المشاركة الأصلية كتبت بواسطة ahmed.fahmy
بسم الله الرحمن الرحيم
اخواتى الكرام، انا عارف انكم محتاجننى هنا شوية، مش كان حد يندهنى طيب
اولا اعتذر للاستاذ عادل على الناس اللى ردت عليك باسلوب مش اد كدا لكن اعذرهم، اصل اتا عامللهم البحر طحينة على العربية دى.... قولتلك ماتبيعهاش واصبر شوية مابتسمعش الكلام انت... ما علينا
انا طبعا ما قرأتش ال 7 صفحات بس شوفت حاجات فى اول كام صفحة كدا وزى ما انا بطبعى حقانى والله العظيم هقول الحق
اولا ال508 عفشتها torsion beam وليست multilink زى اللى بتنزل فى اوروبا وطريقة المعاينة سهلة جدا نزل صورة للتورشن والمالتى لينك من الجوجل واحفظهم كويس، اقف ورا اى عربية واجع بتاع 5-7 متر لورا وبص لتحت هتعرف على طول نوع العفشة
ثانيا يا جماعة الراجل كان راكب سوبرب بردو ودى عربية ما شاء الله توب بردو، ضخمة جدا، واطية جدا حتى محور العجل بتاعها اوسع من البيجو بغض النظر عن موضوع الوزن اللى مش هو العامل الاساسى لان الفرق مش كبير لكن السوبرب حاجة والاوكتافيا حاجة تانية خالص فالسوبرب اثبت من البيجو من ناحية العفشة المالتى لينك، ابعاد العربية والارتفاع عن الارض ودا مبدأيا
انا عارف انت قصدك على ايه يا استاذ عادل، انت من النوع اللى بياخد الطريق مثلا نفخ ويكمل على مطلع الكوبرى بنفس السرعة "مثلا يعنى" وازيد وانا والله زيك والحركات اللى زى دى واللى انا بردو انا بعملها بتبين الفرق بين السوبرب وال508 ولكن على الطوالى وفى المناورات تقريبا واحد.. واقول للناس على حاجة بس والله لو حد شتم او رد رد مش تمام ..... انا اشتريت بروتون جين2 من 4 شهور كدا للمدام تتعلم عليها واهى عربية صغيرة قى البيت والظريف انى حسيتها اثبت من ال508... استنوا ماحدش يشتم... الموضوع مجرد احساس مع انها ماشاء الله ثابتة جدا بس مثلا من ساعتها بدأت اتعافى على ال508 واخدها فى ملف على سرعة كبيرة جدا واكسر مرة واحدة، العربية تحس انها بتاخد وتدى معاك فى اول جزء من الثانية وبعدين تلزق فى الارض ولا الضهر يعوم على رمل ولا تنحرف عن الطريق سنتى حتى اللى عاوز اقوله ان فى عوامل محدش بيفكر فيها زى ان البيجو مثلا الباور خفي عكس الجين ولا كانها باور اصلا ودا فى مطبات الهوا الكبيرة مثلا بيفرق...
خلاصة الرغى دا العربية دى وصلت الاحساس للاستاذ عادل وباعها بسبب مطبات الهواء لارتفاعها عن الارض ليس الا... والبردو الluxury cars دى فئة بتاعت واحد كدا عنده 50 سنة وبيمشى هادى فى الروقان والموتور القوى عشان الطرق المفتوحة... يعنى اتحدى حد شاف s-class بتشد مع bmw 740 li مثلا مع انهم هيدوسوا على الناس لو عملوا كدا بس هما مع المواتير البشعة دى مش بتوع كدا..
طبعا انا مش معاك انك تقول ان الاوكتافيا برقبتها لان الاوكتافيا ثباتها لا يتعدى البروتون الجين2 او اقل وعن عشرة مع كل العربيات دى بجانب ان العيلة بتاعتى كلها اوكتافيا فقط..
