الموضوع: بيجو ٣٠١ -- ماذا عن تقفيلها في الصين بداية من ٢٠١٤

المشاركة الأصلية كتبت بواسطة msl

السلام عليكم ورحمة الله وبركاته

حبيت بس أعلق على موضوع ال 408
العربيه معايا من شهر 8-2012 يعني بقالها سنه بالظبط وهقولك رأيى بحياديه تامه

بالنسبة للتقفيل بتاعها ...ممتاز جداً و لكن يقل عن ال 508 و ده راجع ان فرش العربية صينى الصنع و بعض الخامات الموجوده فى الصالون
لكن لوقارنته مثلاً بعربيات تقفيل كوري زي الالنترا و السيراتو و الكروز فالـ 408 أفضل بكثير

بعض الخامات البلاستيكيه فى الشنطه تقل بشكل ملحوظ عن مثيلاتها فى ال 308 و ال 508

العربيه من أسفل و من الحوض و المصفحه الاماميه بالسدر الامامى لا تفرق اى شيء عن الفرنسي
فوانيس العربيه صينى و لا تقل جوده و لا كفاءاه عن مثيلاتها الفرنسيه

طبعاً تابلوه العربيه بالطاره فرنساوى

بشكل عام العربيه كسواقه و سحب و ثبات و تكييف و وسع صالون ممتازه جداً

و الحمد لله خلال السنه الى فاتت عملت تقريبا 18000 كم و مفيش اى مشاكل فيها تماماً

اللهم الا مره بعد 2000كم لمبة الصيانه نورت و كتبت faulty engine system

و لما رحت صيانه 2500 طلع عيب بوجيهات و تم تغيرها فى الضمان

و نتيجه نجاح السياره خارج مصر حققت توزيع 200200 سياره فى 2012

in 2012 total production reaches 200,200 units

و ده جدول يبين اعداد الانتاج و البيع لفئة 1600 سي سي فقط غير ال 2000 سي سي





غير كده أعرف كام واحد من خلال الموقع معاهم العربيه و مبسوطين منها

الحاجه الوحيده الى مجمعين انها عيب فيها هى فرق السحب مع تشغيل التكييف عن السحب بدونه فقط

ده تقييمى عنها معبرا عن وجهة نظري فيها

انا معايا ٤٠٨ بقالها سنة وعاملة ١٢ ألف كم
وده نفس انطباعي عنها بالظبط
ومعايا ٥٠٤ و ٢٠٦
مبركبش غير بيجو :)
هي أحسن من كل الكوري اللي في فئاتها ومن وجهة نظري أحسن من اللانسر والكورولا
ولو عايز تتغلب علي موضوع السحب اللي بيقل مع التكييف
شغل ال سبورت درايف :)
وادعيلي

المشاركة الأصلية كتبت بواسطة leitosr

حط زيت شيل,
هيا بيجو بتنصح بتوتال بس توتال اللي في مصر وحش مش حلو,
وموبيل من أسوء الزيوت الموجودة في مصر.

ممكن تراجع تجارب الأعضاء دي وتشوف نسبة التقييم في الموضوع دا فوق,,
http://www.nilemotors.net/nile/42130-a-17.html
http://www.nilemotors.net/nile/328721-5000.html

ودي تجربة واحد مع توتال,
http://www.nilemotors.net/nile/3874837728-post164.html
http://www.nilemotors.net/nile/42130...post3874837728

أنا من أول ما جبت العربية, كانت بتغير ب موبيل 1 في توكيل بيجو..
وكنت دايماً بحس أنها بتسخن بشكل ملحوظ لما بقف جنب الكبوت, بس درجة الحرارة جوا في العداد كانت بتبقي عادية, مع العلم إن دي درجة حرارة المية جوا الموتور مش درجة حرارة الزيت,,
وكنت بضايق لأن كانت الانسر عمرها ما بتسخن كدا ولا صوتها كان عالي,
وكنت بحط للانسر زيت شيل الأصفر مش الالترا الرصاصي التخليقي كامل.

المهم في مرة كنت بعمل صيانة عند مركز خدمة أحمد عمارة, ولاقيته بيغير لكل العربيات زيت شيل بس, وسألته أيه السبب مع أنهم في التوكيل وبيجو غمرة وأبو رواش بيغيرو بموبيل 1.
قالي زيت موبيل اللي في السوق مضروب,, ولزوجته وحشة ومن أسوء الزيوت في مصر..

