الله يكون في عونك....
انا قلتلك عربيتك محسوده....
ان شاء الله تكون اخر الاحزان والمصاريف....
تحياتي
Sent from my Xperia Arc S using Forum Runner
رقم العضوية : 82537
تاريخ التسجيل : 02Dec2010
المشاركات : 11,874
النوع : ذكر
الاقامة : Egypt
السيارة: الحمد لله رضااااااااا
السيارة[2]: شاهين 2004
دراجة بخارية: موتوسيكل صينى
الحالة :
تجربتى .... (( أنا والنتشة والشاهين )) الجزء الأول على اللينك التالى
http://www.nilemotors.net/Nile/34981...post3874943562
وديه تجربتى .... (( أنا والنتشة والشاهين )) الجزء الثانى
من يوم ما العربية جابت صبابات فى آخر شهر 12 من العام الماضى
والوش اتفك واشتريت طقم صبابات وكاوتش صبابات واتعمله روديه فى المخرطة
وبعد التركيب فوجئت ان الشكمان بيجيب دخنه سودا وميه سودا والحلية بتاعت الشكمان بتتهبب بسرعة
واستهلاك البنزين بقى زى الزفت
طبعا الميكانيكى راح مباصينى لبتاع الكربراتير فضل يعك فيه ويشيل ويحط فى بكات
وبعدين لقينا قاعدة الكربراتير الكاوتش (فلانشة الكربراتير) مشققه وبايظة بسبب عيب من المخرطة
جابوا عليها نار من البورى وهما بيحاولوا يفكوا كاوتش الصبابات
وبعد شغل الكربراتير العربية بقت تنتش وبقت زى الزفت
غلبت تغيير كل حاجه
شاكوش اسبراتير - وش اسبراتير- سلوك بوجيهات - بوجيهات
شكيت فى البنزين انه يكون فى التانك ميه
فكيت التانك ونظفته بالجاز والميه والصابون
وملح اللمون وفضلت اعمل فيه بالساعات
مفيش فايده ومفيش اى تحسن بل الأوضاع بتزداد سوءاً
روحت لميكانيكى تانى شغال فى عربيات فيات قديمة جدا الملاكى اللى شغاله اجره وطالع عينه معاهم اللى اتكلمت عليه فى الجزء الأول
قولت بس ده زمانه عفريت ومتمرط فى العربيات القديمة وهوه اللى هيحلها
فك الكربراتير ورجلش البوابة وبدل البكات والنتشة اختفت
بعدها بكام يوم للأسف النتشة رجعت تانى والميكانيكى ده طلع كفتة وبيشتغلنى
كان حاطط بك مقاس 130 على البوابه الأولى بدلًا من 112
بيدى العربية بنزين بزيادة علشان النتشة تختفى
بس طبعا استهلك البنزين بقى كبير جدا والبوجيهات بعد يومين بقت سودا زى الفحم
رجعتله تانى بدل البكات الأصلية 112-130
بمقاس 110-125
البوجيهات ابيضت بس النتشة ظهرت تانى على السرعات البطيئة
لما بكون ماشى بهدوء على RPM منخفض
بتفضل العربية تقرفنى وتنتش على طول
لازم اكبس بنزين علشان محسش بيها
الصبح بدرى العربية مش قادرة تتحرك وبتنتش بغباء بالذات وهيه باردة
رجعت تانى للميكانيكى الهمام اللى كنت مفكره معلم قالى يابيه العيب عندك فى الصبابات والتاكيهات
الصبابات ديه بتسيل وتنزل زيت وبنزين على البوجيهات والكربراتير عندك زيرو ومفهوش حاجه
محتاجين نحل الوش تانى ويتعمل روديه فى مخرطة محترمة ويتحطلك كاوتش صباب بيجو
والعربية ديه هترجع احلى من الأول
المهم مقتنعتش قوى بكلامه وقولت فى بالى مش معقولة كل شوية هفك الوش
و تعايشت مع الواقع ورضيت بيه
بس لما أولسيه الكارونة باظ فى اقل من شهر حسيت ان النتشة ممكن تكون السبب
قولت لا بقى لازم أعالج النتشة ديه
كمان الزيت بينقص من يوم ما الوش اتفك والبوجيهات بلاقى على السن بتاعها زيت بسيط
رجعت للميكانيكى تانى وتعالى ياعم جرب العربية قالى نفس الكلام
لازم الوش يتفك ويتعمل روديه بنظافة هتلاقى العربية بقت فلة
قولتله زى بعضه وتوكلت على الله وقولت نبدأ الطريق من أوله تانى وأمرى الى الله
وكانت المصاريف اللى اخدها منى الميكانيى كالأتى
60 جنيه تفريز مخرطة الميكانيكى بيقول اجهزة حديثه جدا على سرعات عالية وليست يدوية زى المخرطة اللى فاتت اللى كان عاملى الروديه فى ربع ساعه !!!
