بيجو 301

**eng-ahmed alaa** · 29-07-2013 03:47 AM

السلام عليكم
بعد بحث وحيرة قررت ان اشترى بيجو 301 الهاى لاين وبالفعل ذهبت الى معرض السبع بالمنصورة واتفرجت على العربية وما شاء الله العربية تحفة وتقفيلها نضيف جدا والصالون واسع بشكل غير طبيعى و لما دورت العربية مسمعتش صوتها اصلا وقالى على 142 الف واستلمها تانى يوم وسالت فى معرض المصرية وقالى على 137 الف واستلم بعد اسبوع لكن الناس حذرتنى من معرض المصرية وقالولى انو بيغير الكاسيت والكاوتش وكده علشان كده بيكون ارخص من السوق فيا ريت تفيدونى وتقولو الكلام ده صح ولا اشاعات

**mohamed hussei** · 29-07-2013 04:30 AM

توكل علي الله سيبك من مصرية في اعضاء بيقولوا العربية بتبئا متهانة عندهم خصوصا الي محطوطة في المعرض مش في مخزن يعني كل من هب ودب بيتفرج عليها ويعوض فيها

**elmo7areb** · 29-07-2013 05:18 AM

يا باشا صور الكاسيت عندك على الموبيل دة رقم واحد
رقم 2 اعرف نوع الكاوتش الاصلى بتاعها
رقم 3 متخدش عربية من المعروضه خد واحدة من المخزن واول حاجة فيها انك تشوف عاملة كام كيلو

حضرتك بتتكلم فى 5000 جنية فرق
يعنى هترخص وهتعمل كسوه كراسي وهتجيب منفاخ كاوتش وشوية كماليات للعربية بالمبلغ دة

**elmo7areb** · 29-07-2013 05:20 AM

على فكرة يا باشا انا من المنصورة واشتريت من حوالى 6 شهور عربية افيو من المصرية والمخزن بتاعهم تحت المعرض على طول

والصراحة ناس كويسة ومحترمه وشيكت على العربية الاول وبعدين غسلو العربية وطلع مندوب يرخص العربية
بس بقة يقولك هدايا وبتاع فكك منهم بيعطوك ميدالية معفنه وطقم دواسات معفن جدا وغطا بلاستيك وحش اوي

**HaNo_ELBeh** · 29-07-2013 11:09 AM

خليك مع السبع توكبل محترم عن المصريه
وبالتوفيق انشاء الله

**eng-ahmed alaa** · 29-07-2013 04:09 PM

المشاركة الأصلية كتبت بواسطة elmo7areb

يا باشا صور الكاسيت عندك على الموبيل دة رقم واحد
رقم 2 اعرف نوع الكاوتش الاصلى بتاعها
رقم 3 متخدش عربية من المعروضه خد واحدة من المخزن واول حاجة فيها انك تشوف عاملة كام كيلو

حضرتك بتتكلم فى 5000 جنية فرق
يعنى هترخص وهتعمل كسوه كراسي وهتجيب منفاخ كاوتش وشوية كماليات للعربية بالمبلغ دة

يا باشا ما هو ده اللى مخلينى متردد 5 الاف كتير وفى نفس الوقت سالت كذا معرض قالى 142 الف

**eng-ahmed alaa** · 29-07-2013 04:12 PM

المشاركة الأصلية كتبت بواسطة elmo7areb

على فكرة يا باشا انا من المنصورة واشتريت من حوالى 6 شهور عربية افيو من المصرية والمخزن بتاعهم تحت المعرض على طول

والصراحة ناس كويسة ومحترمه وشيكت على العربية الاول وبعدين غسلو العربية وطلع مندوب يرخص العربية
بس بقة يقولك هدايا وبتاع فكك منهم بيعطوك ميدالية معفنه وطقم دواسات معفن جدا وغطا بلاستيك وحش اوي

حضرتك متاكد انا اول مرة اشترى زيرو وخايف الكلام يطلع صح

**Eng.Peter** · 29-07-2013 07:25 PM

متصور الكاسيت و صور كل حتة فى العربية و نوع الكاوتش و الجنوط و قارن قبل الشراء
و شوف العداد

**Hema_Basha** · 29-07-2013 09:04 PM

المشاركة الأصلية كتبت بواسطة eng-ahmed alaa

حضرتك متاكد انا اول مرة اشترى زيرو وخايف الكلام يطلع صح

يا باشا معتقدش الكلام ده صحيح انا شاري من المصرية الفئة البيزلاين ب 129 وسالته علي الهاي لاين قالي 142 وكنت سالت عليها في كذا معرض قالي نفس الكلام من فضلك اتاكد تاني وعموما انا ان شاء الله رايح هستلم من عندهم دلوقتي وهسالك تاني