسأل المندوب يقلي هي كدة
السيريون كانت الضفيرة بتاعتها فيها حتت ملحمة بشريط لحام و مش ملفوف لفة مصنع (ده بافتراض ان المصنع بيلف شريط لحام) لأ ملفوفة بالايد و مش مظبوطة كمان
و الامبريزا كان فيها حاجة بردو بس مش فاكر كان فيها ايه

الخلاصة انهم معرض معندوش ريحة الامانة

لو حضرتك متأكد من الكلام دة يا استاذ جبريل، يبقى لازم يتقدم فى الناس دية شكوى لجهاز حماية المستهلك و يتبهدلوا زى ما هما معندهمش ضمير و بيبهدلوا عربيات الناس كدة

طب ممكن حد يقولى على معرض تانى يكون ارخص علشان حرام 6 الاف اوفر بريس

المشاركة الأصلية كتبت بواسطة bassemali

ممكن أعرف بعد إذن حضراتكم أيه الفرق بين الهاي لاين والفئات التانيه ؟؟

الهاى لاين موجود فيها زيادة عن الفئات التانية
1- 4 جنوط 16 لكن الاستبن حديد 15
2- تكييف تاتش
3-ذراع تحكم بالصوت والوبايل من التارة
4-بلوتوث
5- مسند ذراع
6-بارك سنسور
7-ولاعة
8-طارة جلد ومطعمة بالكروم الاسود
9- فوانيس شبورة
10-الابواب مطعمة بالكروم من الداخل
11- اطار الزجاج محاط بالكروم من الخارج
12- شاشة معلومات بالكاسيت
13-مرايات كهرباء

الف مبروك وربنا يديك هيرها ويكفيك شرها
بس كان عندي استفسارين
الاول : انا روحت وجيه اباظة . وروحت بيجو في صلاح سالم عشان اقسط بيجو 301 الاوتوماتيك بس لقيت ان المعرضين مختلفين في سعر القسط وسعر التامين السنوي ؟ بالرغم من ان مدة التقسيط ثابتة 4 سنين
الثاني : يعني تامين شامل حتي ان العربية لاقدر الله لو اتسرقت ؟ بيجيبوا غيرها يعني مثلا و جديدة ولا مستعملة ؟
ِ