مساعدة في تقييم ميجان 2007

**heema78** · 29-01-2009 08:00 PM

السلام عليكم
انا معروض عليا ميجان 2007 عاملة حوالي 27 الف كم تاني فئة في الاتوماتيك يعني من غير فتحة سقف (انا لسه مشفتهاش)
فكنت عاوز اعرف تعمل كام؟ بفرض انها نظيفة وفابريقة يعني
وكمان لو ممكن نصايح عن ايه المفروض اخد بالي منه وانا بشوفها وكده خصوصا كنت عاوز اعرف لما ادور الموتور ايه الحالة الطبيعية بتاعت اللمبات والكمبيوتر وكده
انا طبعا لو لقيتها كويسه ناوي اكشف عليها في التوكيل فكنت برده عاوز اعرف ايه نظام الكشف يعني بياخد وقت اد ايه والنتيجة او التقرير اللي بيطلع منه بيبقي عامل ازاي وكده وهل يعني انا اللي بستلمه (عشان اكيد انا اللي هدفع )ولا صاحب العربية)
شكراااااااااااااااااا

**t4r3k** · 29-01-2009 08:36 PM

بس يا باشا انا هقدر افيدك فى موضوع التوكيل دا عشان حصل معايا
فيه نوعين من الكشف
1. كشف كهرباء وسعره 330 جنية
2. كشف شامل " كهرباء + سمكرة " 550 جنية
وان بتحجز قبلها بالرقم دا 16202 وتروح حوالى الساعة 9 صباحا بتسيب العربية وبتطلعلك حوالى 1.30 كدا الظهر
ومعاها تقرير بكل حاجه فى العربية اللى محتاج يتغير
هما بيبقوا تقريرين
أ. تقرير بالمكانيكا بالكامل ايه اللى محتاج يتغير مثلا كاوتش , علبة دركسيون ... وهكذا
ب. تقرير سمكرة وبيقولك العربية اترشت ولا لأ .. اتخبطت .. من تحت واخدا خبطه وهكذا
بس
وخير ان شاء الله
بس نصيحة اوعي تكشف برا التوكيل عن تجربة شخصية .. حتي لو انت مستغلى المبلغ شوية ولا حاجه حاول تطمن منها بنسبه مرضية قبل ما تروح على التوكيل .. عشان التوكيل يكون بس يقين بالموضوع ..
وربنا يباركلك فيه مقدما

وان شاء الله الوحوش الكبار بقى يفيدوك فى الباقى

**Amr_Moh** · 29-01-2009 08:49 PM

حقولك على رأي تاني والموضوع يرجعلك فالأخر
٢٠٠٧ عملة ٢٧٠٠٠ يعني تكاد تكون جديدة-- بمعنى من السهل تميزها, خاصة لو فبريكة
لو أنا البشتري حاخد منها رقم الشاسيه و أسأل عنها فالتوكيل
للتأكد من إنتظام الصيانة- وتوكل على الله
أما لو الأن لسة يبئة تقرير بكل حاجه فى العربية ملتوكيل
مبروك مقدماً

**Ahmed Selim** · 29-01-2009 08:59 PM

معلش.............تروح التوكيل و تكشف عشان تطمن

أنت هتدفع مبلغ مش قليل و أى عربية ممكن تعمل حادثة لا قدر الله بعد خروجها من المعرض بثوانى.

توقعاتى للسعر من 95 الى 100

**Ahmed Selim** · 30-01-2009 09:39 AM

المشاركة الأصلية كتبت بواسطة blazer

اعتقد اخرها 95 لو هى ال faceliftلان السوق نايم مووت

الزيرو غليت يا باشا

**Amr_Moh** · 31-01-2009 12:54 AM

المشاركة الأصلية كتبت بواسطة mbisar

فعلا موضوع غلو الرينو الزيرو ده مش مبرر
ليه يعنى غلوها فى حين ان الأسعار نزلت بره و بعدين كمان فى عربيات كتير اوروبى سعرها نزل حاسس ان توكيل رينو بيلعب لعبه وحشه

فعلاً الأسعار نزلت برة شوف اللنك دة فال-
UK

http://www.autobytel.co.uk/NewCars/N...aspx?Car=33579

http://www.autobytel.co.uk/NewCars/N...T&Model=MEGANE

check the price for the MEGANE COUPE CABRIOLET

http://www.autobytel.co.uk/NewCars/N...aspx?Car=33537

**heema78** · 01-02-2009 07:57 PM

اولا شكرا لكل الناس اللي ردت وحاولت تساعد
المفاجاة ان ال 2007 طلعت 2006 وال 27 الف كم طلعوا 87!!!!

بجد ربنا يخلصنا من كل السماسرة بتوع المعارض والشقق الي كل تفكيرهم انهم يجيبوا رجل الزبون وخلاص
مش ممكن فعلا العقليات يعني لما واحد يجيب واحد مشوار اد كده عشان يوريني حاجه غير اللي انا طلبها خالص يفتكر يعني اني هشتريها وخلاص!!!! حاجة تشل يلا ربنا يكرم في مرة تانية ان شاء الله
انا فعلا مستغرب ان سعر الميجان الزيرو زاد لان معظم اسعار العربيات الاوروبي نزلت في مصر حاجة غريبة

**blazer** · 01-02-2009 10:06 PM

معلش احمد ربنا انه نجاك من ناس مش ملتزمين بكلمتهم
وكان ممكن بدل ما يقوللك انها عامله 27 الف
تكون مخبوطه ومقالكش او لاعب فى العداد مثلا

-

-

الموضوع: مساعدة في تقييم ميجان 2007

LinkBack

أدوات الموضوع

عرض

-

-

-

-

-

المواضيع المتشابهه

مقارنة بين ميجان 2007 و ميجان 2005/2006 و كلام غريب

مساعدة في تقييم ميجان 2006

ممكن مقارنة بين فورد فوكاس 2007 || ورينو ميجان 2007

ايهما افضل لانسربوما 2007 ولا ميجان 2 2007 وارجو المساعدة

مساعدة في تقييم ميجان بانوراما 2006

الكلمات الدلالية لهذا الموضوع

المفضلات

المفضلات

ضوابط المشاركة