طلب نصيحه عند شراء ابيزا94

**Hopa777** · 11-09-2013 02:23 PM

صباح الفل ......
عايز اعرف لما الواحد يدور على ابيزا 94 مستعملة عشان يجيب حاجة نظيفة وفى نفس الوقت على اد
المبلغ المتاح معاه . ايه الحاجات اللى ممكن اتغاضا عنها واقدر امشى بيها ويتم اصلاحها فى وقت لاحق ...وايه الحاجات اللى لابد تكون سليمة ولازم ابص عليها كويس عشان ماتفتحش معايا مصاريف جامده بعد كده....على العلم انها هتكون اول ابيزا ليه ....وانى قررت اجيبها برغم المخاوف اللى كتير حذرنى منها من... ارتفاع قطع الغيار عن الكورى....مش اى ميكانيكى يفهم فيها...الانجيكشن ومشاكله
بس انا قولت امسك العصايا من النص واجيب واحدة 94 - 1300 كربيراتير ..عشان لو حصلت معايا مشكله فى العربية وانا فى مكان بعيد او سفر الاقى ميكانيكى يقدر ينجدنى.....
ياريت النصيحة من اصحاب الخبرة واعضاء المنتدى اللى تشرفت بالوجود معاهم كعضو جديد

**mahmoud ghanem** · 11-09-2013 02:52 PM

اهلا بيك وربنا يوفقك ان شاء الله فى عربية كويسة

شوف المواضيع دى هتفيدك
http://www.nilemotors.net/Nile/358048-ibiza-94-a.html

http://www.nilemotors.net/Nile/316801-94.html

http://www.nilemotors.net/Nile/287078-a.html

بالنسبة للفرق بين الابيزا 94 و - 98

http://www.nilemotors.net/Nile/371045-94-98-a.html

تحياتى

**Hopa777** · 11-09-2013 03:33 PM

شكرا محمود على الروابط وبجد انا مبسوط انى انضميت معاكم قى قسم سيات وادعيلى ربنا يكرمنى بحاجة كويسة
عشان اقدر اشارك معاكو واشاركو اما يبقى عندى خبرة فى الابيزا

**Hopa777** · 11-09-2013 03:37 PM

شكرا جدا محمد ونصيحتك نصيحة غالية وهعمل بيه خصوصا ان لسة قدامى فترة عشان اكمل مهر العروسة
فبحاول من دلوقتى اعرف نصايح من اهل الخبرة والاعضاء اللى راكبين الابيزا عشان يبقى عندى فكرة عنها و
ربنى يوفقنى فى حاجة كويسة .

**mahmoud ghanem** · 11-09-2013 03:42 PM

المشاركة الأصلية كتبت بواسطة hopa777

شكرا محمود على الروابط وبجد انا مبسوط انى انضميت معاكم قى قسم سيات وادعيلى ربنا يكرمنى بحاجة كويسة
عشان اقدر اشارك معاكو واشاركو اما يبقى عندى خبرة فى الابيزا

على ايه احنا هنا بنخدم بعض وبنساعد بعض على قد مانقدر .. وعلى فكرة انا كل حاجة عرفتها فى العربية دى الفضل يرجع لله ولمنتدى نيل موتورز بصراحة .. المنتدى غنى جداً بعمالقة من الاعضاء

بالتوفيق ان شاء الله وتحياتى

**SYD** · 11-09-2013 09:46 PM

في البداية أحب أرحب بيك في قسم سيات نايل موتورز
اهلا بحضرتك وتشرفنا جدا بانضمامك لينا

يمكنكم متابعة اهم الموضوعات من خلال صفحة القسم علي الفيس بوك
http://www.facebook.com/SeatNileMotors

**Hopa777** · 12-09-2013 12:21 PM

صباح الفل والياسمين على جميع الموجودين.......

