صوت تزييق - ابيزا 2001

**ehab_mansour** · 24-09-2013 11:07 AM

تعرف اني عندي صوت تزييق في العربية بييجي من ناحية الباب اليمين تخيل كان فين و منين !!!

منين ؟؟؟

منين ؟؟

تعرف ان قفل الباب عموما عبارة عن جزئين الكالون اللي راكب في الباب + الجزء اللي بيقفل عليه الكالون و المثبت في القايم ...

الجزء المثبت في القايم ده عبارة عن تركيبة حديد مثبته و عليها بكرة بلاستيك او فبر بيقفل عليها لوك الباب ...

تخيل ان البكرة البلاستيك دي لقيتها هي اللي بتزيق و انا واقف جنب العربية و بنضف حاجه كده ايدي جت عليها لقيتها بتزيق مع التركيبة الحديد اللي هي راكبه عليها لأنها بتلف مع كل قفلة باب للعربية

قوم ايه قمت جبت نقطة زيت لأني كنت في مكان شغل و بعيد و مش معايا wd40 بتاعي و حطيت نقط بسيطة علي اطراف البلاستكه دي و لفيتها الصوت راح و قمت عامل كده في الاربع ابواب

النتيجة :-

الصوت راح تماما ... الحمد لله و الابواب الاربعه اصبحوا بيقفول اكثر ارتياحا و سهولة و باقل زقة و عشان يبقوا افضل كمان محتاجين نرش شوية wd40 داخل الكالون اللي في الباب و هتبقي فلة و هعملها قريبا ان شاء الله

و الحمد لله

علي فكرة بقالي كتير بدور علي مصدر الصوت ده مش لاقيه و لما اكون سايق اشد الباب يسكت ... اسيبه يشتغل ؟؟؟؟؟ حاجه محيره بس الحمد لله اتحلت

**SYD** · 24-09-2013 06:49 PM

فعلا سكاكة الباب ممكن تعمل صوت تزييق
بس يوجد اصوات اخري زي صوت حكة بلاستيك في بعضه او كأن صوت هوا بيعدي من حاجة ضيقة

تسلم ايدك يا بشمهندس

**hossamalsadik** · 25-09-2013 12:23 AM

مبروك حل المشكله ديه اظن الصوت ده كان قرفك
بس الحمد لله وربا صدفه خير من الف بحث وبحث
أنا بقى عندى بدال الدبرياج فضحنى بس أروق من موسم الشغل الى عندى ورقله

**Karim Ibiza** · 26-09-2013 12:21 AM

المشاركة الأصلية كتبت بواسطة mahmoudayman

الله ينور عليك استاذ و رئيس قسم والله انا ركبت العربيه و اول ما سمعت الصوت افتكرت حضرتك للامانه انا مكنتش حاسس ان هي دي المشكله و خصوصا اني حركتها معملتش اي صوت بس الحمد لله الصوت راح الف شكر يا باشا

طيب فضيلى نفسك يوم عشان نعمل الموضوع ده عندى عشان العصافير اللى بتزقزق

**ehab_mansour** · 26-09-2013 09:24 AM

المشاركة الأصلية كتبت بواسطة mahmoudayman

الله ينور عليك استاذ و رئيس قسم والله انا ركبت العربيه و اول ما سمعت الصوت افتكرت حضرتك للامانه انا مكنتش حاسس ان هي دي المشكله و خصوصا اني حركتها معملتش اي صوت بس الحمد لله الصوت راح الف شكر يا باشا

اوباااااااااااااا ... طيب الحمد لله !!!
مكنتش متخيل ان القصة دي هتساعدك في حل مشكلتك لكن ذكرتها للافاده انه ممكن يصدر الصوت من اتجاه لا يمكن لك تخيله
مبروك يا باشا

المشاركة الأصلية كتبت بواسطة karim ibiza

طيب فضيلى نفسك يوم عشان نعمل الموضوع ده عندى عشان العصافير اللى بتزقزق

طويب !!!
انا نازل اسكندرية المفروض في شغل يومين ورا بعض و محتمل يكونو جمعه و سبت اتمني اشوفكم ولو لوقت قليل اخر اليوم بعد ما اخلص شغل لكن حتي الأن الموضوع تحت الترتيب و لم يتم اتخاذ القرار
و محتاج خدمه كمان .... معايا ناس و محتاج شقة في منطقة قريبة من الدخيله او حتي شاليه ايجار ليلة واحده ؟؟ يا تري هنلاقي ولا فندق احسن ؟؟؟ لأني بتخنق من الفنادق و عايز حاجه في الهواء و براحتنا ؟؟؟
منتظركم