الموضوع: الحمد لله العربية عملت حادثة m11

المشاركة الأصلية كتبت بواسطة aftr

انا حصلى نفس الموقف على سرعة 80 وكان معاية اصدقاء واحد معاة فرنا واحد معاة رينو وكان فى مطب وصاحبى طلع من الزجاج وقال البس المطب يابرنس طبعا انا عارف العربيه على ايه اقسم بالله اول ما دوست على الفرامل العربيه كلبشت مكانها قولت لصاحبى بتاع الفرنا انسى يامان طبعا هو اخد المطب هو والرينو كان هيتجنن ابصم بالعشره ان العربية دى بسم الله ماشاء ثبات وفرامل فوق الوصف لدرجه صاحبى اللى كان سايق الفرنا قال لازم اسوق العربية دى مع ان مفيش شخص بيركب العربيه غيرى قولت انزل من على العربية فضل ياخد غرز قال العربية دى بجد تمام احسن من الفرنا كتير وبردو طبعا كله بتاع ربنا بس دى شهاده لازم الواحد يقولها فى حق العربية دى لان لها مواقف معاية اكتر من كده بكتير والحمد لله كانت بتكون معايه كويسه
وبردو ان شاء الله عربيتك ترجع احسن من الاول اوعى تزعل على حاجه المهم انك بخير وسلامه

وانا كمان اشهد انها عربية روعه بجد لو هيا عربية اى كلام ع الخبطة اللى اتخبطتها كنت رحت فيها ياجماعه العمود اتعوج ومال ع الارض وبقى فية فرق بية وبين الارض عمل حفرة صغيرة كدا يعنى خبطة جامدة جدا يعنى العربية لو مش جامدة كنت بالسلامة لدرجة فرش الكراسى اللى ورا طلع من مكانة وخبط ف الكرسين اللى قدام انا مش مصدق اصلا قوة الخبطة دى ماشاء الله العربية مواصفات الامان بتاعتها عالية جدا ودا بعد تجربة وواقع عشان الناس اللى بتقول هجس وبتاع وانا مش زعلان من العربية بجد انا فخور بيها وهصلحها ان شاء الله ومش هبيعها خالص لحد ما تبقى خردة

بسيطة ان شاء الله وباذن الله هترجع احسن من الاول ربنا يجعلها اخر الاحزان

تم شراء قطع الغيار الاولية اللى باين انها باظت
كبوت 700
اكصدام امامى 250
شاسية اصدام 250
صدر علوى 300
ردياتير 360
سربنتينة تكييف 360
مراوح 370
الاجمالى 2590 جنية وان شاء الله هتابع معاكم بالتفصيل