انا هجاوب على الحاجات اللى اعرفها ..
على حد علمي كان في فئة بتيجى من اوروبا موديل 97 و 98 موتور صغير شكله بيبقى كدة
وانا زيك بالظبط بدور على العربية وجمعت بعض المعلومات عنها
يفضل ما تجيبش الموديل لان الموتور 75 حصان بس وصغير فعلا على العربية ، الازاز بيبقى عادى والعدادات 220 او 200 مش متذكر ، مش 240 زي الموديل اللى بعده ..
ما اعرفش التوكيل نزل العربية دى في مصر ولا لا
الموتور التانى اللى هو SR وده 99 حصان
وده برضه موجود في عربيات من اول 98 في مصر
عربيات الوكيل في مصر التكييف التتش بيبقى في الاوتوماتيك فقط ، وفي موديلات فيها فتحة سقف
في 2008 و 2009 بيبقى في مثبت سرعة
العربيات الاوروبى بتبقى اوطى شوية في العفشة ، عربيات التوكيل عفشتها Rough road package اعلى وانشف
العربيات الاوربى بيبقى احيانا فيها اوبشنز اعلى زي ايرباجز اكتر او سخانات في المرايات او مرايات ضم .. او طارة مالتى فانكشن .. الخ ..
التابلوه من جوة لحد سنة 99 عامل كدة :
من اول 2000 التابلوه كدة ..
في بعض العربيات الخليجي التابلوه بيبقى بيج
بدأ الاختلاف في الشكل الخارجي من اول موديل 2001 يعنى موديل 2000 هو اللى بيجمع بين التابلوه الجديد من جوة والشكل القديم من برة
الشكل القديم من قدام :
والشكل الجديد :
الاختلاف ان في الشكل القديم الشبكة والفوانيس مسطحة اكتر وفي الجديد الفوانيس كريستال و مكان الفوجات اكبر ..
ايوة ووضحت بالصور ..
اعتقد ان الكل فيه abs على الاقل كل موديلات الموتور الكبير .. عدد الايرباج اللى في عربيات الوكيل ايرباج واحدة ، الاوروبى بتختلف ، التكييف الديجيتال في مصر في الاوتوماتيك بس وفي الاوروبى مش لاقي لها قاعدة ثابتة ساعات اوتوماتيك وتكييف بكر وساعات مانيوال وتكييف تتش ..
مثبت السرعة في موديلات الوكيل 2008 و 2009
موديلات 2009 مانيوال فقط لا يوجد 2009 اوتوماتيك
موضوع الشاشة مش متأكد بالظبط منه
60 الف ممكن يجيبوا 98 و 99 كويسين ، وحاول تزود المبلغ على قد ما تقدر عشان تجيب عربية جديدة وكويسة
على حد علمي انه مش زي بتاع الـ a5 يعنى كويس وبيستحمل الى حد كبير
حالة الفتيس تعرفها بكشف التوكيل او المشى بالعربية فترة ما بين مشى بالراحة وقرص على الغيارات ومفاجئ وكل حاجة ، لو الفتيس فيه حاجة هتلاقيه بيتأخر في النقلة حتى لو مش قارص على العربية والعربية بتعمل نتشة ( يعنى كأن حد خبطك من ورا ) كمان لو الفتيس فيه تفويت هتلاقى عند سرعة معينة العربية ما بتسحبش مع ان الار بي ام بيزيد ..
ما عنديش خبرة في عربيات المعاقين ولكن كل اللى اقدر اقولهولك اتأكد اوى اوى اوى اوى من حالة الموتور والفتيس وخصوصا الموتور في عربيات الاستيراد عموما ، ما تنخدعش بالمظهر ، عربيات اوروبا بتمشى 300 الف كيلو وبتبقى لسة فبريقة ، وطبعا كدة كدة الموتور بيتعب ، بس ولاد الحرام ما بسيبوش لولاد الحلال حاجة وبيلعبوا في العداد ، لانك هتتخدع بسهولة من حالة العربية كشكل وسمكرة وشاسيه وصالون .. كمان الركنة بتأثر على الموتور ، فركز على حالة الموتور كويس وانت بتشتري عموما وعربيات الاستيراد خصوصا
على ايه يا باشا ، كلنا اخوات وانا في يوم من الايام كنت بجمع المعلومات دى ، والمنتدى وموضوعات سكودا تيم هى اللى عرفتنى ، انا بس حاولت اجمع كل اللى انا عرفته من المنتدى هنا
ربنا يوفقك ان شاء الله
المفضلات