طريقة عمل فلتر هواء لتكييف لانوس ... بدون تفاصيل!!!!!!!

**Ahmed Nasser** · 20-08-2013 03:37 PM

بص انا مش معايا لانوس
بس هشارك لانى من هواة الاختراعات والفك والتركيب
اولا تصنيع الفلتر من اية؟؟؟
مش شرط اصنع فلتر محلى انا ممكن اجيب فلتر بتاع اى عربية تانى نوبيرا مثلا
واقطع منة واعملة جوانات عمولة على ايدى

ثانيا فلتر واحد ولا اتنين
دى بقى مش هقدر اقولك عليها لانى ممعيش لانوس
بس مبدايا كدة هستخدم فلتر واحد

ثالثا الفلتر هيركب فين
هستخدم نفس الفكرة فى النوبيرا
http://www.nilemotors.net/Nile/24723...post3875141390
هعمل قاعدة هنا وانزل بالفلتر فيها واثبتة

**ZOoOoMA** · 21-08-2013 03:36 AM

احنا ممكن نعمل مربع مكون من 4 قطع حديديه و ليه اربع رجول و يركب فوق التلاجه اللي ورا التابلوه

**مصطفى-حسن** · 21-08-2013 12:50 PM

المشاركة الأصلية كتبت بواسطة ahmed nasser

بص انا مش معايا لانوس
بس هشارك لانى من هواة الاختراعات والفك والتركيب
اولا تصنيع الفلتر من اية؟؟؟
مش شرط اصنع فلتر محلى انا ممكن اجيب فلتر بتاع اى عربية تانى نوبيرا مثلا
واقطع منة واعملة جوانات عمولة على ايدى

ثانيا فلتر واحد ولا اتنين
دى بقى مش هقدر اقولك عليها لانى ممعيش لانوس
بس مبدايا كدة هستخدم فلتر واحد

ثالثا الفلتر هيركب فين
هستخدم نفس الفكرة فى النوبيرا
http://www.nilemotors.net/nile/24723...post3875141390
هعمل قاعدة هنا وانزل بالفلتر فيها واثبتة

عندك حق فى حاجة
ان تصنيع الفلتر مش غلبة
احنا ممكن فعلا نصنعة بايدينا
بس مش هيكون فلتر عربية
لان كل فلاتر الهواء فى العربيات طول فى عرض فى تخانة
العقبة اللى هتبقى معانا هيا التخانة عشان المكان اللى هتتحط فية

تانى حاجة :
التراب اللى بيدخل للتلاجة بيبقى خفيف جدا عشان يطير مع الهوا ويلزق فى شرايح التلاجة اللى بتكون رطبة اثناء العمل
فمعنى كدة ان التراب اللى فى دواسة العربية قدام بيطير ويتشفط من الفتحة رقم 1
لكن دة ميمنعش ان الكمية الاكبر بتكون من الفتحة اللى من المدخل الخارجى

ورغم انك مش معاك لانوس وداخل تشارك فدى حاجة ممتازة جدا احييك عليها

المشاركة الأصلية كتبت بواسطة zooooma

احنا ممكن نعمل مربع مكون من 4 قطع حديديه و ليه اربع رجول و يركب فوق التلاجه اللي ورا التابلوه

طيب ممكن شوية توضيح للفكرة بتاعتك :
المكان اللى هتركب فية ؟؟؟؟
مقاسات المربع ؟؟؟؟؟

**abo_lamar** · 22-08-2013 12:29 AM

قسماً بالله ان شاله ما شغلنا التكييف ... تولع العربية بالتكييف مش عايزين تكييف ... ايه يا عم انت حتبيع و تشتري فينا .... المنتدى ده يا حبيبي عشان الناس تتبادل المعلومات في مجال السيارات مش استعراض للعضلات و التفنن في ذل الاعضاء ....
ايه يعني الفلتر اللي انت اخترعته خيخلي التكييف احسن من البي ام دبيلو ؟؟؟
ماتحترمنا شوية يا جدع ...
وزي ماقال الزميل Mero انك مغرور فعلا والله انت مغرور وعندك حب التباهي ... ده انت قرفتنا باول موضوع ليك انك اللي فكيت العربية لوحدك بدول مساعدة اي ميكانيكي عشان تعمل عزل بالارما فليكس ... وتعيد و تزيد فيها انك فكيت العربية لوحدك بدون مساعدة اي ميكانيكي عشان تعمل عزل بالارما فليكس لدرجة اني تخيلت انك حتكتبها في توقيعك ....
تحياتي لكل من ساهم بمعلومة من الزملاء الافاضل ومابخلوش علينا ولا ذلوا في اهلنا ...
محمد ممدوح
طارق علاء
عصام غنايم
amr axel
سمير عياد
ســــــــــــــــــلام يا استاذ مصطفى .