30 جنيه جوان وش السيلندر الدوبل (قالى دوبل علشان الحرارة)
12 جنيه جوان مانفولد
7 جنيه انبوبة سيلكون
7 جنيه أرنديد للحام جوان المانفولد
8 جنيه جوان تاكيهات
وكنا متفقين على مصنعية 70 جنيه
المهم هو حل الوش وكان المنظر لما فك كالآتى
واضح ان فيه مشكلة وزى ما يكون حد بيشوى سمك على البساتم والصبابات
طبعا أول مرة الوش يتحل كان منظر البساتم أحسن من كده بكتير
مع العلم ان نفس ظروف التشغيل لم تختلف وكل اللى مشيته بالعربية بين الفترتين 5000 كم
وديه الصور القديمة كانت كل حاجه مثالية ايامها
المهم تفائلت خير ان المشكلة هتتحل اخيراً
عندى 2 تريموستات راكبين على الماتفولد بتوع الشفاط الاتوماتيك بيشتغلوا الصبح علشان العربية تسخن
نبهت على الميكانيكى انه يفكهم قبل الشغل قالى ملكش دعوة يابيه خلينى اشوف شغلى
ماشى ياعم الاسطى ربنا يوفقك
قالى هاخد الوش واروح المخرطة وكان فيه جزء فى مجرى المياه عاوز يتزود قالى هزوده فى المخرطة
قولتله لما ترجع من المخرطة اتصل بيا علشان عاوز اشوف الشغل قبل ما يتقفل
بعد 3 ساعات لاقيته اتصل بيا والوش شكله ونظيف والحتة اللى كانت عاوزه تتزود زودها
وحط زيت خروع على البساتم قالى ديه تحافظ على الشنبر
تمام ياسيدى ركب ويارب تكون المشكلة انتهت
فوجئت أول حاجه ان التريموستات اللى على المانفولد اللى انا نبهته عليه واتحايلت عليه علشان يفكه ... لاقيته اتكسر !!!
قولتله شايف ياسطى كعادة الصنايعية قالى مش انا اللى كسرته ده جاى كده التانى سليم اهو
قولتله ازاى ياعنى مش انا قايلك عليهم الصبح قالى ولا تزعل وجاب ازازة امير واعقاب سجاير من على الأرض وقعد يلزقهم !!!
قولتله متتعبش نفسك هبقى اشترى انا تريموستات تانى وميهمكش
خليك فى المهم التقيل اللى جاى
قولتله مش الوش كده بقى تمام زى الزيرو رجع بقى بكات الكربراتير الاصلية
112-130
بدلا من 110-125
قالى لا خليها 112-125 علشان تحس بقى بإستهلاك البنزين الخيالى
قولتله ماشى يامعلم
لاحظت زيت كتير قوى على الماتور قالى متقلقش ده انا حاطه على الجوان وبيطلع لما بربط عليها
بعد تقفيل الشغل طلعت اجرب العربية السحب كويس جدا كالعادة
بس العربية بتسقف بغباء ... قولتله انا مش متعود من عربيتى على التسقيفه ديه
قالى العربية محتاجه كهربا وتأخيرها غلط وهتحرق بنزين على الفاضى
قولتله لا مش هستحمل التسقيفه ديه جه يضبط الاسبراتير
المصيبة الكبرى ان النتشة لسه موجوده
ساعتها بقى جالى هبوط وقلبى وقع فى رجلى
والاسطى العبقرى ده بقى اتهبل
قالى انت عاوز كل حاجه وعكسها
عايزها توفر بنزين ومش عايزها تسقف وعايزها تسحب
مينفعش كده
وفضل يهبل بقى وانت بتتعبنى
انا كنت عاوز احط بك 130 وانت اللى رفضت
وكلام عجيب غريب حسبنا الله ونعم الوكيل فيه وفى امثاله
فك الكربراتير بعصبيه وشال بك البوابة الأولى 112 وحط 130
ودور ياسيدى سواد الحلل طالع من الشكمان بقوله ياسطى ايه السواد ده
بيقولى ده متخزن فى الشكمان لما المصافى تنظف مش هتشوفها تانى
قولتله ياعم انت بتشتغلنى العربية مش مضبوطه وانت كنت قايلى هتسلمهالى على الشعره
فضل يلف ويدور ويهبل
المهم كنت خلاص اتخنقت وحاسبته على الحاجات اللى جابها زى ما قال
واديته مصنعيه 55 جنيه بدلا من 70 جنيه اللى كنا متفقين عليها
الغريب ان البنى آدم ده مكنش عاجبه وعايز حقه كامل كمان وقالى لو حبيت تضبط الكربراتير ابقى ادينى زى بتاع الكربراتير متجيش تقولى ديه كماله شغل !!!
