فواصل الدائرى ما يعلم بيها الا ربنا

**matrix012** · 11-09-2013 12:53 PM

امبارح ولجل الحظ كنت فى مشوار لحد 6 اكتوبر وللاسف اخدت الدائرى بعد غياب سنه ونص بفضل انى امشى فى البلد عن انى اطلع الدائرى
وانا رايح كانت الدنيا زحمه طبيعيه كنت حوالى الساعه 10.30 وطبعا عن نزلت اسكندريه وقفت فيها كتير بس ما علينا
وانا راجع بقى كمية عربيات اخدت كام حفره الى موجودين فى نص الطريق ملهمش حل الصراحه وفى قبل نزلت باسوس على الشمال حتة حفره الله اعلم انهى فنان الى عملها
المهم انا ربنا كرمنى ومأخدتش الحفر ديه علشان كنت ماشى على مهلى شويه علشان الطريق مكانش سالك قوى من عربيات النقل الكتير قوى الى كانت ماشيه براحه وساده كل الحارات الكلام ده كان على الساعه 8 تقريبا
مش هيا ديه القضيه المشكله انى شوفت بعنيا فاصل بالطول يعنى حته اتسفلتت على اليمين وحته اترقعت على الشمال وفى فرق بينهم حوالى 50 سنتى الحته ديه كان فى عربيه اسبرانزا قدامى اخدت الحفره الى بالطول ديه وجابت مقص تقريبا ربنا يستر
بعديها بشويه كده ولقيت عربيه تانيه على نفس الخط وبرده واقفه وشكلها اكلت حفره مشابهه للى فاتت
المهم انا قولت امشى بعيد عن الخط العجيب الى الحفر فيه مقصوده مشيت على الشمال وبقيت كل الاحظ ان كل كيلو تقريبا فى حفره او على اعتقادى انها فاصل بس بالطول
بجد بجد انا اقتنعت بكلام واحد صاحبى ان الحكومه لما بتسفلت الشوارع بتعمل حساب ان بتوع العفشه وبتوع قطع الغيار يشتغلو
الحمد لله انا محصلش اى حاجه معايا
بس انا بنصح اخواتى انهم يعملو زى ما انا قررت انى اعمل مقاطعه للدائرى
وربنا يستر طريقى وطريقكم

**emad_2020** · 11-09-2013 01:02 PM

يا عزيزى انتا فى مصر ولو ماشى ولقيت الطريق حرير اعرف انك يا فى حلم يا برا مصر هههههههه

**lidosasa** · 11-09-2013 01:04 PM

المشاركة الأصلية كتبت بواسطة matrix012

بجد بجد انا اقتنعت بكلام واحد صاحبى ان الحكومه لما بتسفلت الشوارع بتعمل حساب ان بتوع العفشه وبتوع قطع الغيار يشتغلو

ومش بعيد المرحلة الجاية الحكومة تتبنى مشروع لآصحاب الورش ( أبنى حفرتك ) وهو ده الدعم الحكومى للمشروعات الصغيرة

**matrix012** · 11-09-2013 01:13 PM

المشاركة الأصلية كتبت بواسطة lidosasa

ومش بعيد المرحلة الجاية الحكومة تتبنى مشروع لآصحاب الورش ( أبنى حفرتك ) وهو ده الدعم الحكومى للمشروعات الصغيرة

هوا مش فى مصاريف كارته عند كل بوابه على الطرق
مش هيا ديه الى بيتدفع منها علشان الحفر ديه تتعمل
ولا ديه عامله زى الكارته بتاعت الميكروباصات ( إتاوه )

**Ahmed_BYD_F0** · 11-09-2013 01:20 PM

المشاركة الأصلية كتبت بواسطة lidosasa

ومش بعيد المرحلة الجاية الحكومة تتبنى مشروع لآصحاب الورش ( أبنى حفرتك ) وهو ده الدعم الحكومى للمشروعات الصغيرة

هاهاهاهاهاها
حلوة ابنى حفرتك دى
والله حضرتك زى العسل

**SYD** · 11-09-2013 01:40 PM

ربنا يستر طريقك يا صديقي
الدائري وجميع طرق ج م ع عايزة تترصف (او تتنسف) من اول وجديد
امال لو شوفت فيصل واكتوبر
وعلي ايه صحيح - مانت المنطقة عندك ربنا يعينك عليها

انا كل 3 او 4 شهور لازم اعيد علي العفشة واغير جلب وبطاحات

تحياتي للجميع
وربنا يستر طريقنا جميعاً

**Ahmed_Adham** · 11-09-2013 02:27 PM

فيه بقى حته هضبه على الحاره التانيه من الشمال على بعد 4-5 كيلو من المحور وانت رايح ناحيه المؤسسه اللي يلبسها العجله الشمال قدام تاكل في الكارتيره وش. بقولك هضبه لأنها حته قابه من الطريق لفوق زي شاهد القبر كده. أنا عاملها نقطه في الجي بي اس عندي عشان أعرف لما أقرب منها لأني دايما بحب أمشي تاني حاره شمال وربنا يستر. وعلى فكره بقالها شهور ومفيش حد عنده دم يظبطها.

**أحمد جودة** · 11-09-2013 02:31 PM

عمار يا مصر .......... والله مصر مصر كلها كدة مطبات غريبة الشكل وحفر اغرب واغرب ........... والله فى مرة كنت ماشي بالليل وكانت بلاعة حواليها ماية ومش باينة والدنيا غرقانة ماية ......... وراجل كبير راح نازل بالعربية فى البلاعة بقت العربية زي ماتكون بتشرب من البلاعة والراجل مش عارف ينزل من الماية اللى حوالية ولا عارف يطلع م الحفرة ولا حد ممننا عارف يوصله وكل واحد خايف على عربيتة لتكون فيه حفر تانية وكأننا فى فيلم الطائرة المفقودة اللى نزلت فى بحر الرمال المتحرك .......... عمار يا مممممممم