نيجى بقى للاخ اللى كاتب ان ال508 مافيهاش epd واقولله :01964e~163: ... سيبك من ام الجوجل سيرش والناس اللى بيضحكوا عليك لان اللى زيك فاكرينها تجميع صينى... ال508 فيها esp ودى عقبال عندك مش موجودة الا فى العربيات اللى فوق ال200 الف جنيه بس حتى الفانتازيا مافيهاش وال epd دا بالمناسبة موجود فى العربيات الصينى وتقريبا كل العربيات اللى فيها ِabs وانا متاكد انك مش عارف هو اختصار لايه او الوظيفة بتاعته ايه اساسا
اما بقى الناس اللى بتقارن بالbmw :b4_592: فدول اكنهم عاوزين ياكلوا اكلة سمك مع اكلة كوارع فى نفس الطبق لانهم حاجتين لا يقارنوا ببعض من كل الاتجاهات... فمثلا نظام الدفع والتعليق والهاندلنج والارتفاع والديزاين ومركز الثقل والدراسات والتطبيقات الايروديناميكية والتوازن فى الbmw لا يقارن اصلا technically باى حاجة واللى بيقارن بيقارن بيبقى من زاوية ان عنده عيلة ودى اوسع وللا دى اشيك وللا اوبشن مش حاجة technical وبدليل ان الموتور اللى بيجو فرحانة بيه واللى اكتر حاجة مميزة للعربية مع الاوبشن bmw هى اللى عاملاهولها وعموما ال508 تمنها 200000-250000 مثلا والbmw 320i 350000-400000 ،يعنى ضعف التمن لما تسمى بال poor man bmw اللى هى الفئة التالتة ونص التمن لل508 واللى هى الluxury car of peugeot يعنى اغلى حاجة فى البيجو نص ارخص حاجة فى ال bmw يبقى اللى بيقارن دا لاموءاخذة بيهرج...
اما موضوع العربية فيبر وورقة والكلام دا :copy of majd(4): فدا اى كلام فى الحماده لان وزن العربية 1.5 طن ومصفحة من كل حتة فلو بالمنطق دا ومع شوية حسابات بسيطة المفروض انها تببقى 4 طن مثلا وعشان ننهى النقطة الفاكسانة دى الاجزاء الفيبر هى الاكسدام الامامى واللى كعادة بيجو بتعمله كبير شوية داخل مع وش العربية "زى اللنسر الشارك مثلا" اللى هو فيبر فى كل العربيات بردو، الاكسدام الخلفى وضهر لشنطة واكيد المرايات وشكرا، يعنى تزيد على اى عربية ضهر الشنطة مع العلم ان الbmw واكيد مش بقارن الكوبيه الرفرفين الامامى كلهم فيبر ولسه شايف واحدة رفرفها مخروم ودكر حد يقوللى انها مش ثابنة عشان رفارف ووش واكسدامات العربية فيبر... ملحوظة الفيرارى فى منها كاربون العربية كلها يعنى ورق ورق وثابتة بردو وزى الفل...
موضوع الثبات على السرعات بقى انا شخصيا بجرى ف الطبيعى باى عربية فوق ال160 عشان انا بطبعى خلقى ضيق فبالجين وهى زيرو عاملة 500 كم جريت بيها 200 كم/ساعة وكان الطريق نازل فاكيد ما رحمتش البيجو، انا كان اخرى معاها 220 كم / ساعة على طريق السخنة والطبيعى وانا اساسا ساكن على الدائرى بروح البيت بس طبعا بعد 2 صبحا قبل ايام الحظر على الاقل 160-180 من اول مدينة نصر الى طريق السويس الى الدائرى كارفور ولو العربية مش ثابتة كنت بعتها زى ما عملت فى الافيو اللى ركبتها 4 شهور وجيبت الاوكتافيا وحتى والله ماكانش معايا كل فلوسها لكن الثبات يعنى الامان
هقوللكم على تجربة شخصية انا لما اشترى عربية بدور على 3 حاجات موتور، فرامل وثبات وصاحبى الانتيم بيدور على شكل، اوبشن وتكاليف صيانة رخيصة، انا فى 2009 اشتريت اوكتافيا a4 اخر موديل للعربية مانوال ب124000 جنيه وصاحيى اشترى سيراتو اول ما نزلت ب127000 جنيه هاى لاين، انا كنت بقولله عربيتك اى كلام انا ممكن اعمل واحده زيها بالكارتون والليدات الصينى وهو كان بيقوللى عربيتك فاضية تماما مافيهاش غير زرار الالنتظار ةالاشارات فمن الاخر مافيش حاجة اسمها عربية احسن من عربية التفضيل فى اى شئ بيكون ليه اسس يعنى الفانتازيا البيزيك ممكن تكون افضل من الالنترا الهاى لاين فى الامان والخامات والتقفيل والثبات وقوة الموتور لكن الالنترا افضل مثلا فى الشكل الاوبشن تكاليف التشغيل الصيانة وقطع الغيار سعر البيع والشراء الوسع والاتنين بنفس التمن والاتنين بيتباعوا كتير جدا وكل واحد من ملاكهم حاسس انه عربيته افضل لانها انسب حاجة لمتطلباته وفى النهاية كله زى بعضه بس الفكرة انت عاوز ايه وانا بالنسبالى ال508 احسن من ال530 حاليا لانى مش معايا تمنا واول ما احوش تمنها هجيبها وشششششششششششش وهرمى ال508 لكلاب السكك ينهشوا لحمها :c_laugh[1]:
المفضلات