قولتله بص بينى وبينك ربنا وسيبته ومشيت
وماشى بالعربية حزين على اللى جرالها والغلب اللى غلبته فيها والمصاريف اللى على الفاضى
وعلى الصنايعية اللى معندهومش ريحة الضمير وكل همه ياخد فلوس وبس
العربية تانى يوم مبرجله والـ RPM بيخرف وحاجه زى الزفت
المهم غسلت الماتور بالجاز والبنزين علشان اشيل الزيت الكتير اللى عليها
وغيرت الزيت بنفسى حطيت زيت شل الاصفر وعبوة سيراتيك ليكوى مولى
وطلعت مشوار صغير بالعربية ووبفتح الكابوت لاقيت المكنة غرقانة زيت تانى وعلى الارض فيه كمية زيت ... اعصابى انهارت ومبقيتش قادر اقف على رجلى وتخيلت ان الماتور راح فى داهيه
رجعت للى ما يتسمى لاقيت الجوان الجديد بتاع التاكيهات مش راكب مضبوط وهوه اللى بيسرب زيت حاول يزقه بالمفك باظ اكتر وبقى يطرطش زيت فى كل الاتجاهات والعربية دايرة ... ونادى على الواد قاله هات انبوبه السيلكون قولتله سيلكون ايه ياسطى ده جوان فل على كاوتش لو حطيت عليه سيلكون هيفرقع !!!
انا هروح اشترى واحد وهشترى ساعه بدل اللى اتكسرت لإن امير اللى انت لزقت بيه فك
المهم اشتريت الحاجه ورجعتله وركبهوملى وفوجئت انه عاوز فلوس كمان
مبقتش عارف اقوله ايه !!!
طبعا معبرتهوش وقولتله ده انت اللى المفروض تدينى فلوس بدل الساعة اللى كسرتها ديه
والجوان اللى مش راكب صح
فضل يهلفط ويقول مش ذنبى وانا هفضل شغال ببلاش ولا ايه
المهم قفلت معاه وقولت والمصحف ما انا رايحله تانى حتى ولو هرمى العربية فى الزبالة
طبعاً اخويا وحبيبى محمد القاضى كان معايا لحظة بلحظة فى كل خطوة على الفيس بوك وعلى التليفون وقابلنى كذا مرة وقعد معايا بالساعات وبهدل نفسه ووسخ هدومة وضيع وقته علشانى
وعمل معايا اللى ميعملهوش الاخ مع اخوه
جزاه الله خيراً ومهما اتكلمت مش هوفيه حقه
شوية العربية تتضبط وتبقى تمام وشويه تعك وتنتش
وبقت بتتخنق لما اكبس بنزين وبعدين تجرى
حسبت الاستهلاك لاقيته زى الزفت الصفيحة 20 لتر عملت 110 كم فقط
البوجيهات سودا ومهببه بهباب
فى الآخر محمد باشا شار عليا اروح للحاج رمضان ميكانيكى قديم وخبره فى طنطا
متمكن فى الكربراتير والميكانيكا
قولت يكون احسن بردو علشان مفضلش رايح جاى بين ميكانيكى وبتاع كربراتير وكل واحد يرمى العيب على التانى
روحتله النهاردة الظهر فك الكربراتير لقى فيه حاجات فيه راكبه مقلوبه وحاجات راكبه غلط
بالذات الدويان ديه
المهم فكه وغسله بالبنزين وضغط الهواء وركب كل حاجه مضبوط
ورجعنا البكات الاصلية 112-130
وضبط الكهرباء من الاسبراتير
ودور العربية بسم الله ماشاء الله بقت تمام
لأول مرة من 8 شهور مفيش دخان اسود من الشكمان
الحاج رمضان ركب معايا وطلعنا نجرب العربية على طريق المحلة كل حاجه تمام
والخنقة راحت والعزم شديد والقوة حديد
مفيش تسقيف نهائى
حاولت اجيب النتشة اللى بتيجى لما بثبت رجلى على البنزين مكنتش ليها أثر فى الأول وبعدين لاقيت فيه نتشة خفيفه قوى لاتذكر
قولت الحمد لله انها ظهرت علشان يشوفها
رجعنا تانى الورشة
فك وش الاسبراتير وقعد يفحصه بإهتمام وبهدوء وحط ايده على الموبينه
وقالى الموبينه عندك ضعيفه شوية عاوزك تلاحظ النتشة الخفيفة ديه لو ظهرت تانى
بتظهر والعربية سخنه ولا لا ؟
لو ظهرت تانى ابقى هات موبينة ونبقى نبص على ملف الاسبراتير
واخد مصنعية 60 جنيه
بعد ما مشيت بالعربية ودخلت فى الزحمة لاقيت النتشة ظهرت تانى طلعت على السريع علشان ارجعله لاقيتها اختفت !!!
