أول موضوع وأول عربية........مشترك جديد اقبلوني معاكم

**Dr_M_Shaltout** · 27-08-2013 06:10 PM

السلام عليكم ورحمة الله

أخوكم محمد مشترك جديد حالا معاكم ف المنتدى الرائع ده وعشان محدش يتريق أنا ميح ف العربيات بمعنى الكلمه لا أعرف يمين ولا شمال كل معرفتي بالعربيه اركب سوق وقف وبس ولسه متعلم من شهر

أولا أرجو انكم تقبلوني عضو معاكم هنا وأخ ليكم

أنا حاليا بعد ما اتعلمت السواقه"الله يكون ف عون اللي علمني" بفكر اشتري عربيه تكون شكلها حلو وكويسه وركبت النوبيرا مع واحد صاحبي وسوقتها عجبتني جدا خصوصا انها واسعه وناعمه وفوق كل ده ريحتني ف السواقه وارتحت ليها نفسيا فقررت اني أشتري نوبيرا 2 زيها

دلوقتي أنا المبلغ الموجود معايا من 50-55 ألف يا ترى دول يجيبوا نوبيرا عامله ايه؟ يعني موديل كام وكام كيلو وموتورها عامل ايه ورشه ايه بالظبط؟

ويا ريت تقولولي أخلي الميكانيكي اللي هاخده معايا يبص على ايه بالضبط هو والسمكري عشان مش عاوز البس ف حاجه مش كويسه وهاخد صاحبي ده يسوقها معايا عشان لو فيها حاجه هو هيحس بيها أكتر مني خصوصا صوت الموتور أو رعشه أو حاجه زي كده

وأنا استخدامي هيكون ليها داخل البلد طول الأسبوع ما عدا يوم أو اتنين بسافر فيهم بره البلد يعني مشوار بتاع 80 كيلو رايح وزيهم راجع

أرجو اني أكون متقلتش عليكو

**mhi00002000** · 27-08-2013 07:14 PM

اهلا بيك مبدايا كدة انا كمان ميح برضو زيك بالضبط وكنت محطوط فى نفس موقفك من يومين عشان كدة فكرتنى بنفسى بص يا باشا

اختيارك للنوبيرا اختيار ممتاز وموفق بس شرط انك تجيبها مانيوال ومفيش جدال فى النقطة دى نهائيا والمبلغ اللى معاك يجيبلك حالة ممتازة اهم حاجة بلاش تنزل السوق انتا الاول هتشحن تليفونك وتدخل على النت تتابع مواقع بيع العربيات بعتلك على الخاص المواقع الكويسة انا اشتريلا لانوس 99 يد اولى وحالة كويسة بس دة بعد مشوفت 9 عربيات ايوة لو عايز عربية كويسة لازم تصبر واتصل وروح شوف العربية وشوف الصالون الاول لوحدك لو لاقيتها مبدايا كويسة وحالتها مش مبهدلة خد صاحبك واكشف فى بنزينة 100 جنية مش مشكلة دور وان شاء الله خير بس متستعجلش .

**Ahmed-SAMIR** · 27-08-2013 07:14 PM

منور المنتدى يا دكتور

**Dr_M_Shaltout** · 27-08-2013 08:08 PM

المشاركة الأصلية كتبت بواسطة mhi00002000

اهلا بيك مبدايا كدة انا كمان ميح برضو زيك بالضبط وكنت محطوط فى نفس موقفك من يومين عشان كدة فكرتنى بنفسى بص يا باشا

اختيارك للنوبيرا اختيار ممتاز وموفق بس شرط انك تجيبها مانيوال ومفيش جدال فى النقطة دى نهائيا والمبلغ اللى معاك يجيبلك حالة ممتازة اهم حاجة بلاش تنزل السوق انتا الاول هتشحن تليفونك وتدخل على النت تتابع مواقع بيع العربيات بعتلك على الخاص المواقع الكويسة انا اشتريلا لانوس 99 يد اولى وحالة كويسة بس دة بعد مشوفت 9 عربيات ايوة لو عايز عربية كويسة لازم تصبر واتصل وروح شوف العربية وشوف الصالون الاول لوحدك لو لاقيتها مبدايا كويسة وحالتها مش مبهدلة خد صاحبك واكشف فى بنزينة 100 جنية مش مشكلة دور وان شاء الله خير بس متستعجلش .

