الموضوع: تأخير دوران عربية رينو كليو والسيارة باردة

طيب حضرتك دلوقتى بتقولى غيرتى بويجهات و فلاتر و طلمبة بنزين كان عندى نفس المشكلة و العربية كانت مش بترضى تدور الصبح و الا بعد محاولات كثيرة و الناس قلتلى اسباب كتير كهرباء بطارية وش سلندر و حاجات ياما دخلت على موقع رينو الانجليزى و حطيت مشكلتى قالولى نظف بوابة البنزين و غير اسلاك البويجهات لو عندك من ساعت ما جبت العربية و غير فلتر البنزين و الزيت و الهوا و حط مياه مبرد جديدة و نظف الرادياتدير جيدا و حطولى فيديوهات يشمل كل الخطوات دى و العربية رجعت جديدة بس لازم اهم حاجة تعملى ايدل ليرن للعربية بعد ما تركبى الحاجات الجديدة دى علشان لما نظفت محستش بفرق بس لما عملت حاجة زى رسيت لكمبيوتر العربية (ايدل ليرن ) العربية فاقت و رجع صوتها احسن من الاول بكتير ممكن يكون كلامى غلط او صح لكن الكليو مشهورة بالتقطيع و بتكتم او متقومش و هى باردة بسبب عدم نظافة بوابة البنزين او ما يسمى (throttle body ) تحت وش المتور علطول