الموضوع: *عربيتي كانت هتسرق انهارده في رمضان في عز الضهر!!!!!!!!!! كله يخلي باله*

الحادثة دي فكرتني بحادثة مشابهة حصلت من سنتين في أوائل رمضان لسيارة زوجتي الشاهين أول ما إشترتها مستعملة موديل 1995 بمحرك 1300 يعني مش عربية غالية أو فخمة وركنتها لأول مرة عند البيت بمنطقة الشبان المسلمين على الترام في الإسكندرية ونسيت وهي بتنقل الكراكيب من سيارتها القديمة إلى الشاهين كرتونة على الكنبة الخلفية كان فيها بواقي زيت المحرك والكراكيب إللي بالك فيها وإللي متسواش أساساً إن الواحد يحتفظ بيها.

وصحينا تاني يوم على البواب بيبلغنا على إن زجاج السيارة الجانبي من الناحية اليمنى مكسور ولقينا الحرامي ما أخدش غير الكرتونة وشوية شرايط كاسيت. وطبعاً قضيت اليوم بغير الزجاج وبنضف الزجاج المكسور وإللي إنتشر بشكل لا تتصوره في كل أنحاء السيارة حتى عند الزجاج الخلفي وعملتلها فرش جلد يومها وللأسف ما بلغتش البوليس نظراً لهذه المشاوير ونظراً ليأسي من جدوى ذلك.

ومرة تانية إتسرقت البطارية لنفس السيارة من نفس المكان من حوالي 3 أشهر وعملت لها قفص حديد بقفل لمنع سرقتها مستقبلاً وللأسف برضه ما بلغتش.

ربنا ينتقم من من يظلموننا ويستحلون مالنا.

قدر الله و ما شاء فعل تخيل لو السيارة بحالها مش موجودة ؟ و على رأى الأستاذ انيس منصور . ازاى نشيل مفتاح العربية فى أأمن مكان فى البيت و هو لا يساوى بضع جنيهات و نترك سيارة فالشارع بألالاف الجنيهات ؟؟ شىء غريب فعلا احنا بنعمله .!!!!!