تقرير عن ستروين ax&zx

**AAAH** · 16-01-2014 07:14 PM

المشاركة الأصلية كتبت بواسطة rotanamasoud

سئلت على جديد ملاقيتش الموجود استعمال خارج والسعربيتراوح من 700 ل900 للجوز

ازاى يا عم احمد الكلام ده؟ انت سألت فين؟!!!!!!!!
انا روحت شوفت كبالن استيراد فى عين شمس عند كذا واحد وكانت زى الفل اغلى جوز فيهم كان 450 جنيه واقل جوز كان 350 جنيه

**AAAH** · 16-01-2014 07:20 PM

اه صحيح نسيت اقولك انى لقيت فى التوفيقية كبالن جديده ايطالى واسبانى ب 600 جنيه و 850 جنيه

**mgaballah** · 17-01-2014 03:59 PM

سلام عليكم ...يارب يكون حضراتكم بخير .... الموضوع بختصار انى معرفتى بالسيارات زى معرفتى بالكائنات الفضائية بالظبط ... من الاخر معرفش اى حاجه عن اى حاجه ...الحمد لله توافر مبلغ مدى انى اجيب سيارة فى حدود 15 او 17 الف ... ناس كتير قالولى انى اجيب 128 اخبط فيها زى الدارج بس بصراحة انا نفسى اجيب عربية شكلها كويس وحديثة شوية ....فا ظهر قدامى عربيتين اعتقد انهم فى الميزانية دى ستروين ax1998 و 1996 و ديهاتسوا برادور كانشيل 1998 ..... طبعا كل الناس بتقولى ابعد عن الستروين والقصص دى بس انا شوفت الموضوع ده وبصراحة الكلام مبشر ..انا اتصلت كمان بورشة كان حد من حضراتكم حاطط الكارت بتاعها قولتله هل قطع الغيار بتاعت ax موجوده والدنيا ماشية ازاى والراجل مشكورا طمنى بس مش اوى ....
طلبى من حضراتكم :
هل اشترى الستروين عموما وهل قطع غيرها متوفرة ولا لا وهل بما انى ابيض فى موضوع العربيات هيكون ده موضوع كارثى ولا عادى هتعامل ؟
هل الستروين احسن ولا الكانشيل الديهاتسو والاسعار بتاعت كل واحده تقريبا؟
هل فى موديلات تانية تكون فى نفس الرنج بتاعى 15 الى 17 الف وتكون معقولة ؟

والله انا عارف طولت على حضرتكوا بس لو حد عنده خبرة ودراية ويفيدنى يبقى جزاكم الله خير .

**rotanamasoud** · 17-01-2014 05:11 PM

المشاركة الأصلية كتبت بواسطة aaah

ازاى يا عم احمد الكلام ده؟ انت سألت فين؟!!!!!!!!
انا روحت شوفت كبالن استيراد فى عين شمس عند كذا واحد وكانت زى الفل اغلى جوز فيهم كان 450 جنيه واقل جوز كان 350 جنيه

والله يا ابو احمد الاسعار فى اسكندريه اغلى وانا كلمت التاجر فى التليفون يمكن رمالى سعر ووقت البيع الكلام يختلف

**rotanamasoud** · 17-01-2014 05:23 PM

استاذ mgaballah
الستروين عربيه جميله جدا بس مع مبتدء لو فيها اى مشكله هايفه ممكن يتعقد لانه مش خبير(خصوصا معرفتك بالكائنات الفضائيه)
فانت قدامك اختيار من اتنين
تجيب حاجه شعبيه تتعلم عليها
تجيبها ويكون عندك صبر وانا معاك مش حتاخر باى نصيحه باى معلومه اعرفها

**hinrey_2** · 21-01-2014 01:38 AM

تحياتى لاصدقائي بالمنتدي اتضامن مع الزميل mgaballah فى عدم معرفتى بالستروين ax
لقد اشتريت ستروين ax والحمد لله ولكن المشكلة هى جهلى المطبق فى قيادة و ميكانيكا السيارات
العربية التابلوه شغال ما عدا عداد السرعة وعداد الحرارة
لانى جديد فى السواقة مشيت بيها حوالى 5 كيلو .
لقيت عجلة نايمة ولما حاولت اغيرها الكريك اللى معاها كان ضعيف العربية فلتت ووقعت على طنبور الفرامل ولكن الارض كانت تراب فالطنبورة غرست فى الارض
الميكانيكى جه وغير العجلة وقالى محصلش حاجة .
السؤال هل دمرت هذه الوقعة الكوبلن او المقسات او اى جزء من العفشة ؟
وارجوكم الافادة عن صوت الموتور العالى واسبابه .
مع خالص الشكر

