الموضوع: ماهو الوضع الطبيعي لـ مروحة الريداتير

ازيكم يا رجالة
عايز اعرف الوضع الطبيعي لبدء و وانتهاء عمل مروحة الريداتير أول لما العربية توصل لدرجة السخونة سواء 82 أو 85 أو 90

يعني مثلا ، في الاسترا كانت الحرارة الطبيعية 90 و لما توصل 92 مروحة الريداتير تشتغل لمدة أقصاها دقيقتين عشان تنزل الحرارة لوضعها الطبيعي وهو 90 أو 91 بالكتير

أما حالياً فمش مرتاح للوضع الحالي مع الفيكترا
لأن كانت اول ماشترتها الحرارة بتوصل لـ 80 والمروحة بتشتغل عند 82 تقريبا ، بس مكنتش مركز معاها بتستغرق مدة قد ايه عشان ترجعها لـ 80

بعد تركيب ثرموستات الكوعة : الحرارة ثابتة على 85 و بتطلع لـ 87 دا اخرها (لاحظوا ان الفرق يكاد يكون ملحوظ)
الجديد بقى واللي ابتديت اخد بالي منه هو ان مروحة الريداتير بتتشتغل تقريبا قبل 85 وبتفضل شغالة فترة كبيرة ممكن توصل لـ 10 دقائق عشان تفصل وتشتغل تاني بعد مدة قصيرة
وفي ظل الوقت ده بتكون باردوا الحرارة 85 لـ 87

على قد تفكيري ، لازم يكون فيه توافق بين درجة تشغيل المروحة ودرجة عمل ثرموستات الكوعة
يعني مثلا المروحة تشتغل بعد 85 واللي هي مثلا 87 درجة وتشتغل لمدة دقيقتين وترجعها لـ 85. مش صح باردوا ؟