أول موضوع وأول عربية........مشترك جديد اقبلوني معاكم

**Ahmed Nasser** · 30-08-2013 02:44 PM

اهلا بيك ياباشا فى بيتك التانى على راى الاستاذ طارق
بالنسبة للنوبيرا هية احسن عربية فى الفئة السعرية بتاعتها
انما السعر بتاعك هيجبلك حاجة شاذة جداااااا
يعنى هتبقى موديلات 2006 و 2007 وعداد كيلو ميتر قليل وفبريكة برة وجوة
وممكن تلاقى نوبيرا خليجى موديل 1999 و 2000 ودى هتبقى احسن من المصرى فى التقفيل والكامليات
وسعرها هيلب فى الـ 50.000

**Dr_M_Shaltout** · 02-09-2013 06:58 AM

المشاركة الأصلية كتبت بواسطة abo_lamar

اهلا بيك في المنتدى يا دكتور ....
ادخل على موقع كونتاك كار وشوف و قلب براحتك في العربيات وبلاش المعارض ولا سوق السيارات اللي في مدينة نصر .
المنتدى هنا في قسم مخصوص لبيع وشراء العربيات ... ادخل و اتفرض وده اللينك بتاع القسم ....

قســم خاص لبيع السيارات فقـــط - نايل موتورز - nilemotors.net

وبالتوفيق

شكرا جزيلا........بس مش عارف بحس ان كونتاكت كار السعر فيه بيبقى بزياده شويه عن الواقع

المشاركة الأصلية كتبت بواسطة akram

أهلا بيك , بالنسبة للسعر ففيه مواقع زي (كونكت كار) و (مصراوي) و (كار 100 100)
ممكن تقلب شوية و تعمل اتصالات تعرف الحالة و السعر و ده هيديلك صورة للمبلغ اللي معاك يجب ايه
و روح مع صاحبك و شوف العربية اللي هترسي عليها و لو عجبتكم جيب السمكري يشوفها
بس خللي بالك ممكن لاقي ناس بتحكي اشعار في العربية و تروح تلاقي الحالة مش تمام
و ربنا يوفقك لعربية كويسة ان شاء الله

يا رب وشكرا كتير

**Dr_M_Shaltout** · 02-09-2013 06:59 AM

المشاركة الأصلية كتبت بواسطة ahmed nasser

اهلا بيك ياباشا فى بيتك التانى على راى الاستاذ طارق
بالنسبة للنوبيرا هية احسن عربية فى الفئة السعرية بتاعتها
انما السعر بتاعك هيجبلك حاجة شاذة جداااااا
يعنى هتبقى موديلات 2006 و 2007 وعداد كيلو ميتر قليل وفبريكة برة وجوة
وممكن تلاقى نوبيرا خليجى موديل 1999 و 2000 ودى هتبقى احسن من المصرى فى التقفيل والكامليات
وسعرها هيلب فى الـ 50.000

شكرا جدا على ردك على استفساري وادعيلي ربنا يوقعني ف عربية كويسة بالمواصفات اللي بتقول عليها دي

**mhopa2440** · 02-09-2013 10:59 AM

طبعا مرحب بيك معانا

بجد المنتدى هنا رائع رائع والناس كلها محترمة وبحاول تفيد وتستفيد من بعض

انا معايا نوبيرا 2 هو يمكن كلامي غريب بس بحاول انقل ليك صورة مختلفة شوية

طبعا النوبيرا عربية رائعة وجميلة وواسعة وشيك وثبات عالي وكل حاجة فيها جامدة بجد
عيوبها حاجتين
1- معدل استهلاك بنزين عالي وغبي جوه البلد سواء كانت مانيوال او اوتوماتيك
2- عفشة العربية جميلة قوي بس عايزة عفشجي او ميكانيكي عنده ضمير ويركب الحاجات الأصلي بس (تاني لازم تركب الأصلي ف العفشة خصوصا وبس) عشان تعيش معاك

-- لو حضرتك هتمشي بالعربية جوه البلد كتير بجد راجع تفكيرك ف النوبيرا في حاجات ف نفس الفئة السعرية بس هتوفر معاك اكتر من 40% من استهلاك البنزين وارشح ليك الكيا شوما خصوصا (على فكرة خامات الكيا افضل من الدايو ف العمر الافتراضي وكفاءة العمل)

وربنا يوفقك ان شاء الله