بلطجه - سيوف - عربيتي اتكسرت - محاضر - ضرب نار- عيد سعيد جدا

**hazemhany** · 10-08-2013 10:45 PM

المشكلة الحقيقية ان احنا مش عارفين احنا في دولة يحكمها قانون الغاب ولا دولة يحكمها القانون ...لأنه في الحقيقة احنا بنعيش في دولة بين البينين ...يعني لا دي ولا دي ..وهي دي المشكلة الأكبر ..يعني لو بيحكمها قانون الغاب علني كده ومفيش داخلية يبقي اتحلت واللي هيجي ع حق حد يبقي يموته ونخلص بقي وهتبقي العيشة فل ..وبرضه لو فيه قانون ياخد حق الناس دي ع اكما وجه يبقي كويس وهروح ابلغ ويجوا يقفشوا الجناة وياخدوا عقابهم وتبقي اتحلت برضه ..انما الوضع اللي احنا فيه ده مميت لأن انا ممكن اخد حقي بدراعي واموت بلطجي بيعتدي عليا وع اهل بيتي واتحاكم فيها واخش في س و ج في حين ان اللي بيبلطج وبيفتري ع خلق الله محدش يجرؤ انه يكلمه ...في رأي احنا محتاجين اننا نرسي ع بر

**amr011111** · 10-08-2013 10:58 PM

الحمد لله انها جت سليمه وتصرفك تمام
بس نصيحه لاى حد حتى لو الموضوع مش تحت بيت الواحد ميقدرش يموت حد لان المحضر بينكتب فيه العناوين
وباى 20 جنيه لامين شرطه هيديك صورة المحضر
وربنا يسترها علينا جميعا

**dr-mohamed** · 10-08-2013 11:34 PM

اهم حاجة انك خرجت من المشكلة دي سليم
ولما انت مكنتش حاسس قلت ايه وانت منشن المسدس على دماغ الواد مخوفتش تضربه وانت في الحالة دي
الحمد لله ان الحاجة بخير وانك بخير عشانها مش عشان بحبك ولا اي حاجة انا مش طايقك اصلا :)

**mr.foxman** · 10-08-2013 11:40 PM

و اللي مفيش معاه سلاح يعمل ايه ؟

**mero100** · 11-08-2013 12:34 AM

شنوري ألف سلامه عليك ... و ربنا يسترها علينا جميعا من البلاوي و شر الطريق .

أحب احييك علي تحكمك في اعصابك و منطقيتك و عقلانيتك ... فعلا الموضوع مبقاش فتحه صدر .. المواضيع دي عاوزة تتعالج بحكمه لأن لو غير كده يبقي مش حتنتهي ......

صحابك دول رجاله .

و ربنا يبعد عننا جميعا شر الطريق . العيال اللي زي دول بقوا شر الطريق فعلا.

زمان لما كنت بنزل الصبح و كانت جدتي - الله يرحمها - تقوللي : ربنا يبعد عنك شر الطريق

عارفين كان بييجي في دماغي ايه ؟؟؟؟؟؟

أعدي الشارع بتركيز مثلا عشان عربيه متخبطنيش ..... اخد بالي من محفظتي عشان لو راكب اتوبيس زحمه متسرقش مثلا ......

لكن دلوقتي زود علي الحاجات اللي فوق دي ... 30 او 40 حاجه ممكن تندرج تحت بند شر الطريق .

**misoalex** · 11-08-2013 07:20 AM

اييييه كل ده يا شنورى ؟؟
كان الله فى عونك وانا بحييك على تمالك اعصابك
الحمد لله انها جت على اد كده

**monamize4** · 11-08-2013 08:01 AM

المشاركة الأصلية كتبت بواسطة SHNORY

- اللي منعني ومنع الناس عن البلطجه واننا ندبح العيال دي مع انه في ايدنا فعلا
ان الخناقه تحت بيتي
يعني بتسيب امك ومراتك وعيالك واخواتك في البيت وساهل اوي ان حد ينتقم منك او يضايقهم

- جارك لو شافك بتتقتل حيطلع الموبايل ويصور ويفرج اصحابه علي الصور
او حيقف ورا الشباك يتفرج ويلبس طرحه

لو طلع عليك بلطجي في شارع بعيد عنك اقتله ودوس عليه وامشي ولا يهمك
انما عند بيتك او مكان شغلك
حذاااااااااااري
ممكن تتغفل اي وقت وتتضرب مطواه في ضهرك وانت ماشي

واهم من كل اللي فات ده
وزي ما قال سواقين التكاتك وضحكنا عليهم
يا بخت اللي صاحبه راجل
انا كنت واقف مش هاممني حاجه ولا حاسس اني لوحدي حتي وانا لوحدي في البيت
لاني اصحابي رجاله
ربنا يكرمهم ويقدرني وارد جمايلهم