الموضوع: طريقة عمل فلتر هواء لتكييف لانوس ... بدون تفاصيل!!!!!!!

المشاركة الأصلية كتبت بواسطة zarif

الموضوع تم طرحة بتاريخ 30 -7 - 2013
والنهاردة 6-8-2013
يعنى ملحقش يستوى

وانا زى ما قلت لك انا مش بتعالى على النقاش ولا حاجة
ابدا والله
بس انا مش عايز الفكرة الجديدة او الابتكاريكون ابتكار كيبورد
انا عايز الناس تتحرك من قدام الكيبورد
عشان يستمتعو بجمال العمل اليدوى والاجتهاد
وعزائى الوحيد ان احنا فى رمضان
ففى النهار بتبقى الناس صايمة
نشوف بعد العيد بقى

حتى تكون انت على الاقل اختبرت الملاحظة اللى انا قلت عليها فوق بتاعة الدخان
ولا انت كمان ناوى تقضيها كيبورد
ولا اية يا معلم !!!!!!!!!!!!!!!!!!!

وبعد الموضوع دة ما يخلص بأذن الله نخش على اللى بعدة
(طريقة تنضيف التلاجة بحيلة ماكرة وبكفاءة 100%) بدون فك العلبة بتاعة التلاجة والمجهود والعذاب المرافق ليها

احنا مستمتعين جدا بمواضيعك المفيده يا مصطفي ...

و اكيد الصيام و رمضان مخلي التفاعل علي المنتدي ككل مش بالصوره االكبيره .

بس عاوز اقولك علي حاجه ... مش كل الاعضاء بتقدر تفك مسمار من العربيه ... فيه ناس كتير مبتقدرش او معندهاش الملكه دي ... حته الفك و التركيب ... لانك مركز علي حته ان الناس قاعده ادام الكيبورد .

عارف ... لما صديقنا أ/ عصام غنايم طرح موضوع فيشه الاوكتان ... بالرغم من ان الموضوع واضح جدا و بالصور و لكن حتي الان بتلاقي اعضاء كتير مبتعرفش مكانها و لا بتقدر تعدلها ... و ده مش عيب فيهم ... ممكن معندهمش ملكه الفك و التركيب و التجربه .

للمره التانيه احنا مستمتعين بمواضيعك كلها ... و ياريت تديينا الخلاصه بقه :-))

لأن انا من الناس اللي بتعاني من الموضوع ده ... لاني بعد حوالي ساعه من تشغيل التكييف بتطلع عليا ريحه ميه بتراب ...( ريحه عطن ) .... نفسي ارتاح من الموضوع ده .... لاني بضطر افتح البوابه عشان تهوي التلاجه ...و الريحه تروح .

مستنيين الجديد يا صديقي .

المشاركة الأصلية كتبت بواسطة zarif

وانا تحت امرك
وريحة العطن اللى انت بتشتكى منها دى يعنى عندك سدد جامد فى ريش التلاجة
والتكييف بتاعك كدة انا متاكد انة شغال بنص كفائتة الحقيقية

وطبعا انت عارف عذاب فك علبة التلاجة (بتفك الكرسى اللى جنب السواق وتطلعة برة وتنام على ضهرك فى الدواسة وتتسحل لحد ما تفك علبة التلاجة وتتسحل على ما تقفلها)

ان شاء الله هخليك تنضف التلاجة وانت لابس بدلة بكرافتة بمنتهى الشياكة فى ربع ساعة

بس مقولتليش؟؟؟؟؟؟؟؟
عملت اية فى اختبار الدخان بتاع السيجارة او عود البخور اللى قولت لك علية
ولا بردو لسة قاعد قدام الكيبورد

لا لسه قاعد قدام الكيبورد :-)