روحت راجع للخلف دور ومروح
أنا لسه مش مطمئن للعربية وحاططها تحت التجربة والملاحظة
استهلاك البنزين والنتشة
هركز تانى وألاحظ تانى ويارب نكون وصلنا للعيب وتكون الموبينه هى النهاية
على العموم انا متفائل بالراجل ده وحاسس ان حط ايده على المشكلة لما قالى الموبينة
وربنا ييسر الحال
ادعولى انا استويت ... اللى حصلى على مدار 8 شهور الماضيين مش طبيعى خالص طبعا المواضيع بتاعتى التانية فى المنتدى فيها تفاصيل تانية غريبة الشكل
الحمد لله على كل شيئ
قدر الله وماشاء فعل
يااااااااااااااااارب
رقم العضوية : 68443
تاريخ التسجيل : 20Apr2010
المشاركات : 7,562
النوع : ذكر
الاقامة : الأردن
السيارة: chery QQ3
السيارة[2]: suzuki maruti
دراجة بخارية: suzuki 2002
الحالة :
الله يكون في عونك....
انا قلتلك عربيتك محسوده....
ان شاء الله تكون اخر الاحزان والمصاريف....
تحياتي
Sent from my Xperia Arc S using Forum Runner
don't judge a car unless you have driven it
hm414 سابقا
رقم العضوية : 82537
تاريخ التسجيل : 02Dec2010
المشاركات : 11,874
النوع : ذكر
الاقامة : Egypt
السيارة: الحمد لله رضااااااااا
السيارة[2]: شاهين 2004
دراجة بخارية: موتوسيكل صينى
الحالة :
رقم العضوية : 68443
تاريخ التسجيل : 20Apr2010
المشاركات : 7,562
النوع : ذكر
الاقامة : الأردن
السيارة: chery QQ3
السيارة[2]: suzuki maruti
دراجة بخارية: suzuki 2002
الحالة :
من الناحيه دي للاسف الناس بيحسدوا القرد!!!!
عربيعي صيني في بلد محدش بيركبها اول جبتها واقل من ايام ولسا معملتش الف كيلو واد بيخمس ب بي ام العربيه فلتت منه دخلت في عربيتي وطلعها الرصيف وكان تاني يوم العيد:-D
الحمد لله على كل حال
Sent from my Xperia Arc S using Forum Runner
don't judge a car unless you have driven it
hm414 سابقا
رقم العضوية : 77672
تاريخ التسجيل : 14Aug2010
المشاركات : 179
النوع : ذكر
الاقامة : الزقازيق
السيارة: VERNA
السيارة[2]: شاهين
دراجة بخارية: مفيش
الحالة :
لا اله الا الله ربنا يعينك بس متزعلش مني انت بتروح لصنايعية بهايم متزعلش مني كربرتير ايه الي راكب فيه حاجات مقلوبة
وبعدين غير الموبينة وشوف المشط ليهم تأثير
[warning][marq="3;right;3;scroll"]YOU WILL NEVER PROVOKE ME BUT I WILL MAKE U CRAZY ABOUT ME[/marq][/warning]
[img2]http://www.nilemotors.net/Nile/members/77672-albums322-picture1707.jpg[/img2]
رقم العضوية : 82537
تاريخ التسجيل : 02Dec2010
المشاركات : 11,874
النوع : ذكر
الاقامة : Egypt
السيارة: الحمد لله رضااااااااا
السيارة[2]: شاهين 2004
دراجة بخارية: موتوسيكل صينى
الحالة :
أنا أول ما اشتريت العربية
الاستبن انفجر لوحدة وهوه فى الشنطة !!!
