اقتباس المشاركة الأصلية كتبت بواسطة mastr_n مشاهدة المشاركة
الصيد حلو مافيش كلام
سيبك بقى من ترعة السلام بقى والكلام دة
عايز تتطلع تصطاد يعنى رحلة بحرية فى البحر الأحمر ودية مش أقل من 3 ايام

مركب صيد يامعلم مجهز بجميع لوازم الصيد وكمان تلاجات وشيف واستاف المركب كمان
المركب دة بيتأخر باليوم من خليج السويس غالبا فى العين السخنة وأيجارة معدى بس مش عارف بكام انا مطلعتش طلعة زى دية بس ان شاء الله ناوى وخلى بالك الأكل اللى هاتكلة من البحر يعنى هنصطاد والشيف يعمل والباقى بتروح بية طازة ايس بوكس بقى وحركات طلعة فى الجون من الأخر
اعرف ناس طلعت صحابى والله راجعين بوحوش مش سمك السمكة مش أقل من 20 كيلو وشوف انت بقى سمك البحر الأحمر عامل ازاى

انا عن نفسى كنت بصطاد من البحر الأحمر بس من على مراكب بس مش مراكب صيد بس اية حاجة تانية كفاية سحر البحر الأحمر وجمالة
انا ان شاء الله لو فى نية نعمل طلعة صيد فى البحر الاحمر
اقولك انا بقى على حوار البحر الاحمر ده ... انا ليا ناس صحابى ليهم قرايب بيطلعو الطلعة دى بس بيبقو مجموعة حوالى 10 افراد والرحلة بتتكلف ايجار المركب تقريباً حوالى 7000 او 8000 جنيه فى الثلاثة ايام وبيجيبو سمك احجام ماشاء الله بيبيعو منها كميات هناك للمراكبية اللى قاعدين عالشط مستنينهم وبيغطو تكاليف الرحلة وبيرجعو كمان بسمك


اقتباس المشاركة الأصلية كتبت بواسطة mohabelnegm مشاهدة المشاركة
أنا غاوى صيد جدا, ديه هواتيتى المحببة, بس للأسف أنا فى جنوب سينا و الصيد فى البحر ألأحمر من أكتر ألأماكن اللى ممكن تستمتع فيها بالصيد و تطلع أحجام و أنواع عجيبة و رائعة فى طعمها. فيه منتديات كتير لصيد ألأسماك و صفحات على الفيس بوك و هاتكون مفيدة جدا بالنسبه لك و ممكن تنضم لرحلة للعين السخنة بيكون فيه رحلات صيد كتير للعين السخنة من القاهرة و بعد كده لما تشد شوية و خبرتك تزيد للصيد تطلع على الكونيسة و حماطة و أماكن تانيه كتير للصيد. أجمل هوايه فى الدنيا صيد السمك.
انا بصطاد ياباشا من حوالى 20 سنة ( صياد قديم يعنى ) وعندى خبرة جامدة فى الصيد وعندى كل ما تتخيله من عده للصيد مكلف عدة صيد جامدة من زمن الزمن وحوالى 4 فيبر بأحجام مختلفة وفيبر صب للبحر ومكن لكل فيبر و العياشة وشنطة مخصصة بشيل فيها كل الكلام ده غير بقى كشاف رأس عشان بحب اصطاد بالليل غير السنون والمداور وبكر خيط جميع الاحجام وسنون الشمط وكل كل كل ما تتوقعه الحمد لله مجهز عندى بزيادة لانى دايما بصطاد بس فى النيل بس مش بحب اطلع لوحدى بحب يبقى حد معايا يونسنى واتمنى ياباشا لو تشرفنى يوم تنورنى