الموضوع: تجربتى المريره .... (( أنا والنتشة والشاهين )) الجزء الثانى

[img3]http://img707.imageshack.us/img707/5562/3wb4.jpg[/img3]

أنا ملاحظ من اسبوعين انى كل ما أفك خراطيم الهواء بتاعت الشفاط الاتوماتيك
ألاقى بنزين بينقط منها
وينزل على الفرن بتاع الشكمان ويفور
قولت للميكانيكى الأخير الحاج رمضان مكنش مصدقنى
قالى لازم اشوفها بعينى
جيت أوريه نزل بنزين حاجه بسيطه
قالى ممكن يكون من تنظيف الكربراتير
لو اتكررت تانى هنبقى نغير الجلده أو الكاوتشة اللى فى الصورة
الكلام ده كان من اسبوع

روحتله امبارح قولتله على النتشة الخفيفة اللى بتيجى ومش شرط انها تكون فى الزحمة والحر
وفكيت الخرطوم قدامه والبنزين بقى يطش على الفرن
قالى يبقى لازم نغير الجلده ديه
وممكن تكون هى ديه سبب النتشة الخفيفة اللى بتشتكى منها
قولتله ياعنى مش موبينه قالى مش موبينه
قولتلوا اسمها ايه ؟
مردش عليا كإنها سر حربى
قالى هفكهالك وتروح تجيب زيها
المهم فك 4 مسامير فى الجزء الموضوح فى الصورة وطلع سوسته والجلده المذكورة وروحت اشتريت زيها بـ 15 جنيه
وركبناها وفكيت الخراطيم علشان لو فيه اى بنزين متخزن
واخد 10 جنيه مصنعية
ومشيت 100 متر وببص على الخرطوم تانى لاقيت فيه بنزين بردو نقط منها !!!
رجعتله تانى قالى مستحيل البنزين هيجى منين ما احنا غيرنا الجلده
فك الخرطوم وحطه فى فمه وقالى دور
وبعدين قالى مفيش بنزين اهو !!!
قالى ممكن يكون بنزين كان متخزن ولا حاجه
قولتله طيب انا هتابعها واشوف
قالى حتى ولو جابت بنزين مش هعرف اعملك حاجه

النهاردة الصبح بصيت على الخرطوم لاقيته مندى بنزين مش بينقط كالعادة
قولت خلاص ممكن يكون فعلا متخزن ولسه الموضوع تحت الملاحظة وربنا يهدى

بس الظاهر المقابله بتاعت امبارح رجعت العفريت للعربية تانى بعد ما كانت استريحت نفسيا
ماشى بيها النهاردة الصبح فجأة لاقيت الـ RPM على ووصل الى 2000
على السلانسيه ومش راضيى يهدى خالص
رغم ان العربية سخنه
فتحت الكابوت وزقيت سلك الاكسراتير بإيدى العربية تهدى وبعدين تعلى تانى على طول
روحت فاصل الشفاط الاتوماتيك لاقيت العربية هديت والـ RPM رجع الى طبيعته على السلانسية
أوصل الشفاط الاتوماتيك تعلى تانى

رجعنا تانى لشغل العفاريت ووجع القلب
المفروض الشفاط مهمته بتنتهى بمجرد ان العربية تسخن
مش عارف فيه ايه