سوال عن سوش السلندر

**enternext** · 06-09-2008 01:59 AM

اخوانى فى المنتدى تحية طيبة وكل سنة وانت طيبين
كنت عايز اسال سؤال ويريت حد يجوابنى علشان ممسكش فى المكانيكى بتاعى
امبارح غيرت جوان وش السلندر فى العربية بتاعتى لادا سمارا بعد ما الجوان الاصلى ضرب ومش عارف من ايه
المهم بعد ما غيرت الجوان العربية ما بتسحبس خالص وما بتجريش يعنى اخرها 60 كيلو بالعفيه
وكمان بتسحب بنزين جامد
ده يا ترى عادى بعد تغير الجوان ولا لا مع انى قولت للمكانيكى هحتاج الين بعد تركيب الجوان قالى لا وكنت عايز ينظف الماتور لانه وهو بيركب الجوان كان وقفين فى الشارع وكان فى ترب كتير وقلى لا ده عادى امشى على الزيت اربع خمس ايام وغيره وكله هيبقى فى التمام الكلام ده صح ولا غلط ؟ يريت حد يقدر يفدنى فى الموضوع ده

**ofaashash** · 07-09-2008 10:21 AM

اول حاجة لو العربية خلطت زيت+ماء كنت غير زيت على طول
تانى حاجة غير طقم الكهرباء والاهم البوجيهات
ثالث حاجة نظف الكربراتير
ثم اضبط الكهرباء
وان شاء الله كله يبقى تمام
كل عام وانتم بخير
م. اشرف

**moooha** · 08-09-2008 03:35 AM

أولاً : حاول تعرف الكاتينة مظبوتة والا... لأ دا أمر مهم جداً جداً
ثانياً : هل السيارة كانت تحتاج إلى طقم شنبر لأن ممكن جداً من السخونة شنابر البساتم تتأكل وتهرب كبس السيارة ...
ثالثاً : هل وش السلندر مربوط كويس والا بيهرب كبس ؟؟ ...
رابعاً : التوصيلات متركبة فى مكانها ؟؟...
كله للخير إن شاء الله ...

**enternext** · 08-09-2008 09:57 PM

المشاركة الأصلية كتبت بواسطة ofaashash

اول حاجة لو العربية خلطت زيت+ماء كنت غير زيت على طول
تانى حاجة غير طقم الكهرباء والاهم البوجيهات
ثالث حاجة نظف الكربراتير
ثم اضبط الكهرباء
وان شاء الله كله يبقى تمام
كل عام وانتم بخير
م. اشرف

اولا الف شكر على المشاركة
انا فعلا غيرت الزيت بعد ما عملت وش السلندر
و لسه ما نظفتش الكربرتير والمكانيكى قلى مش محتاج تغير بوجيهات ...مش عارف الكلام ده صح ولا غلط لو تعريف يريت تفيدنى

**enternext** · 08-09-2008 10:01 PM

المشاركة الأصلية كتبت بواسطة moooha

أولاً : حاول تعرف الكاتينة مظبوتة والا... لأ دا أمر مهم جداً جداً
ثانياً : هل السيارة كانت تحتاج إلى طقم شنبر لأن ممكن جداً من السخونة شنابر البساتم تتأكل وتهرب كبس السيارة ...
ثالثاً : هل وش السلندر مربوط كويس والا بيهرب كبس ؟؟ ...
رابعاً : التوصيلات متركبة فى مكانها ؟؟...
كله للخير إن شاء الله ...

الف شكر على مرورك ياباشا

وكنت عايز اعرف اذاى اعرف اذا كانت محتاجه طقم شنبر ولا لا
واعتقد ان وش السلندر مربوط كويس ...ولو فى طريقة اعرف بيها اذا كان الوش مربوط كويس ولا لا
ويعنى اية وش السلندر بيهرب كبس .... واذاى اعرف اذا كانت الكاتينة مربوطه كويس ولا لا
لو تعرف يريت تفيدنى لانى لسه جديد فى موضوع العربيات ده
وشكرا لكل واحد بيحاول يساعد

**moooha** · 11-09-2008 02:42 AM

مساء الفل يا باشا :
ــ بخصوص انك عايز تعرف الكبس بتاع الموتور بعد العمرة موضوع سهل جداً ..
حضرتك تروح بالعربية لمركز أسمه " بوش " BOSCH على فكرة لازم يكون نتيجة الكبس اكتر من 75 % .. عنوانه .. خلف عمر افندى اللى فى روكسى .. بعد النافورة ..
ــ أما بالنسبة انك تعرف محتاجة طقم شنبر والا لأ .. حاول تكبس للسيارة بنزين بطريقة متقطعة " تدوس .. وتسيب " وتشوف العادم اللى بيطلع لونه ابيض والا ايه ؟؟
ــ أحياناً طلمبة البنزين لما بتبقى ضعيفة وفلتر البنزين بيقى مسدود يعمل نفس المشكلة ويخلى سحب العربية ضعيف .. ولو تحب ممكن اشوفهالك .. نتفق وتجبهالى المركز .. وما تخافش مش ها غرمك كتير .. وإن شاء الله هتتحل ..

**enternext** · 14-09-2008 02:12 AM

المشاركة الأصلية كتبت بواسطة moooha

مساء الفل يا باشا :
ــ بخصوص انك عايز تعرف الكبس بتاع الموتور بعد العمرة موضوع سهل جداً ..
حضرتك تروح بالعربية لمركز أسمه " بوش " BOSCH على فكرة لازم يكون نتيجة الكبس اكتر من 75 % .. عنوانه .. خلف عمر افندى اللى فى روكسى .. بعد النافورة ..
ــ أما بالنسبة انك تعرف محتاجة طقم شنبر والا لأ .. حاول تكبس للسيارة بنزين بطريقة متقطعة " تدوس .. وتسيب " وتشوف العادم اللى بيطلع لونه ابيض والا ايه ؟؟
ــ أحياناً طلمبة البنزين لما بتبقى ضعيفة وفلتر البنزين بيقى مسدود يعمل نفس المشكلة ويخلى سحب العربية ضعيف .. ولو تحب ممكن اشوفهالك .. نتفق وتجبهالى المركز .. وما تخافش مش ها غرمك كتير .. وإن شاء الله هتتحل ..

ماشى يا باشا الف شكر هشوف كده و يريت تقولى المركز بتع حضرتك فين