تقييم سعر ميجان ضرورى

**أيمن كور** · 05-08-2013 07:31 PM

بس ما تزال مشكلة السعر انا حاسس انه كتير برضه (72000) على 2006 !!!!

**Ahmed Selim** · 05-08-2013 09:05 PM

تاني يا باشا..........العربية حالة

لو أنت شايف أن أخر الموديل ده 68 ألف يبقى أنت بتدفع الباقى فى حالة العربية اللى أنت بنفسك بتقول أنها 90%.

بس لازم الكشف فى التوكيل............و ممكن بعد الكشف لو فيها حاجة تعرف تنزل مع الراجل شوية كمان.

**أيمن كور** · 05-08-2013 11:49 PM

أولا و قبل كل شئ انا عايز أشكر الاخوة اللى فى القسم ده (وحوش الرينو) بصراحة و بدون مجاملة انا حاسس ان الناس اللى بتتناقش و بتنصح بموضوعية و بأمانة و الاخوة كلهم بيحاولوا يساعدوا بكل الطرق و عروض المساعدة و الاستاذ احمد اللى عرض انه ييجى يشوف العربية معايا (شكر خاص) .. بالرغم من انى مبتدئ فى موضوع السيارات ده و أسألتى ممكن تكون ساذجة شوية بس انتم مستحملنى ... شكرا مرة تانية و زاد تمسكى بالرينو و الميجان بشكل خاص.

انتم بتأكدولى انى اخترت الجروب الصح و الناس المحترمة جدا

- نرجع لموضوع العربية .. العربية ترخيص القاهرة يعنى مش عارف موضوع التوكيل ده شبكة ولا لأ ... التاجر عايز يكشف فى مركز معتمد قريب .. لكن التوكيل "بيقول" انه بعيد و ماعندوش استعداد يستنى 3 ساعات فى التوكيل ... انا شايف انى لو اتصلت بيه تانى هايتمسك اكثر و يفتكر انى مرمى على العربية ... و ماتأخذونيش انا من النوع اللى ممكن ابوظ الدنيا لو شوفت اللى قدامى بيتعوج عليا و الراجل ده كده .

و موضوع رفضه التوكيل و قبوله لاى مركز تانى مش مقنع

- انا بالصدفة النهاردة كنت بتصل بواحد عارض عربية طلع انه بيشتغل فى التوكيل اللى فى القاهرة و ربطت معاه انه لو فى حاجة 2007 يكلمنى و ليه عمولته

مش عارف هايصدق معايا ولا لأ

- انا بتكلم معاكم على الوضع اللى انا فيه بالكامل زى ما أكون بتكلم مع اخواتى و بشاركم معايا فى مشكلتى

صدعتكم و احنا صايمين

بس الاصدقاء فايدتهم ايه غير اننا نصدعهم و يصدعونا
و شكرا للوحوش

**أيمن كور** · 05-08-2013 11:54 PM

الاستاذ احمد تأكد انى لو حددت ميعاد تانى مع الراجل ده هاتصل بحضرتك للاستفادة من خبرتك لأنى فعلا محتاج شخص زى حضرتك معايا و ألف شكر ليك

و ده تليفونى علشان لما اكلم حضرتك ماتقولش " مين معايا" هههههههههههههه

علشان الجملة دى بتحرجنى قوى ههههههههه

01225585475

**احمد عبد القاد** · 06-08-2013 02:07 AM

المشاركة الأصلية كتبت بواسطة أيمن كور

الاستاذ احمد تأكد انى لو حددت ميعاد تانى مع الراجل ده هاتصل بحضرتك للاستفادة من خبرتك لأنى فعلا محتاج شخص زى حضرتك معايا و ألف شكر ليك

و ده تليفونى علشان لما اكلم حضرتك ماتقولش " مين معايا" هههههههههههههه

علشان الجملة دى بتحرجنى قوى ههههههههه

01225585475

أنا فن انتظار اتصالك ووعد مش هسأل مين معايا

**abdohod** · 06-08-2013 04:23 AM

اعتقد اني كتبت ان العربية اللي انا شوفتها كانت حالة جيدة جدا جدا بجد ودي شهادة ومش اي حاجة تانية وانا عارف طبعا ان الميجان تساوي اكثر من كده بس انا بتكلم في سعر السوق المصري ...