الموضوع: أفضل نوع كاوتش للـ x5

المشاركة الأصلية كتبت بواسطة 2CODE

برضه حجم الكاوتش بيفرق صحيح لو الاتنين نفس المقاس كنت هتلاقي نفس الاسعار
خصوصاً انك اشتريت الكاوتش عادي يعني مش Run Flat كنت قولت لك انت مجبر
فدي الاسعار العادية للكاوتش الـ20 حتى لو كانت توك توك

ثم ان الـBMW برضه حاجة تاني عن المرسيدس - مش بنقلل من المرسيدس طبعاً الاتنين 10\10 لكن الـBMW كـHandling و Traction Control وانت سيد العارفين احسن بفارق كبير عن المرسيدس مش هقول لك طبعاً الكلام ده انت جربت سواقة الـBMW حاجة تاني

شوف يا زعيم هو بعد التجربة الفعلية للقيادة علي مختلف الظروف :-

- النعومة والراحة..مرسيدس بلا منازع.
- التسارع .. الـ X5 نفخ بمعني الكلمة وتحس إحساس عجيب لما تسمع صوت الموتور وناقل الحركة الـ 8 سرعات وهو بينقل.
- الإتزان علي الطريق السريع العربيتين واحد.....بس المرسيدس فعلاً حاجة تانية.وجهة نظري السبب ممكن يكون عشان الـ Airmatic suspension في المرسيدس اللي بيخليها بعد الـ 140 بتهبط علي الأرض.ومع المناورات العربية هي والأسفلت واحد ومستحيل تحس بحركة جسم العربية الفجائية وإنت قاعد جواها.عكس الـ x5 لو خدت الغرزة من دي العربية في منتهي الثبات بس لازم تحس بالحركة المفاجئة وإنت قاعد جواها.بقول يمكن عشان خاطر إرتفاعها.
- العزل الخارجي..المرسيدس
- السماح بالقيادة في كل الظروف مهما كانت إيه طبعاً الـ x5 اللي فعلاً ممكن تمشي بيها علي الحيط
- التكييف . مش هقولك غير إن المرسيدس فيها 18 فتحة تهوية !!!!!!!! ودرجة التبريد القصوي 11 درجة مئوية !!!!!!!
بس برده تكييف الـ x5 ممتاز وبها 15 فتحة تهوية.
- النظام الصوتي الـ x5 مع مراعاة الجودة الفائقة في المرسيدس ( bose sound system ) بس في الـ x5 حاسه أنقي.
- التكنولوجيا بوجه عام لصالح الـ x5 مع مراعاة إن المرسيدس فيها كل ما تشتهي الأنفس.بس في لمسة أحدث في الـ x5 خصوصاً الـ idrive
- مساحة الشنطة طبعاً الـ x5 بلا منازع.

الهيبة علي الطريق طبعاً واحدة..وإن كانت الـ x5 تحس إنها هتعدي من فوقك..يعني كنت راكب المرسيدس والحاج راكب البي إم وجاي طاير من ورا وأنا شايفه في المراية لا شكلها يخضك