**ZOoOoMA** · 22-08-2013 12:42 AM

طيب ممكن شوية توضيح للفكرة بتاعتك :
المكان اللى هتركب فية ؟؟؟؟
مقاسات المربع ؟؟؟؟؟[/quote]

هنفك الطابلوه من تحت و هنعمل مربع يكون مكون من 4 اضلاع يكون اكبر من حجم التلاجه اللي ورا التابلوه بشويه و على الاربع اضلاع دول نربط فيهم الفلتر و نعمل للاربع اضلاع دول اربع رجول بحيث انو يركب فوق التلاجه و طبعا التنضيف هيكون سهل لانك قولت في طريقه انك تنظف التلاجه بدون فك التابلوه و ب التالي الفلتر هيتنضف معاها لانو هيكون فوقيها و فيه مسافه بينه و بين التلاجه هتخلي الوساخه تنزل بعيد عن التلاجه بس كده :d :d

**مصطفى-حسن** · 22-08-2013 02:30 AM

المشاركة الأصلية كتبت بواسطة ZOoOoMA

طيب ممكن شوية توضيح للفكرة بتاعتك :
المكان اللى هتركب فية ؟؟؟؟
مقاسات المربع ؟؟؟؟؟

هنفك الطابلوه من تحت و هنعمل مربع يكون مكون من 4 اضلاع يكون اكبر من حجم التلاجه اللي ورا التابلوه بشويه و على الاربع اضلاع دول نربط فيهم الفلتر و نعمل للاربع اضلاع دول اربع رجول بحيث انو يركب فوق التلاجه و طبعا التنضيف هيكون سهل لانك قولت في طريقه انك تنظف التلاجه بدون فك التابلوه و ب التالي الفلتر هيتنضف معاها لانو هيكون فوقيها و فيه مسافه بينه و بين التلاجه هتخلي الوساخه تنزل بعيد عن التلاجه بس كده :d :d[/QUOTE]

طيب
انا هحاول اقولك انا فهمت اية من مشاركتك وانت صحح لى لو غلطت
اللى فهمتة من كلامك ان احنا هنعمل خطوات كالتالى :

1- هنفك العلبة اللى تحت التلاجة
2 -هنعمل فلتر هوا قدام منها بنفس مقاس التلاجة (طول فى عرض)
3 - بعدين هنقفل العلبة بتاعة التلاجة
4 - فيبقى كدة عملنا فلتر دائم فى المنطقة دى يحجز كل الاتربة سواء من الداخل او من الخارج
5 - مش هنحتاج نفك علبة التلاجة بعد كدة
6 -هنعتمد فى تنضيف الفلتر على نفس الطريقة الجديدة اللى هنضف بيها التلاجة

دة اللى انا فهمتة
لو فية حاجة غلط صحح لى
عشان اقدر اكمل معاك

**Heroeagle** · 22-08-2013 03:12 AM

طيب
انا هحاول اقولك انا فهمت اية من مشاركتك وانت صحح لى لو غلطت
اللى فهمتة من كلامك ان احنا هنعمل خطوات كالتالى :

1- هنفك العلبة اللى تحت التلاجة
2 -هنعمل فلتر هوا قدام منها بنفس مقاس التلاجة (طول فى عرض)
3 - بعدين هنقفل العلبة بتاعة التلاجة
4 - فيبقى كدة عملنا فلتر دائم فى المنطقة دى يحجز كل الاتربة سواء من الداخل او من الخارج
5 - مش هنحتاج نفك علبة التلاجة بعد كدة
6 -هنعتمد فى تنضيف الفلتر على نفس الطريقة الجديدة اللى هنضف بيها التلاجة

