الموضوع: تقرير عن ستروين ax&zx

ده لنزول الماء الزائد وممكن تركبله خرطوم تطوله بحيث يفضى فى الارض مباشر

المشاركة الأصلية كتبت بواسطة sherif0333

عندي مشكله سخونه فى zx العربيه فيها مروحتين الاتنين شغالين مع بعض هي مفيهاش مؤشر حراره انا خدت منها هوا ومفيش ميه بتخر ومغير وش سلندر مع العمره وبرده بتسخن والميه بتنقص لما العربيه بتسخن بشغل المراوح على طول من غير ترموستات لما بقف بلاقي بلف الهوا اللى ورا الكاربيراتير بيطلع ميه ارجو الافاده

الzx اسهل كتير فى ظبط الحراره من الax جاوبنى على
مع العمره ظبطت طرمبه الميه يعنى بتقلب الميه كويس
سربنتينه التكييف موجوده ولا لا
ترموستات الكوعه موجود ولا لا

مشكور يا باشا

انت محتاج تظبط دوره التبريد وتشوف الحراره
تشوف الحراره حتشترى عدادات العربيه السبور من200 الى 300 ودى فيها ار بى ام وحراره وتركب على فيش العدادات الاصليه على طول وكله بيشتغل الاربى ام والبنزين وتشترى صوبع حراره وتركبه فى الكوعه بتاعت الميه من فوق(ده مكانه الاصلى)وتخلى كهربائى يوصلهولك كده احنا شايفين حراره المحرك وقادرين نعرف اذا كانت سخنه طبيعى ولا ازيد من اللازم ولا خطر(يمكنك تجاهل هذا الجزئ لاكنى عملته والفرق زى الاعمى والبصير فى الحراره)
ظبط دوره التبريد
تم اهمال طرمبه التبريد لتغييرها مع العمره وترموستات الكوعه لان الميكانيكيه بتخلعه
انت تلغى الجزى بتاع اخد الهوى اللى عند الكاربراتير لانه فبريكه بياخد الهوى من دوره تكييف السخن وهى ملغيه فتنفى السبب من وجودها واصبحت تمثل مشكله زى التسريب
اصبح عندك مكان واحد لاخد الهوى اللى هو عند الكوعه اللى فوق عند وش السلندر من الامام
سربنتينه التكييف مع السنين بتصبح عائق لمرور الهوى للرداتير نظرا لتراكم الاوساخ والطينه الخ داخلها فعندك لها كذا حل انك تلغيها لو التكييف لا يعمل او تنضفها وتفكها وتتاكد ان كل الريش مظبوطه بعد التنضيف وان مفيش اى اعاقه لمسار الهوا او تغيرها
يتبقى عندك احتمال ان الرداتير نفسه مسدود وده حتفكه(خلى بالك فى افيز من تحت غلس بالراحه تفكه عشان ميتكسرش ويدوخك)ويتنضف كويس جدا عند بتاع الرداتير ولو فكه وسلكه ماسوره ماسوره يبقى استاذ وتبقى انت اشتريته وتتاكد بعد التنضيف انه ريشه سليمه ولا يعيق مجرى الهوى غير كده يتغير
تقفل وتغسل الدوره
يتبقى من المنظومه المروحتين وحساس تشغيلهم
الحساس الاصلى بيشتغل عند 85 ويفصل 80 تقريبا وده عشان يحافظ على رينج ال80 دايما
والمروحتين فبريكه سرعتين توالى وليس توازى بمعنى ان الاولى الاتنين شغالين بطيى والثانيه ان الاتنين شغالين سريع مش واحده وواحده وانا لم احتاج السرعه الثانيه اطلاقا
يعمل تست وتنزل تمشى بالعربيه كله تمام ومفيش تسريب تنزل الميه وتحط ميه خضرا او حمرا
بعد كده حتعانى ان المكنه بارده زيى(حلها ممكن ترجع ترموستات الكوعه) والعربيه لا تواجه اى مشكله حراره فى اقصى الظروف شرط تنفذ اللى قولتهولك عن المنظومه بالكامل وانسى الحراره نهائى