نفس الاستنتاج اللي كنت هاقوله .. لأن ببساطة مش طبيعي كل حاجة ناحية الشمال تبقى بايظة مساعد وطنابير وتيل مهري وخلافه
اولا طبعا ربنا يصبرك ومشاكلك تتحل
ثانيا انت كده هتخليني كل ماشوف حد معاه امبريزا 2008 هاوقفه واساله
ثالثا كلام الناس منطقي جدا ان فيه مشكلة في الناحية الشمال في العفشة الامامية وده حاجة مش تقلق لاني هاكرر و اقول ان العفشه الامامية كاملة لم يعتريها اي تغيي يعني با>ن الله المشكلة هتتحل
رابعا انا شايف ان العربية ممكن فعلا تكون فيها عيب صناعة ودي مش مشكلة اظن ان المشكلة في تغيير الحاجات وصيانتها ودي طبعا مشكلة التوكيل
خامسا نداء الي الناس اللي شمتانة في الامبريزا نحاول نقف جنب الراجل بخبرتنا و تعاطفنا
وده مش موضوع نهاجم في سوبارو
الراجل مش عامل الموضوع عشان واحد يدخل يقول ان سوبارو اصلا سيئة السمعة اظن الكلام هنا مش في محله اطلاقا
لو حد يقدر يساعد باي حاجة يا ريت يقدمها ليه
انا عن نفسي رايح التوكيل قريب واهوه نضغط على المهندسين والتوكيل باي طريقة نحاول نساعد با طريقة
وهفكركم ان شاء الله لما المشكلة دي تتحل و تزول الرجل هيرجع يحب العربية تاني ويكون مبسوط بيها
بس يا ريت اخي العزيز تخلص كل المشاكل اللي واجهتك بسرعة ليستفيد كل الناس ونحاول جميعا نساعد على قد ما نقدر
يا عم كفايه أنا أبتديت أعيط :sad:
كل ده حصل معاك :surprise:, بجد الله يصبرك و يكون في عونك
أنا لو مكانك, كان زماني اتشللييت :ack2:
اكييييييييييييييييييييييد طبعاً كلام غير منطقي ان سمعه السوبارو سيئه لانها من احسن و افضل الماركات الياباني و تنافس ماركات اخري منافسات شرسة جداً جداً
بجد بجد ربنا يكون في عونك .. انا لو في مكانك و جبت عربية جديدة و لقيت فيها العيوب دي دونا عن العربيات اللي زيها .. كنت شفتلها بيعة وقتي .. و دة طبع فيا مش عارف صح ولا غلط
ربنا يكون في عونك:crazy4:
يا رب يكون كده أخر الأحزان و المشاكل تتظبط
ما فيش عربية في الدنيا بتنزل من غير عيوب صناعة و طبعا شبهة أن العربية مخبوطة موجودة برضه زاي ما الأخوة الأفاضل قالوا
سواء عيوب صناعة أو خبطة.... التوكيل ملزم إنه يصلح المشكلة و لحد دلوقتي أداء التوكيل معاك غير مرضي على الأطلاق ....
حكاية الانذار و الساوند سستم رغم انها غير مريحة انما مفهومة و فعلا أي تحميل غلط على كهربة العربية ممكن يعمل مشاكل
موضوع جهاز الانذار و الساوند سيستم ده انا بصراحه مش شايف فيه حاجه غلط,
و كون انه يقوللك الضفيره هتطلع من الضمان فده حقه لانك هتركب حاجه زياده على الي راكب على العربيه, زي الي بيقول انا عايز اجنط عشان ازود ثبات العربيه فبيقولوله هتطلع العفشه من الضمان و ده حقهم هما ميضموش الي هيركب ايه حمله عليها,
انا عن نفسي ركبت وحدات رفع بره التوكيل,
و صدقني هما لو يقدروا مكانوش اتأخروا و الدليل على كده ان هناك بيركبوا زينون و باركينج سنسور و مقالوش انه فيه غلط بس عشان العربيه مصممه انها تستحمله,
و معنى انه ميركبهوش مش ان العربيه متستحملهوش, لا هو قصده انه مش هيتحمل اخطاءه و ده من حقه,
و العربيه اصلا كل صناعتها واحده يعني مبيخصصش سياره لكل منطقه زي شركات تانيه كتير ,
فده اكيد ليه اختلاف من بلد لبلد حسب طبيعة المكان و الطرق,
السياره فعلا مكتوب على القائم بتاعها درجة ضبط الاطارات بس فعلا هنا في مصر يستحسن نقللها شويه لان طبيعة الطرق الي بنمشي عليها هنا غير بره بكتير جدا فلازم تكون مريحه شويه عشان تبقى ناعمه على العفشه و على الركاب بفعل المطبات والمقبات الكتير عندنا هنا في مصر,
و الحكايه دي ممكن تلاحظها في بعض من السيارات المواصفات الخليجي و المواصفات المصري هتلاقي درجه ضبط الاطارات في المصري اقل مع ان الاثنين نفس السياره و مقاس الكاوتش
و بعدين ربنا يصبرك على ما بلاك و انا شايف ان كل المشكله مع ابوغالي نفسه,
ممكن تكون قلة خبره بما ان السياره لسه جديده,
او قلة ضمير عشان ميكلفوش نفسهم
على العموم لو ملقتش حقك ,عليك و على جمعية حماية المستهلك و على شركة سوبارو الام
و يا جماعه يا ريت الي بيقول ان شركة سوبارو سيئة السمعه و بيقول انها ( عربيه اي كلام ) يدخل على اي موقع بحث و يكتب (subaru ) و يشوف نتائج البحث سواء من مواقع اوروبيه او امريكيه او يابانيه و يقرأ شويه عنها و يبدأ يتكلم عنها
و مش مشكلتنا اننا هنا في مكان التاجر لا يحترم العميل و انا شايف ان مركز الخدمه فعلا الاهتمام فيه قل شويه من بعد الاقبال الكبير الي حصل على السياره (بمعنى اصح شبعوا)
ربنا يستر و ميبقاش كمان كام سنه عامل زي غبور!!!
بجد ربنا معاك
مش معقول كل ده يحصلك و انت جايب عربية زيرو تحفة ما شاء الله ، اكيد العربية دى فيها حاجة ، و انا مع الناس اللى شاكين انها كانت مخبوطة فى الناحية الشمال، لان كل اللى طلع فيها ده مش منطقى
هوه ليسه في حلقه قادمه ياباشا ولا ايه
الموضوع كبير كبير كبير اوي علي فكره