الموضوع: لخبراء الضخامة : بتعملوا ايه او بتاكلو ايه علشان تربو عضل. !!

السلام عليكم
أنا معجب جدا بكل الاراء
أود أن أنقل تجربتى فى موضوع العضلات ، أنا رحت صالة رياضية عشان كان نفسى أهزم أصحابى فى لعبة الريست(الذراع) وكلهم كانو يسخرو منى ، وبالفعل مدة شهرين فقط الحمد لله بقيت أنا البريمو+ جسمى بقا ممشوق دا أنا أخدونى فترة الخدمة العسكرية ضابط بالجيش عشان جسمى وخصوصا ألعاب رياضية ،، نصيحة بلاش تعتمد على المكملات وخليك فى الرياضة بس واظب علي التمرينات .

المشاركة الأصلية كتبت بواسطة y a r i s

ايووه الله يفتح عليك ... طول براحتك ياباشا
وادينا كده مما عطاك الله من كم المعلومات المفيدة دي.
وبالنسبة لامينوا. ايه افضل امينو

ولا السوبر امينو

بالنسبة انا عندي الجسم تخين. من تحت بس دراعاتي رفيعة. من فوق فعاوز اتخن دراعتي اواخسس جسمي. ههه يعني نزبط الماسئل ونعمل نسبة وتناسب ... فايه افضل المكملات بسم الله مشاء الله ولا حول ولا قووووووة الا بالله طبعاً اولاً واخيراً ... وتحياتي :)
وانا معاك قلب وقالباً

بسم الله الرحمن الرحيم
شوف ياسيدي
في الأول انا فعلا عايزك تنسى المكملات
مش لأنها خطر
خطورة (المكملات) دي أقل من خطورة علبة البيبسي !!
الأهم ليك دلوقتي
تبدأ تتمرن, تاخد على الاداء الصحيح للحركه وتعرف طبيعة جسمك وكده
لاني اظن انك مالعبتش قبل كده
فهتلعب شهرين الأول بدون ماتاخد حاجه أوك ؟
دلوقتي من وصفك انت جسمك بيخزن في مناطق اكتر من مناطق
مش مشكله
هتدخل الكارديو في تدريبك ان شاء الله من أول يوم
وهتاكل الأكل اللي فيه سعرات قليله, بس فيه بروتين
يعني تبعد عن اكل الشارع تماما
وتنسى اكل البيت المسبك
وتاكل سلطه وخضار وكده
بعدين خليك فاكر المعادله دي
أي كالوري زياده عن اللي جسمك محتاجه لو ما اتحرقش هيتخزن
بالنسبه لسؤال الأمينو
اللي افضل من ده وده ال bcaa
وكبدايه انصحك تعتمد على مصدر بروتين زيرو فات
زي أي أيزو بروتين
شخصيا انصحك بال أيزو بيور
بس برضه مش دلوقتي

ان شاء الله بعد ماتنزل الوزن الزايد وتاخد عالحديد شويه
هتلاقي معادلة جسمك ظبطت
وانا معاك برضه لو عزت حاجه
بس ماقلتليش
وزنك وطولك ؟؟

المشاركة الأصلية كتبت بواسطة egyboy

اقولك انا على حاجة بقى وتصدقنى

سيبك من المكملات والمنشطات والكلام ده كله

لانه ليه اثر سلبى مهما كان الناس بتقول انه مفيش

:::::::::

عن تجربة بقى

انا كنت فى البيت فترة 3 اسابيع وكنت فاضى تماما قولت انزل الجيم

ولعبت يوم ويوم بس كنت بروح اكل افترى ..كل اللى الاقيه اكله

لحمة فراخ بيض سمك عصاير لبن مكسرات شكولاتة

على مدار اليوم من اول ما اصحى افطر فطور حلو وطول اليوم عمال اكل شوكولاتة وعصاير وبروتين زى اللى موجود فى اى بيت

و والله حسيت بتحسن رهيب فى العضلات وضخامة عجبتنى جدااا

المشكلة انى بطلت و مكملتش :)

جرب شهر واحد بروتين وكل بذمة ولا رجيم ولا خفيف دوووس فى البروتين وشوكلاتة وعصاير خصوصا عصير قصب واى عصاير تانية

وهتشوف :)

حضرتك الاستاذ عايز ينزل وزنه
ويعمل جسم
وبتقوله ياكل شيكولاته ؟؟؟
وعموما زيادة الحجم او زيادة الوزن مش شرط تبقى حاجه كويسه (للرفيعين) او لأي حد هارد جينر عموما
فمش أي تجربة شخصيه تنفع لأي حد ياباشا :)

المشاركة الأصلية كتبت بواسطة secret-man

مينفعش تقول اعمل عضلات ازاى ومكملات ايه والكلام ده

انت تقدر توصل للجسم الى بتوصفه للشباب من 6 ل 8 أسابيع وساعات اجسام بتستجيب بعد 12 أسبوع

وكل ده متوقف عليك انت

هدفك ايه ؟ هل جسم وشكل ؟ ولا عضلات جامده فعلا وحب للرياضه وصحه ؟ ولا بروفيشنال وتدخل بطولات وهكذا

لان كل هدف وليه طريقه وشغله ومصاريفه واكله وكل شيىء

الموضوع مش حديد بتشيله وتروح اغلب الناس الى بتشوفها بتاذى نفسها جدا بيحقن منشطات كتير جدا يحصل على عضل منفوخ في اقل وقت وده طبعا كله احتباس مياه فقط مش عضل صافى الياف

نيجى بقا لموضوع الهيبه والشكل في الشارع على اد ماهو شكله كويس وليه منظره بس لو عيل رفيه وقلبه جامد رزعه قلم ولا مطوه كل ده ملوش لازمه وهتحبط احباط السنين
فمتعتمدش على الشكل اعتمد على المضمون بمعنى اتعلم سيلف دفنس تريننج افضل واقوى وأوقع من انك تكون منظر ماشى وخلاص

موضوع المنشطات ده فعلا مشكله
بس يظل الحصول على عضل مش سهل
اللي انت بتقوله عن المنظر عالفاضي وكده ده واحد لا ليه في الرياضه ولا ليه في المنشطات
قالوله خد كذا, نفذ الكلام وخلاص فاتنفخ عالفاضي زي مابتقول حضرتك كده
والتدريب عموما مش منظر
لأ ده (اذا مشي صح) صحه افضل, والوصول اصلا لل (منظر) ده مش سهل ومش هييجي ولا في سنه
يعني اللي بيلعب بيلعب لنفسه مش عشان يبلطج عالناس
بس لو حد قل أدبه اهلا وسهلا
ابقى احب اشوف العيل الرفيع ده هيعمل ايه :) :) :)

طيب بالنسبة للرفيعين اللي زيي كدة