المهم غيرت لشيل طبعاً لأنه اللي كان عنده, وعشان كنت مجرب شيل قبل كدا في اللانسر, فقولت أجربة في البيجو وأشوف الفرق عامل أزاي في اللزوجة والحرارة وصوت المكنة.
ومن ساعة ما غيرت لشيل في سنة 2010 والصوت أهدي ودرجة الحرارة معقولة جدا وفي العادي والعربية مش بتسخن من برة ولا بيطلع هبو سخن من الكبوت زي الأول الحمدلله,,

فنصيحتي ليك غير بزيت شيل ألترا التخليقي اللي علبتة رصاصي علي أسود دي,


أنا عن نفسي لما باجي أغير الزيت في توكيل بيجو أو أي مركز خدمة ليهم,
باخد معايا جركن زيت شيل من البنزينة وأروح لهم وأقولهم قبل ما يعمل أمر الصيانة أنا عايز أغير زيت وجايب الزيت معايا عشان بحط لها شيل,
لأن موبيل اللي في مصر زي الزفت, أولاً مش بيعيش أكتر من 5000 ولزوجتة بتبقي ضايعة, وبيسخن الموتور وبيخلي صوته عالي.!

وبيغيرو لي الزيت وباخد الفلتر من عندهم طبعاً وبتحاسب علي تمن الفلتر ومصنعية تغيرهم,

هو انا لازم اروح اغيره في التوكيل اصل انا لسه ميعاد الصيانة مجاش وهل لو غيرته هخرج بره الضمان

المشاركة الأصلية كتبت بواسطة haitham g

انا كنت سألت على الموضوع ده فى مركز الصيانة قالولى مينفعش تغيره بره عشان الضمان و أسال تانى عشان تتاكد

طب وبعدين المشكلة اني من دمياط والطرق اليومين دول مش مضمونة وبعدين كل الحكاية اني اخدت العربية من المصرية وسالته ع الزيت قالي مش عارف بس غيره علي الف كيلو اضمن المهم العربية عاملة دلوقتي 1300 كيلو مع العلم اني لسه مستلمتش الضمان وقالولي هتستلموا من التوكيل اما تروح تعمل صيانة فمحدش عنده حل يساعدني بيه

المشاركة الأصلية كتبت بواسطة leitosr

فين المشكلة يا إبراهيم ؟ وأنت مين قالك أن المفروض تنزل الزيت دلوقتي ؟؟
قصة تغير الزيت علي 1000 كيلو حركة قرعة من التوكيل وكل التوكيلات, عشان يغيرو لك زيت من عندهم ويبيعو لك زيت وفلتر زيت وياخدو 80 جنيه مصنعية عليهم.!
ونصيحة متخليهمش بغيرو اك الزيت طول مانت بتقيسة ومظبوط.
الزيت اللي بينزل فيها بيبقي تخليقي بالكامل وأحسن من الزيوت اللي في مصر فامتهدروش.
يعني ممكن تنزاه علي ٦ الأف او ٧ لو مش عايز تغيبه ومش حابب تكمل بيه ١٠.
ولما تيجي تغيرة غيرة بزيت شيل. لأنهم بيحطو موبيل زي أغلب التوكيلات والزيت دا زي الوفت في مصر.
كان بيسخن لي الموتور ومعلي صوته. وبعد ما غيرت لشيل الموتور درجة الحرارة بقت معقولة وصوته أرتاح كتير.
شيل اللي هتحطه أسمه ألترا علبته رصاصي غامق كدا. وبيقولو عليه ١٠ الأف.
الزيوت عمتاً بتتقاس باللزوجة مش بالكيلو متر, يعني أنت طول ما بتكشف علي الزيت ولاقيت لونه كويس واللزوجة مش خفيفة ومش بيقل يبقي مش محتاج تغيرة.

أول صيانة بتتعمل علي 2500 كيلو, يعني لسه مش دلوقتي,
ولما يجي وقتها هتكلم التوكيل وقتها وتحجز معاد عشان أنت هتروح لهم من سفر ومينفعش تروح وتلاقي الورشة مليانة عربيات وشغل اليوم دا, وتضطر تروح وترجع يوم تاني أو تسيبهالهم.

فلما تكمل 2500 وتكلمهم شوف لو كانت البلد هديت شوية أحجز معاد وأنزل لهم علي طول,
ولو مكنتش هديت قولهم ممكن أعمل صيانة ال 2500 كمان أسبوع علي ما البلد تهدي,

متقلقش نفسك يعني,,

وكمان أول صيانة مش بيغيرو فيها زيت,, إلا لو انت طلبت أو حد أفتي لك بتغيرة علي ألف كيلو زي بتاع المصرية,!
ممكن تشوف تقرير أول صيانة من أخونا مهاجر في اللنك دا,

www.nilemotors.net/nile/370905-301-post3875121742.html#post3875121742

يعني رايك مغيروش صح