سوسته المساعد الامامى شمال اتكسرت لوحده !!!
وبعد كده الغرائب والعجائب اللى حصلتلى يوم ما كنت بغسل العربية وروقها قدام البيت وجابت صبابات بدون ما ارمى ولا اجرب كتير
وبعد كده الكاوتش ينضرب المطواه فى اسكندرية
بقيت اخاف اغسلها وسبتها شهور معفنة ولما بدأت اصفى للعربية وقولت اغسلها وألمعها
ومع أول مشوار بع الغسيل بدقائق لاقيت عربية قديمة لبست فيها من ورا كسرتلى جزء من الإكصدام
ربنا يرحمنا برحمته
ويبعد عنا شر العين والحسد
رقم العضوية : 82537
تاريخ التسجيل : 02Dec2010
المشاركات : 11,874
النوع : ذكر
الاقامة : Egypt
السيارة: الحمد لله رضااااااااا
السيارة[2]: شاهين 2004
دراجة بخارية: موتوسيكل صينى
الحالة :
معاك حق
الواحد مبيتعلمش ببلاش ولا بالساهل
بس بتاع الكربراتير اللى روحتله فى الأول ده والنتشة ظهرت بعد شغله
مشهور جدا وعامل فيها دكتور ولهف 100 جنيه فى تنظيفه والعك اللى عمله
طبعا الباشا سايب الشغل للصبيان بتوعه ومش فاضى للتفاهات ديه
الباشا الكبير مركز على مخرطة الاكس والباب
ويجى فى الآخر يضبط الهواء والسلانسيه ويلهف الفلوس
والصبيان بيعكوا
والميكانيكى اللى عملى الوش واحد صاحبى رشحهولى وشكرلى فيه جدا
وسألت واحد اعرفه مع شاهين زى بتاعتى قالى عليه انه صنايعى
ولكن التجربة والمعاملة اثبتت خلاف ذلك تماماً
المخرطة اللى عملت فيها الوش أول مرة طلعت كفتة خالص
عملى الروديه فى ربع ساعة واقلب وبطريقة بدائية
والمهم تدفع
والدخان قبل فلوس المخرطة كمان الله يخرب بيوتهم
حسبنا الله ونعم الوكيل
رقم العضوية : 31410
تاريخ التسجيل : 28Jan2009
المشاركات : 158
النوع : ذكر
الاقامة : Egy
السيارة: ربنا يسهل
السيارة[2]: Fiat 132 2000 GLS
دراجة بخارية: مبحبهاش :)
الحالة :
الحمد لله انها جت على اد كده..وغير الموبينه ..لانك بتقول انها لما دخلت فى الزحمه ..ابتدت تنتش..والعربيه اكتر مكان بتسخن فيه الزحمه..يبقى اكيد فى حاجه لما بتسخن ادائها بيقل ..كربيراتير ..ما تمدش ايدك عليه تانى..بعد شغل الراجل المحترم ده..وراجع على المشط والموبينه..
وربنا يرزقك خيرها ويكفيك شرها..وشر عيون الناس
رقم العضوية : 120613
تاريخ التسجيل : 17Feb2012
المشاركات : 336
النوع : ذكر
الاقامة : cairo
السيارة: لا يوجد
السيارة[2]: شاهين
دراجة بخارية: not yet
الحالة :
ربنا يعينك .. و ان شاء الله تخلص من الموضوع ده علي خير .. و العربية ترجع احسن من الاول باذن الله
رقم العضوية : 62754
تاريخ التسجيل : 19Feb2010
المشاركات : 651
النوع : ذكر
الاقامة : القاهره
السيارة: ساجا
السيارة[2]: جين 2
دراجة بخارية: لا
الحالة :
اخي العزيز
انا كان معايا عربيه بولونيز وكانت زي الفل ومريحاني علي الاخر وفجاه ظهرت حكايه النتشه دي
وبدا حوار غير بوجيهات واظبط كربراتير وغير ساك البوجيهات وغيره
المهم طلع العيب فعلا من البوبينه اول ماغيرتها اختفت المشاكل
علما بان البوبينه ماكانتش بتسخن ولاباين خالص انها بتنتش
غيرها والنتشه هاتختفي باذن الله
المفضلات