الموضوع: أنا عملت حادثة وصدمت شخص

المشاركة الأصلية كتبت بواسطة الريس

قدر الله و ما شاء فعل
ده ابتلاء كبير جدا جدا جدا
اكثر من الاستغفار لك و للمتوفي
و راضي اهله لاقصى درجة تسمح بيها امكانياتك حتى لو ده هيؤثر على خطط مهمة في حياتك .. الناس فقدت ابنهم و من حقهم يتراضوا حتى لو مكنتش الغلطان..
و يا رب تعدي من الازمة دي على خير و سلام بإذن الله

كلام جميل وربنا يبارك فيك

انا انصحك انك تراجع نفسك لأن دي وقفه وكله بقدر الله وكل شئ مقدر له
فلازم تستفيد من هذا الدرس
حتى لو مش غلطان فده مش الموضوع
ولكن الموضوع انك يقدر لك ذلك

وانصحك بكثرة الأستغفار خصوصا اننا في شهر كريم

رحمنا ورحمك ورحم المتوفى و جميع موتىالمسلمين

الحمد لله علي كل حاجة
و حمد الله علي سلامتك....ربنا يصبرك و يقدرك تعدي المشكلة دي على خير

تذكر دائما ان ديه تجربة من عند الله...و ربنا عمره ما بيسيب حد أبدا

يا باشا إنما الاعمال بالنيات وانت نيتك مكنتش هتجري
وده نصيب ومكتوب
وربنا هيرزقك بالمخرج والحل الي يرضي اهله ويرضيك
استغفر الله وادعي ربنا كتير وهو هيريح الجميع

"لا حول ولا قوة الا بالله العلى العظيم , لا حول ولا قوة الا بالله رب العرش العظيم"

أخى ده دعاء فك الهم والكرب حاول تكثر من تلاوته ليل ونهار وان شاء الله ربنا يفرج همك عن قريب

وربنا يرحم المتوفى ويصبر اهله

الاخوة كلهم قالوا راضى اهله وانا باقولك ان فيه دية واجبة شرعا لازم تدفعها لورثة المتوفى لان ده اسمه قتل خطأ حتى لو مش انت غلطان وانت فعلا مش غلطان لكن يا اخى مصيبة الموت مفيش بعدها مصيبة ورب العزة هو اللى قال كده والنتيجة النهائية ان الراجل مات ودى مصيبة كبرى لاهله ومن حقهم الدية وانصحك تسال فى دار الافتاء عن مبلغ الفدية ده قد ايه لانه بيختلف حسب سن القتيل وربنا يصبرك

ربنــا معـــاك
ده قضاء وقدر وربنا يصبر أهله