الموضوع: رابطه لملاك جيلي ck

المشاركة الأصلية كتبت بواسطة xmando11

شكرا على التجربه
انت عدلت حاجه فى مساعد الفيرنا ولا ركب علي طول
وبالنسبة لليايات بتاعت الفيرنا هى متركبش عندنا عشان كده جبت الفورد
وملعش انت جبت الحاجات منين وركبتها فين والاستيراد على ضمان ولا لا
والمصناعية كانت كام
طولت عليك انا عارف

تعديل بسيط جدا في ودن المساعد علشان يركب , "صاجة الودن بيشيل منها حته علشان بتبقي ضيقه شويه عن المساعد الاصلي + ركبت 2 صداده بس جديده "حته كاوتش بتلاقي مع المساعد"
نقطه بس بسيطه كان في نوعين من المساعدين واحد بيبقي فيه مكان لربط مسمار الحساس بتاع abs وواحد مافيهوش وبيبقي يمين وشمال
اليايات ركبتها فورد لان نسبة انضغاطها افضل حسب راي الصنايعي "بيقول انها امريكي"
الحاجات جبتها من عند بتاع قطع غيار استيراد
المحل تبع الصنايعي فهو اللى ضامنها بمعني لو حصل فيها حاجه في اي وقت برجعله تاني وده اتفاقي معاه
بس بصراحه انا بصيت على الحاجه قبل ما تركب كان في فرق كبيييييير جدا بينها وبين اللى فكها
المصنعيه كانت 150 + 10 جنيه دخان للصبي

لا طولت ولا حاجه ولو اى اسئله تانيه اتفضل

المشاركة الأصلية كتبت بواسطة el_lol_007

السلام عليكم

يا جماعه من فضلكم لو سمحتم اى حد عنده معلومات عن الكبالن و ايه النوع اللى ينفع يركب على العربيه من غير تعديل يقولى لو سمحتم

وشكرا مقدما

عليكم السلام
الحقيقه انا ما غيرتش الكبالن قبل كده , لكن سمعت من ناس انها بتاعة التويوتا كرولا 2005 بدون تعديل
ياريت لو حد من الشباب هنا غيرها قبل كده يقول علشان الناس تستفيد من التجربه

المشاركة الأصلية كتبت بواسطة tarek elbadry

السلام عليكم
اية الفتيس البديل اللى ممكن يركب فى العربية من غير تعديل

عليكم السلام
انا كنت سئلت الميكانيكي قال ان بتاع تويوتا كورولا عيون 98 بيركب عليه, لكن ما جربتش ده فقط كان سؤال وجواب
لو الفتيس عندك فيه مشكله وانت ناوي تنزله يبقي هتاخده معاك الحرفيين علشان تجيب واحد زيه علي الطبيعه سواء كان بتاع الجيلي او بتاع الكورولا
لو الفتيس شغال ممكن تنزل بالعربيه مشوار الحرفيين في شارع المرسيدس الحاج محسن بتاع استيراد تسئل عنده

عجبنى موضوع الرابطه بتاعت ck2واكيد محدش هيفدنى غيركووا
ايه رايكول ياجماعه فى جيبلى ck2 والاتوماتيك بتاعتها عامله ايه وايه اخبار قطع غيارها متوفره ولا ايه واسعارها رخيصه ولا لا والى جربها ياريت يقولى كانت عامله معاه ايه لانى بفكر اشتريها بس قلقانه لانى بسمع عليها كلام ان اقفلها بتتكسر واعطلها كتير وكدهوفيها عيوب كتير والى حالتها كويسه موديل كام و تعمل كام تقريبا
وارجو الرد من اهل الخبره

المشاركة الأصلية كتبت بواسطة توتى توتى

عجبنى موضوع الرابطه بتاعت ck2واكيد محدش هيفدنى غيركووا
ايه رايكول ياجماعه فى جيبلى ck2 والاتوماتيك بتاعتها عامله ايه وايه اخبار قطع غيارها متوفره ولا ايه واسعارها رخيصه ولا لا والى جربها ياريت يقولى كانت عامله معاه ايه لانى بفكر اشتريها بس قلقانه لانى بسمع عليها كلام ان اقفلها بتتكسر واعطلها كتير وكدهوفيها عيوب كتير والى حالتها كويسه موديل كام و تعمل كام تقريبا
وارجو الرد من اهل الخبره

الحقيقه ماشوفتش الاتوماتيك من الجيلي,
بخصوص انك مقلقه من الاعطال والعيوب
اللي يحكم حاله العربيه, يعني ماتجيبيش عربيه حالتها تعبانه حتي لو رخيصه وتقولي هتصرف عليها الف ولا اتنين وهترجع جديده
حضرتك عاوزه عربيه اتوماتيك في حدود كام؟

شكرا لردك جدا انا حدودى من 40الى 50 وطلبى فى السياره تكون اتوماتيك سيدان وحاله كويسه وفى الرينج ده وبصراحه عجبتنى الجيلى جدا شكلها حلو ولاحظت ان اسعارها مش غاليه اوى حتى الحاله الكويسه منها ولاكن قلقلت لانى سمعت عن العربيه دى انها ضعيفه وقطع غيارهاا مش متوفره وحتى الى كان جايبها جديده بيشتكى هل الكلام ده مظبوط ياريت بم ان حضرتك عندك العربيه دى تقولى رايك بصراحه وايه عيوبها ومميزتها ولك جزيل الشكر