**rotanamasoud** · 22-01-2014 09:39 PM

المشاركة الأصلية كتبت بواسطة hinrey_2

تحياتى لاصدقائي بالمنتدي اتضامن مع الزميل mgaballah فى عدم معرفتى بالستروين ax
لقد اشتريت ستروين ax والحمد لله ولكن المشكلة هى جهلى المطبق فى قيادة و ميكانيكا السيارات
العربية التابلوه شغال ما عدا عداد السرعة وعداد الحرارة
لانى جديد فى السواقة مشيت بيها حوالى 5 كيلو .
لقيت عجلة نايمة ولما حاولت اغيرها الكريك اللى معاها كان ضعيف العربية فلتت ووقعت على طنبور الفرامل ولكن الارض كانت تراب فالطنبورة غرست فى الارض
الميكانيكى جه وغير العجلة وقالى محصلش حاجة .
السؤال هل دمرت هذه الوقعة الكوبلن او المقسات او اى جزء من العفشة ؟
وارجوكم الافادة عن صوت الموتور العالى واسبابه .
مع خالص الشكر

عداد السرعه انا غيرته بايدى لاكن انت مبتدء تشتريه من حد بتاع قطع غيار وتروح لكهربائى كويس يركبهولك
عداد الحراره خلى الكهربائى يشوفلك صوبع الحراره(حساس)ويلمس سلكه للارض المفروض العداد يرفع فى التابلوه(مع فتح الكونتاك) كده يبقى الحساس بايظ لو مرفعش يبقى اسلاك او العداد نفسه فى التابلوه فيه حاجه
ولازم تخلص موضوع الحراره فورا عشان تعرف الحراره باستمرار ومتدخلش فى جوان وش سلندر
بالنسبه للطنبور لو العربيه ماشيه مافيش مشاكل لا تخبيط او اى اصوات غريبه مكنتش موجوده قبل اللى حصل يبقى كل شيء تمام ومتخفش

**AAAH** · 22-01-2014 10:22 PM

غيرت الكبالن النهارده الحمد لله :)
جبت جوز استيراد ب 350 جنيه كانوا بكاوتش وافيز الفابريكه بس الكاوتش كان مقطوع
غيرت الكاوتش عند واحد بتاع كبالن بس اسمه ابراهيم ( ابو بيبو ) فى عين شمس شاب ممتاز فى صنعته ومعاملته منتهى الذوق والادب ظبطلى الكبالن وركبلها كاوتش وشحمها وركبها وعلى فكره هو برضه بيصلح كبالن وعنده كبالن استيراد جميع الانواع
ولسه طبعا العربيه قيد التجربه

**rotanamasoud** · 27-01-2014 10:00 PM

المشاركة الأصلية كتبت بواسطة aaah

غيرت الكبالن النهارده الحمد لله :)
جبت جوز استيراد ب 350 جنيه كانوا بكاوتش وافيز الفابريكه بس الكاوتش كان مقطوع
غيرت الكاوتش عند واحد بتاع كبالن بس اسمه ابراهيم ( ابو بيبو ) فى عين شمس شاب ممتاز فى صنعته ومعاملته منتهى الذوق والادب ظبطلى الكبالن وركبلها كاوتش وشحمها وركبها وعلى فكره هو برضه بيصلح كبالن وعنده كبالن استيراد جميع الانواع
ولسه طبعا العربيه قيد التجربه

مبروك يا باشا والعربيه ظبطت معاك دلوقت

**AAAH** · 28-01-2014 02:57 AM

المشاركة الأصلية كتبت بواسطة rotanamasoud

مبروك يا باشا والعربيه ظبطت معاك دلوقت

الله يبارك فيك يا عم احمد :)
العربيه ماكانتش مظبوطه لحد ماظبطت زوايا والعجل كان مقفول 2.5 سم والحمد لله دلوقتى زى الفل

الموضوع: تقرير عن ستروين ax&zx

LinkBack

أدوات الموضوع

عرض

-

-

-

-

-

-

-

-

المواضيع المتشابهه

تقرير متكامل عن رائعة ستروين الجديدة C-Elysee

تقرير مقابلة قسم ستروين

اسعار ستروين c4 الجديدة و تقرير متكامل

حلقات ستروين....موضوع مجمع عن معظم موديلات ستروين الحالية

الكلمات الدلالية لهذا الموضوع

المفضلات

المفضلات

ضوابط المشاركة