أهلا وسهلا بحضرتك وشكرا على الرد أنا فعلا مع رأي حضرتك أني هجيبها مانيوال باذن الله وشكرا على الرسالة والمواقع جزاك الله خيرا وربنا يباركلك ف اللانوس ويديك خيرها ويبعد عنك شرها بس يا ترى كشف البنزينه ده موثوق فيه ولا أجيب معايا ميكانيكي وسمكري أعرفهم أفضل؟

المشاركة الأصلية كتبت بواسطة ahmed-samir

منور المنتدى يا دكتور

شكرا كتير لحضرتك والمنتدى فعلا منور بحضرتك وأعضاءه وكل اللي فيه عشان الناس فعلا هنا بتحب تساعد

**mero100** · 28-08-2013 01:29 AM

اهلا بيك :-) نورت المنتدي

بص يا دكتور .... اشهر الاعضاء اللي معاهم نوبيرا اللي متذكرهم حاليا : احمد ناصر و blazer حاول قبل الشراء تتواصل مع كذا عضو هنا و تسألهم بإستفاضه عن النوبيرا و افضل موديل فيها سنه كام و كده و متستعجلش في الشراء .

و بالتوفيق ان شاء الله .

**Dr_M_Shaltout** · 28-08-2013 07:58 AM

المشاركة الأصلية كتبت بواسطة mero100

اهلا بيك :-) نورت المنتدي

بص يا دكتور .... اشهر الاعضاء اللي معاهم نوبيرا اللي متذكرهم حاليا : احمد ناصر و blazer حاول قبل الشراء تتواصل مع كذا عضو هنا و تسألهم بإستفاضه عن النوبيرا و افضل موديل فيها سنه كام و كده و متستعجلش في الشراء .

و بالتوفيق ان شاء الله .

[color="rgb(65, 105, 225)"]متشكر لحضرتك جدا وجزاك الله خيرا[/color]

**tarek_2005** · 28-08-2013 10:57 AM

مرحباً بك في بيتك الثاني الي مش هتعرف تسيبه
النوبيرا ممتاذه بس اتقل في موضوع الشراء علشان تاخد عربية مش محتاجه مصاريف وتكون بحالة ممتاذة علشان متكرهش العربية بعد الشراء

**abo_lamar** · 28-08-2013 03:45 PM

اهلا بيك في المنتدى يا دكتور ....
ادخل على موقع كونتاك كار وشوف و قلب براحتك في العربيات وبلاش المعارض ولا سوق السيارات اللي في مدينة نصر .
المنتدى هنا في قسم مخصوص لبيع وشراء العربيات ... ادخل و اتفرض وده اللينك بتاع القسم ....

قســم خاص لبيع السيارات فقـــط - نايل موتورز - NileMotors.net

وبالتوفيق

**Akram** · 29-08-2013 01:24 PM

أهلا بيك , بالنسبة للسعر ففيه مواقع زي (كونكت كار) و (مصراوي) و (كار 100 100)
ممكن تقلب شوية و تعمل اتصالات تعرف الحالة و السعر و ده هيديلك صورة للمبلغ اللي معاك يجب ايه
و روح مع صاحبك و شوف العربية اللي هترسي عليها و لو عجبتكم جيب السمكري يشوفها
بس خللي بالك ممكن لاقي ناس بتحكي اشعار في العربية و تروح تلاقي الحالة مش تمام
و ربنا يوفقك لعربية كويسة ان شاء الله