الموضوع: تقرير عن ستروين ax&zx

المشاركة الأصلية كتبت بواسطة hesham1984

انا اشتريت بعد قطع الغيار استيراد
وكنت عاوز اوضح اسعارها للافاده
انا اشتريت من اسامه خطاب فى عين شمس
مقص شمال امامى ب 150
كوبلن ب 200
اكصدام امامى 250
فانوس امامى 150
باره دركسيون شمال 100
2 فانوس اشاره 70

بارك الله فيك. كويس اننا نقول لبعض على الاسعار عشان نبقى عارفين الدنيا ماشيه ازاى خصوصا اننا مبتداين فى الستروين. انت كده شجعتنى انى كل مااشترى حاجه اكتب سعرها هنا برضه. اللى اشتريته لحد دلوقت
كبالن جديده صينى ب 550 جنيه
فبره دركسيون بيجو 104 ب 35 جنيه
كاوتش تراب للدركسيون ب 60 جنيه

المشاركة الأصلية كتبت بواسطة rotanamasoud

انا كنت عايز اعمل شرح مفصل بالصور لاكن مفضتش للاسف فاعزرنى
الترموستات ميكانيكى وليس اليكترونى بيعتمد على تمدد سائل داخله بيفتح ويقفل الصمام زى المحبس عن طريق تمدده وانكماشه بالحراره ودى صورته

فى الحقيقه هو شيله غلط لاكن الax استثنى لان العربيه الرداتير بتاعها صغير والمكنه كبيره وبتتظبط جدا بعد ما يتشال
وهو ملوش اى علاقه بفتح وقفل المروحه او اى كهرباء
المكان اللى قال عليه الميكانيكى الخرطوم ده له نهايه(وبيعدى على تكييف السخن لو ملغتهوش الغيه) شوف نهايته حتلاقيها عند المكنه من ورا(عند خرطوم رجوع الماء البارد من الرداتير(الخرطوم الطويل قوى اللى بيمشى جنب العجله) يبقى خرطوم الرجع عنده بيتقفل المسار بتاعه بطبتين وطبعا لازم تكون شايل ترموستات الكوعه

شكرا على تعبك معانا وجارى التجربه

انا اشتريت عربية ستروين ax وهى فابريكه دواخل وموتورها بحالة جيدة المهم بعد ما اشترتها وبناءا على ما قرأته فى المنتدى هنا خصوصا من أ / روتانا حصل حاجتين فى اول يوم اولا وانا لسه بركنها لقينا العجل عايز يتعدل ويحط المفتاح فى الكونتااك مش عايز يدخل المهم اتصلت باصاحبها وهو راجل محترم جانى وجاول ابدا المهم روحنا لكهربائى قال الكونتاك لازم يتكسر بالفعل كسرناه وجبت تانى يوم واحد غيره استيراد وركب ومشيت زى الفل يا دوب قلت اعمل مشوار وانا فرحان بيها باعتبرها اول عربيه ليه وبعد ما لفيت بيها شويه حوالى بالضبط 30 كيلو وانا مروح وجنب البيت بطلت وكل ما دور تبطل روحت لميكانيكى قاللى بتاع كربرااتير روحت لبتاع الكربراتير قالى بيك السلانسيه وطلع موضوع تافه واتعمل فى ثوانى المهم بقفل زجاج الكهرباء مش بيقفل الصراحه اتعقدت خصوصا ان ده حصل فى اقل من 24 ساعه المهم روحت لكهربائى طلع كلبسه مهزوزه حاجه عبيطه جدا بعدين اتعقدت منها اتصلت بالرجل صاحبها وقابلته ورجعت العربيه علما ان كل اللى شافها قاللى العربيه حالتها كويسه ايه رأيكوا لانى ندمان بعد ما رجعتها هل اتصل بصاحبها احاول ارجعها تانى ولا ايه ؟ ارجو سرعة الإفادة

المشاركة الأصلية كتبت بواسطة rotanamasoud

استاذ محمد على على
انت اول مره تركب فده عقدك لاكن كل اللى حصل يعتبر اشياء بسيطه جدا راجعه لاهمال المالك السابق واحتمال اخدت عين
لاكن اللى يزعل ويرجع عربيه اخدها المكنه سليمه ولاقيتها خفيفه(غش وانت متفق انها سليمه)
اكتشفت بارومه مستخبيه فى اماكن مهمه
اكتشفت لعب جامد فى اساسيات العربيه (خبطه قديمه-الضفيره ملعوب فيها ومتبهدله الخ)
يعنى حجات مهمه جدا متفق انها سليمه ولاقيتها بايظه
ممكن كله تمام بس الحاله النفسيه والقبول النفسى غير موجود (مش مستريح للعربيه بدون سبب ممكن ترجعها)
لاكن طبله او تنضيف كاربراتير او ازاز بيعلق كل ده وارد انت مش اخد عربيه زيرو واى عربيه تانيه وارد يحصل لها الحجات دى
استخير وراجع نفسك ويمكن ملكش نصيب فيها يبقى خير ليك ولو بتاعتك حترجعلك

شكرا على سرعة رد حضرتك انا لسه بفكر فى موضوع انى ارجعها تانى بس خايف من موضوع اهمال صاحبها ده ويطلع لسه فيها حاجات تانى

طيب يا استاذ روتانا بالنسبة للميكانيكية وشغلهم في العربية
هل اي ميكانيكي ممكن يشتغل فيها ولا هي معقدة؟

مشكلة قطع الغيار ممكن نتجاوزها اننا نتمشور شوية مش مشكلة

انما انك كل ما تعطل العربية تروح لحد مخصوص بس عشان بيفهم فيها اعتقد هتبقى الموضوع صعب

مع العلم انا من الاسكندرية