الموضوع: تقييم سعر ميجان ضرورى

انا غاوى ميجان فعلا بس مش عارف انا حسيت ان التاجر بيضغط عليا و بيشوف أخرى ايه علشان كده مسكت فى السعر .. كمان انا خبرتى مش جامدة قوى فى الميجان و دى أول عربية هاجيبها
بس انا مذاكر العربية دى من أصدقائى و من الكتالوج بتاعها و طبعا تقريبا كل اللى اتكتب عنها فى المنتدى ... هية تحفة بصراحة

كمان انا ماعنديش حد ممكن اعتمد عليه و أثق فيه لمعاينة العربية معايا
نقطة أخيرة ... انا اتمسكت كمان بالكشف فى التوكيل و التاجر قاللى انت حر فى المكان اللى تكشف فيه و ده حقك بس ممكن بعد رمضان ( هوة راجل كبير ) لأنى مش هاقدر اقعد 3 ساعات فى التوكيل و لو عايز تكشف عند اى مركز تانى زى سامح الهوارى او الزرانى او اى مكان قريب انا تحت امرك

كل اللى حصل ده بالاضافة انى قفلت معاه لما اتمسك بالسعر ده ..

- فى اقتراح ممكن أقدمه للميجانوية الاسكندرانية .. هو حضراتكم بتتجمعوا فى مكان معين للتعارف و تبادل المعلومات و الخبرات
و الاهم مساعدة الغلابة المبتدئين فى الميجان زى حالاتى .. فى عمليات الشراء و المعاينة طبعا حسب اوقات التفرغ للاعضاء المحترمين

- كمان ايه رأيكم أكلم الراجل تانى و لا ممكن كده يتمسك بكلمته و ما يحركش الفلوس شوية يعنى سبعين ألف هابقى حاسس انهم كتير بس ماشى

- و موضوع الزجاج الامامى اللى متخبط ده مش المفروض ينزل فى السعر شوية و لا ايه ؟

انا طولت عليكم .. و شكرا على الردود السريعة و كل عام و انتم بخير.

انا كنت بشتري في عربية من حوالي شهرين أو ثلاثة وكانت 2006 وملحق 2007 بها كل شيء ماعدا الجنط بس كانت عربية جديدة جدا جدا جدا (بجد) بس كانت عاملة كيلوهات كتير تقريبا 150 ألف وكانت خلصانة من صاحبها 62 ألف جنيه وهذه شهادة للحق وأنا أرى أن السعر اللي حضرتك كاتبه ده هو سعر 2007 (ميجان 2) هذا بناء على بحثي في أسعار الميجان طوال الثلاثة شهور الماضية ... أرجو أن أكون قد أفدتك وانصحك بمقارنة الاسعار على كونتكت كارز مع ملاحظة أن بعض الاسعار ربما تكون أعلى من الواقع وربنا معاك وياريت تشوفلي معاك واحدة 2007 حالة

ده بالظبط اللى انا بقولوه ان السعر ده ممكن يجيب 2007 .. وقولته للتاجر كان رده ان العربيات حالة مش موديل و بس

بصوا ياجماعة ... انا ممكن أجيب نيسان او لوجان زيرو .. بس المشكلة انه نفسيا مش مستريح لكن لما بركب الميجان او بشوفها الواحد بيحس بالرضا

ممكن ناس ماتفرقش معاها الحاجات دى و يقولك و انت هاتتجوزها انا معاك ان العربية وسيلة انتقال بس كل واحد و دماغه

اللى بدور عليها ميجان بانوراما توب لاين الفرش البيج مثبت سرعة فى الطارة موديل 206 - 2007

لو سودا يبقى زى الفل

محدش شافها يا ولاد الحلال .... هههههههههههههه