كيفية ضبط فيشة الأوكتين بالصور

**msobhy** · 07-09-2008 11:15 AM

انا اسف يا جماعة بس انا عايز شوية تفاصيل فى الموضوع ده
اولا ايه هيه الوان الاسلاك اللى المفروض انى اشتغل عليها
ثانيا ايه هوه جهاز الاسكانر والمفروض يكون فى مراكز الصيانة ولا فين بالضبط
ثالثا هل ده بيأثر على استهلاك البنزين ولا لأ
رابعا انا الميكانيكى اللى كنت بتعامل معاه فك الفيشه ديه وفعلا مفيش اى فرق غير انى حسيت ان استهلاك البنزين زاد
خامسا انا جربت استخدم البنزين ال80 وتقريبا اداء العربية قل بنسبة 20-30% خصوصا فى حالة تشغيل التكييف
لانوس 2000

**mokelanos** · 08-09-2008 02:31 AM

هو فيه فيشه أكوتين فى النوبيرا؟

**Shiref_mohamed** · 08-09-2008 11:00 AM

المشاركة الأصلية كتبت بواسطة battikh

طبعاً موضوع فيشة الأوكتين استحوذ على اهتمام كثير من الأخوة نظراً لأنه متحكم في رقم الأوكتين الذي تستخدمه في سيارتك.
وسيارات دايو يوجد بها ثلاث اختيارات يمكن التحكم بهم عن طريق فيشة الأوكتين، التي توجد بجانب الكنترول تحت الكرسي اللي جنب السواق.
لو تم خلع الفيشة نهائياً فده معناه إن السيارة مضبوطة على رقم أوكتين 91.
لو تم تركيب الفيشة كما هي فده معناه إن رقم الأوكتين مضبوظ على 95.
أما إن تم توصيل الأطراف الثلاثة للفيشة فده معناه إن الأوكتين مضبوط على رقم 83، وده بيشتغل مع بنزين 80 زي الفل.
بالنسبة لفيشة الأوكيتن دي هي مطابقة بالضبط لفيشة الإيريال اللي ممكن تتجاب من أي واحد بتاع قطع غيار استيراد.
لأن بتاعة الإيريال بتلاتة أطراف فمش حتحتاج إنك تعمل كوبري، كل اللي حتعمله إن توصل الأطراف الثلاثة مع بعض كما في الصور .
أرجو المعذرة من الأخوة معرفتش أضمن الصور داخل الموضوع فوضعتهم في المرفقات

انا متعجب جدا
انا عملت في عربيتى نفس الموضوع ده بس انا كان عندى الموتور بيسقف اصلا على بنزين 92 ولما عملت الفكرة ديه وظبطه على 83 التسقيف راح والموتور اتظبط وبقى تمام وكنت لسه النهارده بعمل في موضوع بالصور برضه عن ظبط فيشة الأوكتين على 83 بس انتا سبقتنى بقى
بس على فكرة الفيشة ديه مش موجوده غير في اللانوس الفول اوبشن فقط