تأخير دوران عربية رينو كليو والسيارة باردة

**Taghreed123** · 12-09-2013 09:52 AM

السلام عليكم .. أرجو منكم المساعدة لو سمحتم .. سيارتي رينو كليو موديل 2003 - 1200 سي سي - بطلت فجأة مني في وسط الطريق .. وكهربائي غير لي قلب طلمبة البنزين (بامب كوري)، واشتغلت شهرين زي الفل - وبعدين حاولت أدورها الصبح حوالي عشر مرات لم تدور - كهربائي قال طلمبة البنزين قاطعة - اتصلت بشركة الرينو (أبو رواش) منهم لله، وقلت ليهم عايزة مهندس يكشف عليها عند البيت لأن الطلمبة قاطعة زي ما الكهربائي قال، ويغيروا الطلمبة لو هي سبب عدم الدوراة - مهندس الرينو منه لله قال لي صح الطلمبة قاطعة وعايزة تتغير - وغيرها وبعدين العربية لم تدور - قلت له يبقى مش ده العيب - قال لي غيري بوجيهات كمان - ودفعت 2500 جنيه - وتاني يوم لم تدور - غيرت بوجيهات وبعدين فلتر بنزين وبعدين حساس الكرنك والفيشة وبعدين فلتر الهوا - كل ده والعربية مش عايزة تدور إلا بعد 10 مرات وهي باردة الصبح - وبعد 5 مرات على العصر - أفيدوني لأني مش لاقية حل لو سمحتم .. ولكم جزيل الشكر

**saddam** · 12-09-2013 10:32 AM

معلش أختي المواطنة.يعني إيه دفعتي 2500 لتكوني تقصدي 250 عامة تأخير الدوارة سببه الرشاشات لازم تتنظف بالجهاز أو بعدد من المتظفات ثم.نغير فلتر البنزين.تاني وفلتر الهواء وموضوعك بسيط ودمتم للنضال وممكن برضو.تكون.جنب الرشاشات حاجات بسيطة زي تنظيم.الهوا وكده من.المانوفل بس متقلقيش القصة رشاشات ولو فعلا خدو.منك 2500 في تغيير طلمبة.بنزين فأحب أبشرك الناس دي مكانها في النار محفوظ ﻷن الفيول بمب بالثمن ده أنا أغيرو ل 5 أو 6عربيات بس هم إستغلوكي لعدم درايتك بالموضوع وموضوعك بسيط وسهل شوفي حتعملي إيه وإرجعيلي واﻷخوة اﻷعضاء عشان نعمل الواجب والصح

**Taghreed123** · 12-09-2013 11:28 AM

أخي الكريم والله العظيم دفعت 2500 جنيه ثمن طلمبة البنزين من شركة الرينو (فرنساوي أصلي) منهم لله .. وأشكرك جدا على ردك ..

**Taghreed123** · 12-09-2013 01:01 PM

أخي الكريم صدام .. أنا سألت عند مركز خدمة معتمد لرينو في الهرم عن تنظيف الرشاشات بالجهاز قال لي إن ده بس بيكون في التوكيل لأن الجهاز في شركة الرينو بس .. يا ترى الكلام دي صحيح؟ يعني مش أي ميكانيكي أو مركز خدمة معتمد يقدر ينظف الرشاشات .. أرجو الإفادة والمساعدة إن أمكن .. لأن شركة الرينو عايزين العربية تبات عندهم علشان يفحصوها بالكامل .. ومكانهم في أبو رواش والطريق صعب عليا جدا ومعرفش أروحه .. ولك جزيل الشكر

**saddam** · 12-09-2013 01:04 PM

أختي المواطنة الكريمة عوضك على الله ربنا يعوضك كان اﻷصح تستشيرينا في المنتدى قبل متتورطي مع هكذا أناس وعلى العموم لو معرفتيش تحلي مشكلة.الدوارة المتأخرة فحاولي تستغني عنها يومين وأنا أخلصهالك حسبة لله تعالى ومش عايز منك حاجة وسبب ده إنك دفعتي 2500 جنيه في فيول بمب له بدائل كتير أو تروحي توديها تنظفي رشاشات بالجهاز ولكن ممكن تجربي تنظفيها بالمنظفات قبل منفك الرشاشات ممكن 90% تستجيب و.كانت التقسيمة فيها حاجة برضو يتم المراجعة عليها ونغير فلتر الهواء وربنا ينورلك الطريق وأي حد عندنا من اﻷخوة اﻷعضاء في المنتدى حيساعدك ويوقف جنبك لما يقرا مشكلتك ودمتم للنضال وفيه ناس كتير في المنتدى عندها ورش وممكن يكشفولك عليها مجان بس سؤال حضرتك على جنب هي عربيتك بتدور وتمشي بيها طبيغي بعد كده يعني تأخير دوارة وهي باردة فقط ولا ممكن وهي ماشية بتقطع ولو قطعات خفيفة

