تغيير شنابر ديل لجيربوكس الميجان ii...أفهم و أعرف حقك و أثبت مكانك!!!

**أبطال 4** · 08-09-2013 04:34 AM

المشاركة الأصلية كتبت بواسطة LeitoSR

أيه موضوع السليكون دا,
أنا سمعت قبل كدا من حد هنا في قسم رينو إن السليكون بيطول عمر القاعدة فوق عمرها الأفتراضي وبخليها أنعم بس معرفتش ليه وأزاي,,
أنت محمد عادل صح ؟؟
قفشتك,,

أطلع من العلبة يا خلبوووووص

محمد العادل يا أفندم

الإدارة بتعاندنى ... وأنا أدارة برضه وموقوف على موقوف ميرولش ....إحنا الأبطال .... ثوار أحرار هنكمل المشوار

**احمد عبد القاد** · 08-09-2013 01:16 PM

السلام عليكم

هو موضوع تغير شنابر ديل الفتيس و السلونيد يحتاج فك أو فتح الفتيس ولا موضوع بسيط ، لانى اسمع ان الفتيس لما يتحل ميرجعش تانى ذى الاول ، مع العلم أنى لسة مغير زيت الفتيس من أسبوع لان عندى نفس النتشة من الاول للثانى بعد ارتفاع الحرارة بحوالى ساعة وبعد تغير الزيت النتشة قلت كثير بس لسة موجودة

**Hany Saad** · 08-09-2013 01:58 PM

المشاركة الأصلية كتبت بواسطة احمد عبد القاد

السلام عليكم

هو موضوع تغير شنابر ديل الفتيس و السلونيد يحتاج فك أو فتح الفتيس ولا موضوع بسيط ، لانى اسمع ان الفتيس لما يتحل ميرجعش تانى ذى الاول ، مع العلم أنى لسة مغير زيت الفتيس من أسبوع لان عندى نفس النتشة من الاول للثانى بعد ارتفاع الحرارة بحوالى ساعة وبعد تغير الزيت النتشة قلت كثير بس لسة موجودة

و عليكم السلام و رحمة الله و بركاته

شنابر الديل موضوع و السولونويد فالف موضوع آخر......يعنى مش الاتنين بيتعملوا مع بعض....كل واحد منهم ليه أعراض مختلفة.....الاتنين تصليحهم سهل و لا يحتاج حل الجيربوكس من مكانه و ده بيأكد أنه مش صعب.....حوالي ٤ ساعات شغل لكل موضوع على أقصى تقدير

موضوع النتشة اللى بين الأول و التانى ده مش عيب.....دى حاجة موجودة فى كل الجيربوكس الأوروبي فى البيجو و الرينو و السيتروين.....ده كده طبيعى و مش عيب و مش هيروح......العيب هو وجود هبده جامده أو تأخير/ تعليق النقلات

**hayoub26** · 11-09-2013 04:34 PM

المشاركة الأصلية كتبت بواسطة احمد عبد القاد

باريت لو توضيح امتى نحتاج تغير شنابر الديل وامتى نغير السولونويد فألف
اللى فى العربية عندى مش الطبيعى فهو نفس الأعراض اللى حضرتك قولت عليها وهى نتشة واحيانا هبدة من الاول للثانى فقط مع رفع الآر بى أم قبلها ، بس النقل العكسى مفيش مشكلة واحيانا برده تجد لا استجابة من دوسة البنزين عند الطلوع من الثبات وفجأة الموتور يعلى والعربية تنط بهبدة جامدة وكل ده يبدأ بعد حوالي ساعة من المشى بالزحمة
عموما الله يطمأنك وشكرًا على الرد والاهتمام لانى كنت خائف من موضوع فك الفتيس

حضرتك بتتكلم على نفس المشكلة بالظبط اللي عندي.. و انا اصلا اللي عامل الموضوع.. علشان كده انصحك تقرأ الموضوع بالكامل...
و على العموم احنا الحل اللي و صلناله هو تغيير الشنابر في التوكيل .. بس برده اقرأ الموضوع بالكامل..و أنا بالنسبة لي ناوي أعمل كده بس أجلتها شوية ..

**iaibrahim** · 11-09-2013 07:59 PM

والله يا جماعه انتم
حيرتونى والعيب عنىدى هو ان عند الوقوف والطلوع دواسه البنزىن تتاخر ثوانى ثم العربيه تتطلع عادى اما الهبده حصلت مره او مرتين فقط والا ن انا مش عارف هل اسافر الساحل الشمالى ولا لأ ارجو الرد ولكم الشكر وهل ده سلونيد ولا شنابر ديل الفتيس ؟

**Ahmed Amin** · 11-09-2013 08:17 PM

المشاركة الأصلية كتبت بواسطة iaibrahim

والله يا جماعه انتم
حيرتونى والعيب عنىدى هو ان عند الوقوف والطلوع دواسه البنزىن تتاخر ثوانى ثم العربيه تتطلع عادى اما الهبده حصلت مره او مرتين فقط والا ن انا مش عارف هل اسافر الساحل الشمالى ولا لأ ارجو الرد ولكم الشكر وهل ده سلونيد ولا شنابر ديل الفتيس ؟

سافر عادي طالما معملتش معاك هبده مرة أو مرتين,
ولما ترجع أبقي أكشف علي الزيت ودورة التبريد.

**hayoub26** · 12-09-2013 03:39 PM

يا جماعة انا شايق كل اللي غيروا شنابر ديل الفتيس في التوكيل و نجحت, بيتكلموا عن التوكيل فرع العامرية... طب حد عارف احسن فرع في القاهرة و لا أطلع على اسكندرية... لأن واضح ان مش اي حد يغير شنابر.. و الدليل ان معظم اللي عملوها عند ميكانيكيين بره الفتيس حصله مشكله اكبر..
؟؟؟؟؟؟؟؟؟؟؟

**Ahmed Amin** · 12-09-2013 03:47 PM

أنا كنت هقولك نفس الكلام من باب زيادة الحرص,
أكيد فيه ناس عملتها في القاهرة, بس بما أننا مشوفناش تجارب من حد هنا في فروع القاهرة وفي ناس أشتكت من فرع القطامية عموماً.
يبقي أفضل لك طبعاً عشان منجربش في حاجة زي دي أنك تنزل يوم أسكندرية تغير جو وتزور فرع العامرية وتعملها هناك بما إن شوقي وميجي بوي عملوها هناك ومحدش طلع بعدها بمشاكل الحمدلله.
هيبقي أفضل أنك تعملها في مكان فيها فني غيرها أكتر من عربية وشوفنا نتايج إيجابية معاهم.

وطبعاً متقارنش التوكيل بالميكانيكية برة لان الميكانيكة مش بيبقي عندهم نفس إمكانيات التوكيل من ناحية الونش اللي بيرفع العربية علي اربع حوامل عشان يشتغل تحتها براحته, يعني في التوكيل مش هيضطر ينام تحتها زي برة او يوقف العربية علي بيارة ويبقي متكتف.
كمان مش بيبقي عندهم نفس النضافة ولا نفس المعدات الخاصة بالفك والتركيب,