انا لسه قدامى وقت للشراء..وبرضه قدامى ابيزا صاحبها مش مستعجل على بيعها وزى ماتقولو
بيبعها بيع غناوة...يعنى مأظنش عارضها فى النت او بينزل سوق هو بيروح وبيجى بيها شغله اللى
بجانب مكان عملى....ولقيت مرة ناس بتبص عليها وفاتحين الكبيوت من حوالى شهر .....
اما سئلت السايس اللى هو تبعنا ..قالى دى ناس بتتفرج ع العربية وعرفت انه عايز يبيع....
عشان انا مش جاهز بالفلوس قولت من غير احراج..... سئلت صاحب العربية على اساس
ان جوز اختى موصينى اشوفله عربيه مستعملة.....قولتله انت عارض للبيع...قال اه....قولتله طب
ايه الاخبار ...لقيته راح فاتح الكبوت ولف فتح باب السواق ولسه رايح يفتح الشنطه...رحت قايله..اصبر..
ان مبفهمش فى الكشف ع العربيه...انا عايز اعرف منك ولو فيه نصيب هبقى اجيب جوز اختى وميكانيكى
يبصو عليها ....قالى عموما العربيه زى الفل ...بص حتى فرش الابواب ..وفيها الفرش الاصلى...طب عشان انا مكنتش حاضر بالفلوس مرضيتش اطول عليه واقعد ابص فى كل العربيه وخصوصا انى معنديش خبرة فى
الكشف ...قولتله عموما احنا نعتبر جيران وانا واثق انك محترم وهتقولى اى عيوب ومش هتغشنى.....
قالى متقلقش ولو عايز تجيب حد يبص هاته...قولتله طب بتبيع ليه...قالى عايز اركب حاجة تكييف وباور....
قولت طب انت طالب كام...قالى 30000ج ...قولتله ده نهائىوالا هينزلو ان شاء الله....
رد عليه واحد كان معاه تقريبا سواق فى الشغل ...قالى ان الناس اللى كانت بتتفرج
عرضو عليه 29000 ع التربيزة وهو ما وافقش....قولتله عموما ربنا يقدم مافيه الخير.................

بعد مشاراكتى معاكم امبارح روحت الشغل لقيت العربيه واقفه زى كل يوم...سئلت السايس ايه الاخبار
قالى لسه وماحدش جه اتفرج تانى....قولتله هو تقريبا بيبيع على راحته مش مستعجل...................
ملاحظاتى ع العربيه وبناء على كلامه : ابيزا94 كاربيراتير 1300 - 4ابواب -
الشكل الخارجى : تقربيا فبريكا بره لان الابيض بتاعها مدى على سن فيل زى مايكون قديم
الجزء السفلى من الاكصدام اللى يبيقى عاده فيه الشبورة وتقربيا اسمه الكساحة فيه تكسير فى الاكصدام الامامى وكذلك الخلفى ...وخبطة او ترييحه صغيرة كده فى الباب الخلفى ....يعنى تقريبا عايزة دوكو والسمكرة الله اعلم على خفيف والا تقيل لو فيه بقى بارومة الله اعلم
الشكل الداخلى: فبريكا على كلامه والصالون معقول والتابلوه يمكن عايز يتلمع وينضف بس معقول
الكماليات : تقريبا 2 زجاج كهربا وسنتر ( ومن غير تكييف ولا باور)
الميكانيكا والعفشة : على كلامة المفروض انهم مافيش فيهم مشاكل

السؤال هنا : لو العربيه على افتراض انها زى ماوصفت ..تساوى كاااااااااااااااااااااااا ااااااااااااااااااام
وتخلص بكام تبقى كويسه....وهل بالمواصفات دى تبقى بالنسبه لى عربيه حلوة والا ايه؟
مع انى كان نفسى فى تكييف وباور...بس على قد لحافك مج رجليك والحمد لله...............
افيدونى يا رفاقى.........

-

الموضوع: طلب نصيحه عند شراء ابيزا94

LinkBack

أدوات الموضوع

عرض

-

-

-

المواضيع المتشابهه

طلب نصيحه في شراء السياره

نصيحه في شراء اكسيل

نصيحه فى شراء بطاريه

نصيحه في شراء لابتوب

نصيحه قبل شراء رينبو 97

الكلمات الدلالية لهذا الموضوع

المفضلات

المفضلات

ضوابط المشاركة