الموضوع: الكلام النهائى بالنسبة للإيموبيليزر و ال ebd فى البيجو ال 301 من الكتالوج

أستاذ محمد 2CODE, هوا أنت قافش كدا ليه بس ؟؟
حد زعلك هنا.؟! مالك قافش كدا ليه وأيه علامات التعجب الكتير دي !!!!!

أولاً الموضوع دا كان الكلام فيه عن الأيموبلايزر للناس اللي كانت قلقانة من عدم وجودة, وعدم معرفتهم بأنه حاجة أساسية في البيجو من قديم الأزل, علي عكس بعض العربيات الكوري,,,
ومنهم الفيرنا, أو الداي, و ولا حتي الاكسنت RB بسعرها اللي مش أقتصادي مفهاش أيموبلايز..

وثانيا كان عن تأكيد إن العربية نازل فيها EBD وEBA كمان وهوضح دا أزاي دلوقتي,

بس عايز أفهم الأول,,
أيه اللي دخل الأيرباج في الموضوع دا اللي أنت جاي تقارنها بيه.؟!
أنت عاملها حجة يعني عشان تقول إن لو الكتالوج مكتوب فيه كذا يبقي مش شرط العربية بتنزل كدا علي الحقيقة,
طيب ماشي أنا فاهم الكلام دا وكلنا فاهمينة,

بس هوا يعني المفروض أقتنع بكلامك كدا لمجرد أنت قلت كدا ؟!
ولا المفروض أشوف العربية الأول فيها الحاجة دي ولا لأ قبل ما أتكلم وأقول الكلام اللي أنت قلته دا,, ؟؟ فين دليلك علي أن العربية مفهاش EBD و EBA ؟

بصراحة كلامك غريب جداً,, والكلام دا فيه نفسنه واضحة علي العربية وغير مبررة بالمرة,

المشاركة الأصلية كتبت بواسطة 2CODE

مش بتكلم الا لما بكون متأكد من كلامي 100% ومن غير تعصب للعربيات او لماركة معينة علشان كده مش عايزك يا فندم تتعصب لعربيتك او لماركة معينة
العربية 301 زي الفل بس مش بالمواصفات الخارقة اللي انت بتتكلم عنها :)

ايوه فيها ABS ايوه فيها ايرباج لكن مفيش EBD وكمان EBA !!!!!!!!

واضح فعلاً إن كلامك مفهوش تعصب وحيادي جداً,,
وأيوة فيها ABS وفيها EBD وفيها EBA كمان أيه اللي مزعلك في كدا

هسألك سؤال وترد عليه ب أه أو لأ,, هوا أنت ركبت العربية عشان تعرف فيها EBD و EBA ولا لأ عشان تقول مفهاش ؟؟
طب أزاي بقي بتقول مش بتكلم إلا أما كون متأكد, وأنت لا ركبت العربية ولا جربتها, ولا قريت عنها كفاية, إلا عن طريقنا هنا, يعني مبحثتش كفاية عشان تعرف فيها EBD و EBA ولا لأ.
وداخل تقول مفهاش,,, للأسف كلامك دا بيدل علي أنك لا متاكد 100% ولا 1% ولا عارف أنت بتقول أيه لما تقول الكلام دا.!

وهقولك ليه في البوست اللي جاي إن العربية فيها EBD و EBA

المشاركة الأصلية كتبت بواسطة 2CODE

ما نفكر بعقل شويه ؟ هو في حد مش هيكتب مواصفات عربيته وخصوصاً في الفرامل !!!!!!

ماشي,, أنت لو فكرت بالعقل هتعرف إن البيجو بينزل فيها الأيموبلايزر أساسي Standard مش أوبشن علي عكس بعض العربيات أححمم الكوري,
ومفيش بروشور واحد لبيجو بيتكب فيه إن العربية دي فيها الأيموبلايزر,
لسبب أنه زي ما قلت بقي أستاندرد وأساسي ومبقاش أوبشن زي عربيات تانية,,

أديك مثال, عندك بروشور البيجو 508 أهو الكامل, ودا النسخة بتاعت بريطانيا بالمناسبة,
عشان كنت بتقول في الموضوع التاني إنهم برة بيفهمو أكتر مننا ويعلمونا عربيات,
http://www.sgpetch.co.uk/cmsmedia/ad...f_brochure.pdf

اللنك أهو, طلع لي منه كلمة ABS أو EBD أو Immobilizer أو EBA أو كل الحاجات الحلوة اللي بتنزل أستاندرد في البيجو دي..

وعشان تعرف بس إن كلامك مش مقياس, بروشور ال 301 علي عكس ال 508 مكتوب فيه أنها فيها كل حاجة
http://peugeot-ethiopia.com/MediaFil...geot%20301.pdf

The Electronic Stability Program* groups together 5 features:
ABS brakes,
Electronic Brakeforce Distribution (EBFD)
and Emergency Brake Assist (EBA),
plus Anti-Slip Regulation (ASR)
and Dynamic Stability Control (DSC), which help
the driver get the vehicle back on course within the limits of physics.

المشاركة الأصلية كتبت بواسطة 2CODE

ده بيحاولوا بيطولوا في قائمة وسائل الامن على قد ما يقدر علشان انت اول ما تشوفها تقول ياااااااااااه كل ده وهو يطلع خاصيتين وهو قاعد يشرح لك فيهم :)

ونشوف صورة من موقع كيا عن الريو 2013

http://www.kia.com.eg/vehicles/Rio-4...Specifications
فعلاً علي رأيك أنا ما قريت المواصفات دي قولت يااااااااااه كل دي خواص يا جدع,,

تطويل اللستة دا سواء ضعف شخصية, أو عشان يخفو الحاجات اللي هيا نازلة ناقصة منها زي ال Rio كدا اللي مفهاش ABS ولا EBD في أول تلات فئات,
علي عكس البيجو 301 ال ABS أستاندرد في كل الفئات,

واللي بيحاولو يطولو لستة الاوبشنز دي شركات ضعيفة الشخصية, بتحاول تسوق عربياتها بأي طريقة.!
عندك مثلا في اليكا ريو كاتبين;;
- Trip Computer الله كمبيوتر رحلات.!! أيه الأوبشن الجديد والخطير دا,, وعليه أتاري دا بقي ؟
- Cup Holders حوامل أكواب, ما شاء الله أوبشن جديد ورهيب,
- Door Bottle Holder - Front / Rear دول اللي بيبقو في الباب من تحت, فكرة جديدة يا تري شوفتهم فين قبل كدا ؟
- Back Pockets لالالا كدا كتير الصراحة, كيا عدتتت يا جدعان. !!!