الكلام النهائى بالنسبة للإيموبيليزر و ال ebd فى البيجو ال 301 من الكتالوج

**eleanor** · 18-08-2013 10:40 PM

شكرا على التوضيح واظن كده كل الناس اتاكدت

**eleanor** · 19-08-2013 06:19 AM

استاذ LeitoSR حضرتك ليه عمال تثبت انها فيها الكلام ده اللى ركب بيجو وعارفه عارف يعنى ايه مواصفاته وامكانياته
ومش محتاج توضيح فبلاش تتعب نفسك الناس الى عايزه تتاكد تتفضل مشكوره تزور اى فرع من فروع التوكيل وتعرف العمليه مش صعبه يعنى

**Ahmed Amin** · 19-08-2013 07:55 AM

المشاركة الأصلية كتبت بواسطة eleanor

استاذ leitosr حضرتك ليه عمال تثبت انها فيها الكلام ده اللى ركب بيجو وعارفه عارف يعنى ايه مواصفاته وامكانياته
ومش محتاج توضيح فبلاش تتعب نفسك الناس الى عايزه تتاكد تتفضل مشكوره تزور اى فرع من فروع التوكيل وتعرف العمليه مش صعبه يعنى

أنت عندك حق, وأنا قلت أني خلصت كلامي في الموضوع دا ومش هرد فيه تاني,
بس لما تلاقي أ/ محمد 2Code جيه في الموضوع دا يفتي من موضوع تاني كان في قسم المقارانات ما بين بيجو 301 وكيا ريو,, والكلام كان خلص هناك.

والمقارنة لو كانت حيادية أو عادية مش هتزعل حد, والأختيار هيبقي أزاوق في الأخر,,
طبعاُ بعد ما اللي بيسأل يعرف كل حاجة عن العربيتين أيه اللي فيهم ومش فيهم,,

لكن عشان يفتي بدون علم ومن غير ما يسأل برة أو هنا بأن العربية مفهاش Immobilizer ولا EBD دا اللي يزعل,

وأستاذ مهاجر عمل الموضوع دا مخصوص للرد علي كترة الأسئلة اللي بقي تتسأل علي العربية في الحاجتين دول عشان مش مكتوبين,,

وهيا حاجات بتنزل Standard في البيجو, بدليل إن ال ABS مش بينزل Optional فيها.
بس الناس العادية متعرفش دا وممكن تحتار,,

فلازم حد يعرفهم هنا مادام ما الوكيل معلوماته محدودة..

فالو محدش رد عليه, ممكن ناس كتير ممكن تقرأ كلامه وتفكر إن البيجو وحشة ومفهاش أيموبلايزر ولا EBD ويصرفو نظر عنها.!!

عشان كدا لو أحنا عارفين أنها فيها هنأكد دا,, لو مش عارفين هنقول لا ياجماعة والله مفهاش,,

كونه بقي يقتنع ميقتنعش, أحنا عملنا اللي علينا كتبنا رودونا,

كان فيه ردودي, وصور الكتالوج من أستاذ مهاجر أو زيادة تأكيد من أستاذ A.Adel ما كتب,
وكان أخر كلامنا اللي عايز يتأكد أكتر يروح يشوف العربية بنفسه ويشوف فيها ولا لأ,

والكلام خلص لحد هنا عشان لو حد دخل قرأ الموضوع دا تحديداً ميلاقيش واحد بيشكك في حاجة في العربية, ومحدش رد عليه,,
فيفكر أنو عنده حق.!!

**Ahmed Amin** · 19-08-2013 08:06 PM

المشاركة الأصلية كتبت بواسطة mohamedsaber2

يا صباح الفل على اجدع رجالة فالمنتدى :)

بصراحه نقاش سااااااااااااخن وزي الفل من ناس فاهمة وزي الفل (مش كلهم :))

انا بقه إلي خلاني أدخل عالمنتدى النهاردة اني كنت عاوز اجيب بيجو 301 وواحد وقرأت الكلام الحلو ده كله ومكنتش حتى اعرف قد ايه الامكانيات دي مهمة جدا كده.

مساء الخير,
أولاً أهلا بيك وربنا يوفقك في الأختيار,

المشاركة الأصلية كتبت بواسطة mohamedsaber2

كنت عاوز اعرف بس حاجه, الفيديو الي فوق بتاع اختبار الإي بي دي, لاحظت انه اول ما داس بنزين لاقيت العربية طلعت عالـ190 علطول!!! الكلام ده صح ولا إيه النظام, أصل انا معايا بي واي دي مكفرة اهلي ;).

أنا مش عارف أنهي فيديو تقصدة, بس في كل الأحوال ال ABS أو ال EBD أو ال ASR
مالهمش دعوة بالتسارع بتاع العربية,,
العربية موتورها قوي جداً,, وبتطلع هورس باور عالي, علي عكس العربيات الكوري اللي بتصفي في الأخر علي هورس باور أقل,

الحاجات اللي أتكلمنا عليها بتفرق في الفرامل مش في التسارع, وكلها عوامل أمان,,
ودا هيبان في أداء الفرامل بتاعها لما يفرمل من علي سرعة 190.!
Peugeot 301 1,6i 2013 - acceleration 0-190 km/h - YouTube

المشاركة الأصلية كتبت بواسطة mohamedsaber2

وتنصحوني اجيب الـ301 والا اخليني فالياباني احسن لاني بصراحه مجربتش البيجو ابدا قبل كده.

مستني ردودكم الجميلة

وأنا شخصياًُ أنصحك بالبيجو لأنها عربية في الأمان والراحة أعلي من الياباني والكوري والصيني, وفي الراحة والثبات أعلي من الياباني والكوري والصيني,,
وأي حد ركب عربية بيجو أو أوروبي عمتاً هيقولك علي فرق أو ممكن تجربه بنفسك مع حد سواء راكب جنبه أو سايق,,

اللي كان بيخوف الناس من الأوروبي أسعار قطع الغيار والصيانات,
بس الكلام دا أتغير مع البيجو 301, وممكن تبقي تراجع أسعار قطع الغيار من هنا,
http://www.nilemotors.net/Nile/35895...eot-301-a.html

أنا كنت راكب ياباني قبل كدا, لانسر بومة ل 3 سنين,, والفرق مابين الياباني والبيجو فرق كبير في الراحة في السواقة وفي الثبات وفي الفرامل والأمان عموماً.

يبقي ليه أركب حاجة أقل في الأمان والراحة والثبات, لما ممكن أركب حاجة أحسن بسعر معقول.؟

**Ahmed Amin** · 19-08-2013 08:57 PM

المشاركة الأصلية كتبت بواسطة haitham g

بس تقريبا العربية دى مانيوال ولا ايه

أه مانيوال, لأني سمعت صوت النقلة لما نقل ما بين التاني والتالت,
وغاب فيها سنة بسيطة,,

بس أنت خمنت منين أنها مانيوال ؟
عشان السحب ولا تسقيط الغيارات ؟