**saddam** · 12-09-2013 01:12 PM

المشاركة الأصلية كتبت بواسطة taghreed123

أخي الكريم صدام .. أنا سألت عند مركز خدمة معتمد لرينو في الهرم عن تنظيف الرشاشات بالجهاز قال لي إن ده بس بيكون في التوكيل لأن الجهاز في شركة الرينو بس .. يا ترى الكلام دي صحيح؟ يعني مش أي ميكانيكي أو مركز خدمة معتمد يقدر ينظف الرشاشات .. أرجو الإفادة والمساعدة إن أمكن .. لأن شركة الرينو عايزين العربية تبات عندهم علشان يفحصوها بالكامل .. ومكانهم في أبو رواش والطريق صعب عليا جدا ومعرفش أروحه .. ولك جزيل الشكر

أختي المواطنة.لو إنتي ساكنة في الهرم فأنا برضو ساكن في الهرم وبالنسبة للراجل الذي بلغك أن.تنظيف الرشاشات في الهرم غير موجود وموجود فقط في التوكيل فهو شخص مغيب وهناك مركزان أو ثلاثة في الهرم عندهم تنظيف رشاشات ويبدو حضرتك إن لا خبرة لكي في السيارات بتاتا أنا ممكن لو فيه ركنة كويسة تحت بيتكم أسيب وحده من عربياتي عندك وآخد عربيتك أعملهالك ولو حضرتك تسيبيهالي عند البيت الصبح وأنا تاني يوم أخلصهالك واﻷجرة دعوتين بس لكن ميكونش يوم حد أو سبت وربنا يفك أزمتك وموضوعك بسيط

**Taghreed123** · 12-09-2013 01:42 PM

أشكرك جدا أخي صدام .. أنا مش عارفة أقولك ايه؟ "الخير في أمتي إلى يوم الدين"، المركز اللي قال لي كده ده مركز رينو محمود عثمان اللي في الهرم - والعربية لما بمشي بيها مش بحس بأي تقطيع خالص وسحبها كويس .. لو بس تقدر تقولي فين في الهرم أو أقرب مكان ليه ممكن أنظف الرشاشات يبقى جزاك الله كل الخير ..

**saddam** · 12-09-2013 02:08 PM

المشاركة الأصلية كتبت بواسطة taghreed123

أشكرك جدا أخي صدام .. أنا مش عارفة أقولك ايه؟ "الخير في أمتي إلى يوم الدين"، المركز اللي قال لي كده ده مركز رينو محمود عثمان اللي في الهرم - والعربية لما بمشي بيها مش بحس بأي تقطيع خالص وسحبها كويس .. لو بس تقدر تقولي فين في الهرم أو أقرب مكان ليه ممكن أنظف الرشاشات يبقى جزاك الله كل الخير ..

أختي المواطنة.سيصلك الرد على الخاص وهناك طريقتين للحل أمامك نقي منهم

**saddam** · 12-09-2013 03:21 PM

آه ومبدئيا كده.يا أختي المواطنة.كحل مؤقت لدوارة. الصبح عايزك قبل ما تدوري تفتحي كونتاكت 3 ثواني وتقفليه ثانيتين لمدة مرتين.ثم.تبدأي تدوري بالثالثة حنقلل عندك مؤقتا موضوه التأخير في الدوارة لغاية متقرري أنهي طريقة.تنتهجيها باﻹصلاح ودمتم للنضال

**Taghreed123** · 12-09-2013 04:32 PM

أخي الكريم صدام .. أشكرك جزيل الشكر على المعلومات القيمة .. وربنا يبارك فيك ويكرمك .. وهعمل زي ما نصحتني وهرجع تاني ليك علشان أقولك النتيجة .. وأتمنى تكون خيراً ...