الموضوع: ضرووووووورى من ملاك ال 301

المشاركة الأصلية كتبت بواسطة Fo1Fo

البيجو والستروين مروحه واحده ليها سرعتين السرعه التانيه مع التكييف لما بتشتغل السرعه التانيه بتحس ان صوت المروحه بقى زى الفريره (مش صوت ونه ولا صوت حاجه يتحك) هو صوت هواء بس مسموع . وأعتقد ده مش عيب

دا الكلام المظبوط,
واللي متعجب من الصوت برضه وبيقول ليه كدا,
ممكن يبقي يشوف العربيات الأعلي منها زي 308 أو3008 أو C4 أو 307
ويشوف صوتها عامل أزاي قبل ما يقول هيا صوتها ليه كدا, أكنه عالي عن العادي أو عيب.!!

المشاركة الأصلية كتبت بواسطة Rsarabia

كل الاوروبى و بعض اليابانى كدا صوت المروحة عالى جدا مع التكييف اللى هى السرعة التانية يعنى عكس الكورى ملوش صوت :)

يا كوري يا حنينننن,,
وأيه أخبار وسائل وعوامل الأمان اللي بتنزل في الكوري أوبشن, مقارنة باللي بتنزل في ال ٣٠١ بالأوروبي إستاندرد,,

أيه يا جدعان مش هنخلص من أم الغيرة دي بقي من الأوروبي.!

طبعاً للناس اللي هتقرأ الموضوع و متعرفش ليه الاسئلة كتيرة علي ال ٣٠١ كدا,,
القصة كلها إن البيجو ٣٠١ عليها العين وطلب أعلي من الكوري اليومين دوول بسبب إمكانياتها ومواصفاتها كعربية أوروبي مع سعرها,
ولأنها اعلي من عربيات زي الريو والالنترا في عوامل الأمان تحديداً وأقل منهم في السعر,

يعني مش هتلاقي الايموبلايزر بينزل فيها كا أوبشن زي ما بيحصل في الالنترا ومش بينزل في عربيات تانية هيونداي,
ولا هتلاقي الABS+EBD ولا حتي ال ٢ ايرباج مش هتلاقيهم بينزلو أوبشن زي الريو,

وكل الحاجات دي بتنزل في البيجو ٣٠١ إستاندرد وثابتة في كل الفئات من اول البيز لاين للهاي لاين,,
لأن الأمان مفهوش تهريج,, علي عكس الكوري.

ومعظم اللي مهتة بالبيجو ٣٠١ مركبش أوروبي قبل كدا عشان يعرف دا طبيعي ولا لا,,

صوت المروحة اللي طول عمرة موجود وعادي محدش أشتكي منه بقي من العيوب دلوقتي.؟!
لا تعليق يعني,