ده هيبقى بديل الفيلتر اللى بيتغير فى الأفيو بس ده هيبقى ثايت لان مش هنفضل نفك التابلوه كل شويه عشان ننضف الفيلتر ده وعشان نقلل التراب اللى هيوصلوا هنحط فلتر اللى تحت الفبره بتاعه المساحات

**مصطفى-حسن** · 22-08-2013 03:15 AM

المشاركة الأصلية كتبت بواسطة elakawy

قسماً بالله ان شاله ما شغلنا التكييف ... تولع العربية بالتكييف مش عايزين تكييف ... ايه يا عم انت حتبيع و تشتري فينا .... المنتدى ده يا حبيبي عشان الناس تتبادل المعلومات في مجال السيارات مش استعراض للعضلات و التفنن في ذل الاعضاء ....
ايه يعني الفلتر اللي انت اخترعته خيخلي التكييف احسن من البي ام دبيلو ؟؟؟
ماتحترمنا شوية يا جدع ...
وزي ماقال الزميل mero انك مغرور فعلا والله انت مغرور وعندك حب التباهي ... ده انت قرفتنا باول موضوع ليك انك اللي فكيت العربية لوحدك بدول مساعدة اي ميكانيكي عشان تعمل عزل بالارما فليكس ... وتعيد و تزيد فيها انك فكيت العربية لوحدك بدون مساعدة اي ميكانيكي عشان تعمل عزل بالارما فليكس لدرجة اني تخيلت انك حتكتبها في توقيعك ....
تحياتي لكل من ساهم بمعلومة من الزملاء الافاضل ومابخلوش علينا ولا ذلوا في اهلنا ...
محمد ممدوح
طارق علاء
عصام غنايم
amr axel
سمير عياد
ســــــــــــــــــلام يا استاذ مصطفى .

لا مؤاخذة يا فندم
معلش انا مخدتش بالى ان حضرتك حاسبتنى على الشغل اللى فات
وهتحاسبنى على الشغل دة من جيبك

معلش ياباشا
انا نسيت خالص ان حضرتك بعد ما بعمل اى موضوع بتطلع من جيبك وتحط فى جيبى

استحملنى معلش معاليك
اصل انا لما بعيد وبزيد فى موضوع معين دون غيرة فدة عشان أأكد المعلومة للاعضاء وانها قابلة للتنفيذ بدون الحاجة لميكانيكية وللتوفير على الناس مش بعيد وازيد عشان اقرف الناس

استحملنى جلالتك
اصل انا نسيت خالص انى بعد ما اخلص الشغل هاجى تحت البيت عند جلالتك انادى عليك تحدف لى مفاتيح العربية عشان انفذة فى عربيتك وبعدين اطلع لك المفتاح لحد باب الشقة لأن جلالتك مينفعش تكلف نفسك وتختبر اى حاجة بسيطة خالص من اللى انا طلبتها من الاعضاء فى المشاركات السابقة ومستنى الحاجة على الجاهز

استحملنى جنابك
لانى شخص مغرور بسيب شغلى واكل عيشى واقعد اعمل فى مواضيع واصورها وارفعها للناس اكيد بتنفعهم وكل اللى بطلبة منهم فى نهاية بعض المواضيع الدعاء لوالدتى الميتة (رحمها الله) لأن دة قمة الغرور

تجاوز عن سقطاتى سموك
لان كل المواضيع اللى انا عملتها فى المنتدى كانت مباشرة وكاملة والمعلومة فيها واضحة ما عدا الموضوع دة طلبت من الاعضاء بعض الاجتهاد لانى اتسحلت فية علما بانى اقدر اكسب من وراة مكسب تمام فى وقت قياسى جدا
فطلب المساعدة والاجتهاد من الناس دة قمة الذل للناس

وفى النهاية ارجوا ان تسامحنى على تاخرى فى رفع الموضوع بالكامل اللى انا كدة كدة هرفعة اكيد قبل نهاية شهر 8 والا هيبقى ملوش لازمة

لان انا نسيت خالص ان انا اجير عند حضرتك وان من حقك تزهق عليا لأن فى اخر اليوم جنابك بتطلع من جيبك اللى فية النصيب وتحطة فى جيبى

خالص اسفى.....