اقتباس المشاركة الأصلية كتبت بواسطة magedtohami مشاهدة المشاركة
لا اله الا الله ربنا يعينك بس متزعلش مني انت بتروح لصنايعية بهايم متزعلش مني كربرتير ايه الي راكب فيه حاجات مقلوبة
وبعدين غير الموبينة وشوف المشط ليهم تأثير
معاك حق
الواحد مبيتعلمش ببلاش ولا بالساهل
بس بتاع الكربراتير اللى روحتله فى الأول ده والنتشة ظهرت بعد شغله
مشهور جدا وعامل فيها دكتور ولهف 100 جنيه فى تنظيفه والعك اللى عمله
طبعا الباشا سايب الشغل للصبيان بتوعه ومش فاضى للتفاهات ديه
الباشا الكبير مركز على مخرطة الاكس والباب
ويجى فى الآخر يضبط الهواء والسلانسيه ويلهف الفلوس
والصبيان بيعكوا

والميكانيكى اللى عملى الوش واحد صاحبى رشحهولى وشكرلى فيه جدا
وسألت واحد اعرفه مع شاهين زى بتاعتى قالى عليه انه صنايعى
ولكن التجربة والمعاملة اثبتت خلاف ذلك تماماً

المخرطة اللى عملت فيها الوش أول مرة طلعت كفتة خالص
عملى الروديه فى ربع ساعة واقلب وبطريقة بدائية
والمهم تدفع
والدخان قبل فلوس المخرطة كمان الله يخرب بيوتهم

حسبنا الله ونعم الوكيل