الموضوع: بيجو ٣٠١ -- ماذا عن تقفيلها في الصين بداية من ٢٠١٤

دى حقيقة فعلا

http://en.wikipedia.org/wiki/Peugeot_301_%282012%29

بس للعلم بالشئ بس، دة مصنع تجميع مش اكتر، كدة كدة العربيات مكوناتها بتيجى من اماكن مختلفة و بتروح كلها على مكان واحد بيجمعها بس، مثلا نيسان صنى بتتجمع فى مصر و القشقاى فى انجلترا و التيدا مش عارف فين، رينو بتتجمع فى تركيا او فرنسا، الأوبل أسترا بتتجمع فى بولندا، كلة بقى يغير للدول اللى العمالة فيها رخيصة، انما أوروبا الغربية العمالة فيها غالية و العمال ليهم مصاريف تشغيل عالية عشان كدة اغلب المصانع اللى هناك بتقفل و نسبة البطالة بتزيد بدرجة كبيرة كل سنة

هما هيجمعوها فى مصانع PSA Group فى الصين توفيرا للنفقات بس، و المصنع دة كان بيطلع قبل كدة ال408 و مسمعتش حد اشتكى من تجميعها يعنى، فى الأخر هى عربية بيجو بstandards و Quality control بيجو و مش معنى انها متجمعة فى الصين تبقى عربية صينى!

المشاركة الأصلية كتبت بواسطة Meggieboy

خلينا نكون واقعيين و نقول أن تجميع الصين ككواليتى صعب مقارنته بأوروبا و ده لإعتبارات كثيرة أهم الأختلاف الكبير فى مفهوم الجودة بين أوروبا و الصين.....هتحتاج وقت و مجهود من بيجِو لغاية لما يقدروا يحكموا السيطرة على المصنع من ناحية الجودة

العامل و المهندس الصيني عامل سريع و لكنه مؤدى و لا يهتم بالكيف بل بالكم لتحقيق إنتاجية عالية على عكس العامل و المهندس الأوروبي و اهتمامه بالجودة فى كل شىء لانه ببساطة تربى عليها فى كل شىء فى حياته

الكلام دة لو مصنع جديد و دة أول خط انتاج هيطلع منة، انما المصنع شغال تبع PSA من 92 مع الcitroen ax و من 96 مع الzx، و بيعمل معظم عربيات PSA Group فى الصين ماعدا الcoupe versions (cc) version و فى موديلات كاملة بتتعمل فية بس زى ال408 و هم 3 مصانع على فكرة مش مصنع واحد، ملخص الكلام، دى مصانع قديمة well established و الPSA system موجود فيها already مش لسة هـinitiate quality control system from scratch


لاحظ كمان للسماح بالتقفيل فى الصين يجب الإستعانة بالمكونات الصيني و زيادة نسبتها فى المنتج التام للسماح بالتجميع فى الصين و طبعا المكونات الأوروبية اعلى فى الجودة و الاعتمادية من المكونات الصينية

دى حقيقة فعلا و متفق معاك فيها بس برضة مش اى منتج صينى، منتج صينى بquality محترمة، اللى اعرفة من منتدى الرينو ان حضرتك سافرت أوروبا كتير و أكيد شفت أن المنتجات الصينى مغرقة الأسواق هناك زينا بالضبط بس بquality اعلى من اللى عندنا بمراحل عشان عندنا بيسترخصوا و صفقات مضروبة كلها من تحت بير السلم، انا شارى حاجات من فرنسا ممتازة بصراحة و شغالة hard work بكفاءة تامة الصراحة و لما جيت ادور قلت دا صينى يععع هوا الصينى ورايا ورايا و قعدت أدور على منتج أوروبى أو يابانى ملقتش و اشتريت صينى فى الأخر
انا شايف اننا ظالمين الصين معانا، الناس بتعمل كل حاجة، فى منها اللى بقرش (تحت بير السلم) و اللى ب5 قروش (مصانع كويسة و كفاءة مش بطالة بس بيبقى فى استرخاص فى المكونات و دى غالبا مصانع صينية صرف بدون أى شريك أوروبى) و حاجات ب10 قروش (كفاءة أوروبية بشراكة أوروبية فى الغالب زى الوضع بتاع PSA Group كدة)

نصيحتى لكل اللى يقدر يشتريها أوروبى افضل كثيرا من التجميع و المكونات الصيني