الموضوع: تجربتى المريره .... (( أنا والنتشة والشاهين )) الجزء الثانى

المشاركة الأصلية كتبت بواسطة Elawany13

آخر التطورات

1 - النتشة الخفيفه لسه أحياناً بتظهر لم بهدى وبعدين ادوس بنزين

2- لو مش محرق على الغيارات فى تسقيفه خفيفة قوى بتظهر على كل الغيارات ... لو مش عايزها تظهر لازم احرق قوى على الغيار واعدى فى الـ rpm رقم 4000 أو أكثر

3- حلية الشكمان بيظهر عليها هباب اسود بعد كذا مشوار بس رغم انى مش ملاحظ اى دخنه سودا مع القرص من يوم ضبط الكربراتير الأخير

4- بالنسبة لإستهلاك البنزين داخل المدينة فى مشاوير قصيرة يوميه متكرره معظمها فى اوقات غير الذروة حسبتها مرات عديده الصفيحة الـ 20 لتر بتعمل معايا من 140 كم الى 150 كم فى احسن الاحوال

5- نزلت الاسكندرية يومين ولسه راجع امبارح الطريق الزراعى كان زحمه نوعا ما بس ماشى الحال وكان مقرف عند دمنهور وواقف خالص .. عملت رايح جاى 294 كم واستهلكت 28.6 لتر ... كده الصيفيحة الـ 20 لتر عملت معايا 205.6 كم بالضبط ... بسم الله ماشاء الله ... اللهم صلى على النبى أول مرة اشوف الرقم ده فى عربيتى على طريق السفر .

خض عارف اقولك ايه....
شعور ان في حاجه مش على ما يرام ده بيقرفنا كلنا والله من اي عربيه....
اعتقادي الضخصي ان في حاجه غلط عندك في طقم الكهربا بالكامل ابتداءا بالموبينا مرورا بالسلك الواصل بينها والاسبيراتير والاسبراتير نفسه وسلوك البواجي انتهاءا بالبوجيهات نفسها.....
لسبب او لآخر في حاجه في المنظومه دي مش مظبوطه...
وجود هباب معناه بنزين زياده مش بيتحرق...
وطالما الاستهلاك في الطوالي مظبوط يبقى الكربيراتير باذن الله سليم انما الدور والباقي على طقم الكهربا...
وممكن ياكد الموضوع وجود بوجيه او اكتر مهبب.....

واحتمال ضعيييييييف ان فلتر الهوا هو السبب وممكن تشيله خالص وتمشي بالعمه فاضيه مشوار وتشوف ايه الاخبار مش هتخسر حاجه....
تحياتي

Sent from my Xperia Arc S using Forum Runner